ابغى استفسر هل فيه مراتب شرف للتحضيري ؟؟
وهل هي كل سنة ولا كل سمستر ؟
ومتى توصل الرسالة الي تقول لك انك حصلت على مرتبة شرف ؟؟
ومتى تنزل المكافأة حق مرتبة الشرف ؟
السلام عليكم
- فيه مراتب شرف للأوريا وهي نفس للي في الجبل .
- مرتبة الشرف تعتمد على المعدل الفصلي وتنزل المكافأة مع اول مكأفة في السمستر الجديد ( يعني تصرف مرة وحدة في السمستر)
- متى ماجهزت الشهادة ( تستلم من مبنى 68 ) راح توصلك رسالة على الجوال.
- تقدر تعرف انك حصلت مرتبة الشرف من الترانسكربيت ( البورتال - registration status بتحصل في الزاوية على اليسار تحت مكتوب ترانسكربيت ) لما تدخل الترانسكربيت بتشوف فوق المواد مكتوب distinction
اذا كان مكتوب جنبها first =مرتبة الشرف الأولى
second = الثانية
third = الثالثة
- مرتبة الشرف تعتمد على المعدل و الساعات فيعني يمكن واحد جايب 3.5 وما يحصلها و واحد يجيب 3.0 وياخذها ، فأنت احسب الساعات الي منزلها هالسمستر.
الماث ( الاوريا ) = 4 ساعات
الانجلش 001 مثلا = 4 ساعات
الفزكس = ساعتين
الحاسب = ساعة
Pe= ساعة
الستدي سكيلز = ساعة
الوركشوب = ساعة
وهالجدول فيه الساعات و المعدل الي اذا جبته راح تحصل مرتبة الشرف
Quick Tools
2 Likes
دخلت على registration status لكن ما لقيت كلمة ترانسكربت شوف الصفحة الي طلعت لي في المرفقات
هل فيه طريقة ثانية ؟
وعندي استفسار عن المكافأة حق الجامعة متى تنزل ؟؟ المفروض تنزل الخميس الماضي لكن ما نزلت الباقي؟؟
هل تنزل الاحد ولا ننتظر الى الشهر الجاي ؟
اسف قصدي registration services عشان تدخل على الترانسكربيت وبعد ماتدخل بتشوف مواد هالسمستر.
ماعندي فكرة متى بتنزل المكافأة اذا مانزلت هالشهر فمعناها هالشهر تبع 171 , وان شاء الله راح تنزل لك الشهر الجاي
وتقدر تشوف تفاصيل المكافأة من البورتال تالي student services تالي stipend وبتحصل مكتوب مكافأة الاونر مع ال 990
معليش غلبتك معي لكن دخلت وما لقيت شي اسمه distinction مع ان عدد ساعات ١٦ ومعدلي ٣.١٥
وش السبب
شيك الموقع بكرة الظاهر مابعد ينزلون الحالة الأكاديمية للطلاب ،
إن شاء الله بكرة بتحصل مكتوب distinction جنب ال academic standing
1 Like
بالضبط ، لحد الحين ما فيه أي تحديث على الموقع. خلال هالاسبوع إن شاء الله بيصير تحديث ويبين كل شيء. اللي مستعجل يشوف الجدول اللي مع حاسبة المعدل ويقدر يحدد أي مرتبة جاب.
يعطيكم العافية يا شباب ومعليش على الازعاج
الله يعافيك ، لا ازعاج ولاشي بالعكس المنتدى هذا لمساعدة الطلاب و شباب الجامعة راعين فزعة واذا احتجت اي شي مايقصرون.
و يا احمد حاول تستمر على هالمستوى وتحسنه لو تقدر ، لاتنخدع بمرتبة الشرف هالفصل او تستهين في السمسترات الجاية. اذا عندك اخطاء او شي حاول تصححها عشان في المستقبل تجيب معدل وقريدات أعلى.
الله يوفقك وبإذن الله كلها كم سنة ونشوفك متخرج بأونر.
يعطيك العافية ما تقصر
وما عليك انا ماشي في التحضيري بدون مذاكرة ابغى اعدي المقررات الي علي بس لأنه في النهاية المعدل في التحضيري راح يتصفر وابدأ من جديد بعد ما اتخصص وهناك تبدأ الشدة الحقيقية
طيب لو انا سويت بروموشين للانقلش تنحسب الكريديتس حقتها ولا خلاص ما اقدر اجيب مرتبة شرف فالترم ذا ؟
الي اذكره ماتنحسب .