أتواجد حاليا كمرافق في كندا بعد التخرج May 2017 من بكالوريوس الهندسة الميكانيكية، أبغى نصيحتكم لا هنتم في كورسات او دورات تدعم المستقبل الوظيفي في شركات الشرقية عموما و أرامكو خصوصا.
شاكر لكم ردكم مسبقا
أنا عضو جديد عالمنتديات و اعذروني لو كان الموضوع مو بمكانه الصحيح…
الشباب ممكن يفيدوك بخصوص دورات ال Safety, شخصياً ما عندي خلفية فيها. بس من الكورسات الي اخذتها و فادتني كان Lean Six Sigma - Green Belt, في المقابلات دائماً يتكلموا ويايي عن الكورس و لانه يركز على process optimization و هذا الشي مهم واجد ل شركات ال manufacturing. و اخدت كورس اونلاين Introduction to Project Managment Principles من موقع coursera و نفس الشي، كان مفيد.
السلام عليكم
نصيييييحة لا ترجع الا وانت جايب معاك دوراااات حتى لو تضطر تحضر دورة الاوشا في امريكاااا رووووح… وحاول تلقى وظيفة في كندا لانه يعتبر سهل بما انك دراس هناك… اذا قدرت تاخذ خبره ان شاء الله ما راح تتعب لما ترجع…
السلام عليكم إخواني
ألف شكر جميعا ع تفاعلكم
و الله يوفقنا معاكم جميعا بالوظيفة السنعة AbdullahAhmed93 الله يبارك فيك و مشكور يا غالي Cali91 شكرا جزيلا يا غالي fresh graduate Engineer مشكور يا غالي
لكن للأسف لي خمسة شهور و لا حتى مقابلة! الأجنبي صعب يلقى وظيفة هندسية في كندا بدون واسطة. (لا تستغرب هذا الواقع ، بس واسطتهم مبنية على مجرد المعرفة لا قبيلة و لا دين و لا قومية)
بالنسبة للدورات OSHA+ SIX SIGMA
هالثنتين لازم يكونوا عندك. وبالنسبة التوظيف هناك نصيحة شف لك موقع يعملوا لك ال CV وهم يبحثوا لك عن وظيفة،، صحيح راح تدفع فلوس بس فيه نتيجة وبالخصوص انو كندا تتوظف بسهولة
نصيحة عزيزي إتجه لل career center في الجامعة، و اشتغل معاهم على ال CV. هذا الشي ممكن حتى أهم من الدورات و المعدل العالي. أكبر غلط أشوفه منتشر هو ضعف ال structure حق ال CV في تبيين مهاراتك و إنجازاتك.