هل فيه رقم لهم. لان عندي مشكلة في حسابي للتوظيف ارسلت لهم ايميلات من فترة ومافيه رد؟
السلام عليكم, صباح الخير على الجميع. اللي راح للمقابلة الثانية, ياليت يزودنا باللي يقدر علية. لان عندي مقابلة يوم الخميس. شكرا
السلام عليكم
اليوم رحت سويت المقابلة مع اللجنة، كانو شخصين اللي سوو المقابلة
كانت جدا مريحة وبسيطة كلها أسأله عن سيرتك الذاتيه وعن دراستك ومشاريع سويتها أثناء الدراسة، يعني يقرون سيرتك الذاتيه ويسألونك منها.
أيضاً بيسألونك عن بروجكت كنت قائد فيه وكيف كانت التجربة.
المقابلة كانت جدا مشابهه للأولى بس يبغونك تعطي تفاصيل اكثر وطبعا باللغه الانجليزية.
موفقين
وعليكم السل
وعليكم السلام،
انا برضو سويت المقابله اليوم. كانوا ثلاثه الي قابلوني راح يسألونك عن مشروع التخصص بالتفاصيل وراح يكثرون اساله عن المشروع وإذا كان عندك مشاريع غيره وراح يسألونك عن نقاط ضعفك. وراح يسألونك وين تشوف تخصصك يمشي في البنك وأكثر شيء راح يركزوا عليه هي الثقه بالنفس راح يحاولوا يختبروك اذا انت واثق من رأيك وراح يششكوا بعض الأحيان ويشوفوا رده فعلك فاهم نقطه هي الثقه بالنفس واتزانك وثباتك على رأيك ودخلتك عليهم. بالتوفيق.
مساكم الله بالخير، للي راحو المقابلة الثانية. عندكم خبر متى راح يكون assessment day.
في واحد قالوا له بعد المقابله الاولى انها راح تكون يوم ١ نوڤمبر. احتمال انها راح تكون في نهايه هذا الأسبوع او بدايه الأسبوع الجاي.
ياريت احد يفيدنا عن عن الassessment day والي يعرف عن ايش راح تكون الexercises. مشكورين
شف الرابطين هذي. بالتوفيق
منقول
- يوم التقييم (اسيسمينت داي، او اسيسمنت سنتر):
وصولك لهذي المرحلة يعني انك اتميزت عن بقية المرشحين، وانتا ضمن 50 او 60 مرشح آخرين، من توتال 5000+ ابلكيشن.
هنا حيكون يوم طويل، ولكنه آخر مرحلة في البروسس.
في البداية، رح يرحبو فيكم اللجنة (مقيمين من شركة الاختبار اللي اخذته، وخبرتهم كبيرة جدًا، رح تلاحظ اغلبهم شياب)
ورح يعرفوكم ايش حيصير خلال اليوم.
أ/ المقابلة الشخصية الحالية (competency based interview):
هنا هدي اعصابك ولا تخاف، اللي قدامك رح تلاقيه متجاوب معاك، ولو ما فهمت السؤال رح يعيده مليون مرة لك بصيغة مختلفة،
ولو برضو ما فهمت رح يعطيك مثال. فـ لا تخاف لأنهم متعاونين.
رح يجلس معاك حدود النصف ساعة، وممكن اكثر، وكل الاسئلة رح تكون عن تجاربك في الحياة، يعني كمثال رح يقلك:
اعطيني مثال عن مرة حليت خلاف بين 2 في التيم حقك، وكيف حليته، وايش استفدت؟
كل الاسئلة زي كدا.
الفكرة انه هم عندهم صفات ومهارات معينة أُعطت لهم من جهة التوظيف،
وهم رح يسألوك هذي الاسئلة عشان يستدلو منها اذا كانت عندك هذي الصفات او لأ
الاسئلة اللي ممكن تجيك كثير جدًا، ولكن انتا تسوي دورك انك تتوقع ايش ممكن تنسأل، والطريقة انو لازم تعرف جهة التوظيف عن ايش تدور
كمثال: في برنامج الوسام، طبيعي رح يحتاج يكون عندك مهارات قيادية وادارية، فـ من هنا تتوقع انك رح تنسأل اسئلة زي:
كلمني عن مادة او مشروع وانتا كنت فيها ليدر القروب.
ومن كلامك وتجربتك يستدلو على هذي المهارات، وطبعا في اسئلة تندرج تحت السؤال هذا خلال كلامك، كـ نقاش يعني عشان يوصل للي يبغاه
فـ زي ما قلت، الطريقة هي انك تحاول تحدد الصفات اللي تدور عنها جهة التوظيف “Competency Framework”
عادة تكون 5 او 6 صفات، وحولها تدور المقابلة، هذي طريقتها.
افضل طريقة للإجابة على اسئلة المقابلة هذي هي الـ STAR، ح اسيب لكم ملف في المرفقات مفيد جدًا يشرح لكم الطريقة هذي بـ امثلة
ب/ تمرين المفاوضة (negotiation exercise):
هدف برنامج وسام الأهلي هو الرقي بمستوى خدمة العملاء، ويهدف البنك الأهلي انو يكون افضل بنك في جودة خدمة العملاء
هذا التمرين يهدف لتحديد مهاراتك في خدمة العملاء وقدرتك على التفاوض معهم.
رح يعطى لك السيناريو، حدود 5 لـ 7 صفحات، ورح يعطوك ربع ساعة تقرأ وتتجهز للدور، الورق مكتوب فيه ايش دورك، وفين شغال
وايش خدمات الشركة اللي انتا فيها، وصلاحياتك، والتعويضات، وفيها براقراف او اثنين عن المشكلة اللي رح تحلها، ولكن مو بالتفصيل،
وهنا يجي دورك; انك تسأل وتستفسر من العميل ايش اللي صار له، وتعتذر منه، وتهديه اذا كان زعلان او معصب وتحل له المشكلة
بعد مرور الربع ساعة، رح يدخل عليك العميل، استقبله بطريقة تليق فيه، ورحب فيه، واسمع اللي صار له، واسأله عن الحاجات الي رح توصلك لحل المشكلة
طبعًا خلال التمرين، العميل “المُقيم” رح يحاول يضغطك بكل الاشكال عشان يبغى يشوف كيف حـ تتصرف
يعني مثلا يبدأ يرفع صوته، ويهدد انه رح يسيب شركتكم ويروح للمنافسين، وهنا تجي مهاراتك في التعامل معاه عشان يهدى
الموضوع ياخذ ربع ساعة، وبعد ما تحل المشكلة (احيانا ما تكون المشكلة واضحة، وبالعاني يسوو كدا عشان يشوفو اذا حـ تعرف تسأل وتوصل لحاجات مو موجودة في الورق او لا)
وبعد ما تحل المشكلة، احتمال يقلك انه خسر، ويبغى تعويض، او تكون هذي طريقتك عشان تهديه لو معصب، تقول له انو سيتم تعويضك وما خسرت شي
فـ هنا تروح لقسم التعويضات في الورق، وتشوف كيف ممكن تعوضه، ولكن بذكاء، يعني ما تقول رح نعطيك كل التعويضات الي عندنا
لأنه في نفس الوقت ما تبغى تجيب العيد في شركتك، يعني بحسب الموقف انتا تختار انسب تعويض له،
ورح يصير شوية مفاوضة هنا، لأنو ممكن ما يرضى بالتعويض ويبغى زيادة منكم، ومن هنا يستدل على مهاراتك في المفاوضة، كيف رح تقنعه، وتخرجه راضي ومبسوط من عندكم،
الحمدلله تجربتي كانت تتخللها شوية تعقيد من طرف العميل، وضغط عليا وخلاني اتوتر، ولكن الحمدلله كان مبسوط في الأخير
نصيحتي: اقرأ الورق كويس، وحاول تكون سريع، احيانا جملة واحدة تخليك تجيب العيد، وهم يعرفو كيف يضغطو عليك عشان يشوفو شفت الجملة هذي او لا
ورح يعطوك اوراق لنفسك، سوي خطة كيف رح تتعامل مع العميل، ولكن خليها خطة مرنة، يعني مو لو شي ما زبط في خطتك خلاص حتجيب العيد
كـ مثال:
- defuse the situation
- ask questions -- write your questions here
- reach your conclusion
- compensate the customer if necessary
برضو هنا لا تخاف، وحاول تهدي نفسك لأن اللي قدامك عارف كويس انك فريش وما قد اشتغلت في خدمة العملاء
يعني هوا ما يتوقع تعاملك في الموقف يكون زي اللي عنده خبرة 5 سنوات وفوق
ولكن يبغى يشوف ان عندك اسلوب تفكير منطقي وقدرة على التعامل مع العملاء بذكاء وشوية تفاوض
ت/ تمرين العمل الجماعي:
رح يحطوك مع قروب، ورح تعطى لكم المشكلة، او السيناريو، ويعطى لكم 15 دقيقة كل واحد يقرأ الاوراق لحاله، ويدون ملاحظاته
وبعد الربع ساعة تبدأو في النقاش مع بعض، والمقيمين رح يجلسو حولكم، ويقولو لكم انسو اننا هنا.
نصيحتي: اقرأ كويس، دون ملاحظاتك، حدد الحاجات المهمة، والمهم، المهم، المهم، انكم توصلو لاستنتاج بعد النقاش
يعني توصلو لهدف هذا التمرين، كمثال ممكن يعطوكم مجموعة مشاكل، ويقولو لكم فكرو في حلول، والهدف انكم تقللو من خسائر الشركة
فـ بعد ما تنهو النقاش في ايجاد الحلول، لازم تتكلمو عن كيفية حلولكم المقترحة رح تقلل من خسائر الشركة، لأن هذا الهدف من الميتينق اصلا -> the conclusion
في هذا التمرين اياك تقعد ساكت، ولا تاخذ حق غيرك في الكلام برضو، اعطي الكل حقه،
ولا تخاف انك تتكلم لو في بالك شي، وحاول تفكر في حلول ابداعية، فكر “خارج الصندوق”،
وخلي عينك على الوقت، وهذا ابسط تمرين في اليوم المفروض
1 Like
اللي راحو للassessment day جاكم رد ولا لسى؟
مافي رد للحين، اللي يعرف متى بيردون علينا يقول لنا
في ناس رسلوا لهم عقد عمل أمس. والباقي محد جاه شيء. حيجينا الخبر قريب ات شاء الله.
حلو ماشاء الله الله يوفق الجميع يارب
عندي سؤال اللي وصلهم العقد هل راحو الاسسمنت سنتر بالرياض ولا جدة؟
ان شاء اللجده
جده بس مدري اذا في احد في الرياض جاه شيء
تتوقعوا ارسلوا العقود للعدد كامل ولا مجموعات؟
الله اعلم حيبان في الأيام الجايه لان مو كل الي راحوا الassessment day جاهم رد.
الأستاذة غادة الصبحي قالت لي بأنهم ارسلوا العقود ل٢٠ مرشح امس وهو العدد المطلوب، اذا اذا احد انسحب منهم بعد الويكند يتم جلب بديل والله يوفق الجميع وفرصة سعيدة
1 Like
السلام عليكم
هل فيه أخبار جديدة للي ماقد سمعوا خبر ؟
انا قدمت وجاني اختبار ف ٧ اوكتوبر وحليت ممدري اذا صح او لا
وجاني اختبار ثاني ف ٢٢ نوفمبير
وهذا نص رسالة sms ع الجوال
تحية طيبة ،،،
تم ترشيحكم لوظائف البنك الأهلي - برنامج المساعد الإداري ، في حال رغبتكم استكمال ترشيحكم ، نأمل الانتهاء من التقييم (الاختبار) المرسل لكم خلال 72 ساعة
تقريباً زيي الاول زياده قسم الرايتنق
الله يسعدكم طمنوني المشكلة انا ماعندي لغة ابداً وخايفة من المقابلة هل ممكن يوافقوا عليا وانا ماعندي لغة بس اخصصي الجامعي ادارة اعمال ومعدلي عالي وممدري ليه الاختبار الثاني يمكن عشان م اجتزت الاول ممدري اللي عنده خبر يقولي جاتني وظيفتين ف مكان ثاني ورفضت ابي البنك بليييييز احد يطمني
حتى انا ارسلو الاختبار لي مره ثانية ا في نفس تاريخك المره الاولى قالو مافي احتياج للتخصصي وللحين م ردوا علي بعد الاختبار الثاني