السلام عليكم
الي عنده علم عن موعد إعلان نتائج فرز المقابلات الشخصية يفيدنا جزاكم الله خير.
والله ياعزيزي مافي شي واضح وهم ماقالو لنا شي عن موعد المقابلات الشخصيه. شكلها بعد العيد
قالوا بيردون بعد العيد، احد عنده اَي تفاصيل عن هذه الوظيفه؟
تفاصيل من أي ناحية؟
يا شباب الرد قالوا بعد العيد بأسبوع او اسبوعين
بالنسبة للوظيفة انا سألت كذا واحد شغالين بنفس الوظيفة
الدوام ٨ ساعات شفتات وفي الغالب يكون المنافذ دوامها اسبوعين عمل واسبوع راحة وحاليا الجمارك تم تحويلها من مصلحة الى هيئة حكومية بأمر ملكي لكن لسه مميزات الهيئة مابعد يعلنوها
بالنسبة للرواتب للبكالوريوس الفل بكج تقريبا حول عشرة الاف من غير الاوفر تايم ويفرق راتب المفتش اللي يشتغل في المنافذ البرية حول الف ريال زيادة عن المنافذ الجوية والبحرية واخيرا يوجد تدرج وظيفي
لكن السؤال هل تنصحون نشتغل فيها بحكم انها وظيفة رسمية حكومية وفيها استقرار وظيفي؟ يعني مثلا انا تخصصي مالية وحاليا اشتغل بشركة معروفة بالسوق لكن تقريبا الوظيفة مالها علاقة بالتخصص الا شي بسيط
2 Likes
بالنسبة للاستقرار الوظيفي ترى النظام الجديد عقد سنوي بعدها يكون الترسيم هذا كلام الي قابلني بمطار الدمام…
بالنسبه للرواتب هل انت متأكد ؟ اذا على كلامك ممتاز. انا سالت موظف الجمارك بالمطار قال الرواتب بحدود ٧٠٠٠ للبكالوريوس !! 
من مميزات الهيئه الي عرفتها اضافة بدل سكن و تامين طبي او بدل علاج و تتبع لتامينات الاجتماعية
انت سويت مقابله شخصيه معهم يعني؟
ايه
7000الف الاساسي مع البدلات حول ال 10تقريباا
حاليا هم ارسلوا للمقابلة الشخصية لكل المناطق
سلام شباب… اللي سوا مقابله شخصيه يعلمنا وش طبيعتها وكيف كانت
السلام عليكم ورحمة الله وبركاته
اعتذر عن التاخر في الرد
سويت مقابله مع الجمارك في جمرك مطار الملك عبدالعزيز ( جده )
كانت المقابله دردشه خفيفه
من الاسئله الي جتني
1- تكلم عن نفسك وحياتك الجامعية
2- وش سويت من بعد ماتخرجت الى الان
3- وش الوظيفه الي مقدم عليها وايش هي الجمارك
4- وش الممنوعات وركز عليها مره كثير كثير كثير كثير وخاصه المخدرات والمسكرات اجارنا الله واياكم
5- اسئله شخصيه ( عمرك وترتيبك بين اخوانك وايضا وين الاماكن الي تبي تتعين فيها كمنطقه شماليه جنوبيه غربيه وشماليه وهكذا وايضا صحة الوالدين وهل هم على قيد الحياه ام لا وعمليهم )
6- استشفيت من كلامه ان راح يكون دوره في معهد الجمارك ولا اعلم كم مدتها الدوره لاكن بعدها يتم توجيهك حسب الاحتياج للمنافذ
المقابله سويتها قبل اسبوع ونص والى الان لم اتلقى اي رد منهم
واعتذر اولا واخيرا على الرد المتاخر جدا
فيه احد جاه رد بعد المقابله ؟
ايه انا اليوم وصلني ايميل منهم اني ارسل لهم على ايميلهم اسمي وبطاقتي ومكان السكن… بس مادري متى بيردون عاد. طيب بعدها وش فيه يعني الاجراءات هل هي توقيع عقود تعيين او ماشابه ذلك او لا
انا وصلني كمان هل ارسل المعلومات الي طالبينها رد على نفس الأيميل الي وصلني ولا رسالة جديدة ؟
رد على نفس الايميل
يعطيك العافية، بالتوفيق للجميع
احد يعرف رواتبهم ومميزاتهم
شف فوق تعليقات الشباب وش كاتبين… بس مافي محدد ومؤكد من قبل الجمارك تحديدا
محد جاااه رد منهم؟؟؟