السلام عليكم, يا شباب وش صار طمنونا, ردوا عليكم؟
1 Like
انا مشكلتي اني مسجل بإيميل والايميل هذا تقفل, فخايف انهم يردون وانا ما ادري وتروح علي الوظيفه, تتوقعون راح يتصلون علي بعد؟
بالنسبه لي الى الان ما وصلني ايميل او اتصلو علي… بالعاده الشركات تتصل عليك وتتأكد وبعدها ترسل لك العرض على الايميل … الله يوفق الجميع يارب
1 Like
فيه احد تواصل معهم؟
للحين لا, وشكلهم مطولين يعني يبيلها شهرين ع الاقل.
بس انا الاسبوع القادم ممكن ازورهم بخصوص مشكلتي مع الايميل ومنها اسألهم وش صار.
هل زرتهم؟
غريب الحين تقريبا شهرين وما فيه اَي رد منهم
تواصلت معهم يوم الخميس اللي فات، وقالي ان الوظائف للحين تحت الدراسة لانها تعتبر وظيفة حكومي واحتمال تاخذلها شهر زيادة او اقل… بس اول ماتنتهي الإجراءات راح يجيكم إيميل سواء بالقبول او بالرفض وراح يتصلون عليك اذا انقلبت…
والله يوفقنا اجمعين…
1 Like
يعطيك العافيه اخوي … الي فهمته منك وظائفهم حكوميه على الخدمه المدنيه؟
هذا اللي فهمته منهم…
غريب بالاعلان كاتبين على نظام العقود … هل يفرق نظام العقود عن الحكومي بالراتب التامين الطبي؟
الله يوفق الجميع يارب
فيه اَي جديد ؟
من قبل شهر كانوا يردون أنه باقي تقريبا ٣ اسابيع او شهر ويتم الرد … الحين خلص الشهر ومر شهرين من تاريخ المقابله وللحين باقي شهر ونرد
اخوي تواصلت معهم قريب وقالو شهر؟
كلمتهم الاربعاء الي فات وقالولي للحين ما صار شي انتظر, وما رضى يعطيني وقت تقريبي للرد…
انا انصح انك تنسى عنهم وتدورلك وظيفه ولك نصيب بيدقون عليك
صحيح كلامك اتفق معك … جالس اقدم على اكثر من جهه ولكن الجميع يأخذ وقت طويل على الرد مثل هذي حدود الثلاث شهور بدون اَي رد … الله يسهلها على الجميع يارب
بالغالب اذا ما سوو معك مقابله ثانيه بعد اسبوع من المقابله الاولى فهي راحت عليك، لاني اتذكر المقابله الاولى كان معي ٢٠ شخص وبالمقابله الثانيه كنا فقط ٣ اشخاص،
ع العموم انا طفشت انتظرهم وقدمت بمدينة الملك فهد الطبيه ولله الحمد انقبلت خلال يومين و بداوم بكره… وذولي ٦ شهور وباقي بيردون !!
الله يوفق الجميع ونصيحه لا توقف تقديم، انا لي سنه ونص من يوم تخرجت من امريكا ويادوب لقيت شي، ٢٠١٧ كان فيه شح وظائف غير طبيعي بس السنه ذي باين ان الوظائف اكثر ومتفائل بالقادم ان شاء الله، بالتوفيق للجميع.
الله يبارك لك، كيف كان التقديم؟ هل هو شواغر ولا فقط فتحت ملف بموقعهم
السلام عليكم
الشباب إليّ عملوا المقابلة الثانية
هل فيه اخبار جديدة بعد المقابلة ؟ متى قالوا يردون عليكم
جتني دعوه لعمل مقابله أخرى ( ثانيه )، استغربت أنه بعد هالمده الطويله للحين م لقوا المطلوب
الي سوا المقابله الثانيه، وش كان فرقها عن الاولى ؟ وهل ردوا عليكم
1 Like
ياشباب أحد عنده خبر عن رواتبهم والمميزات والأمان الوضيفي؟