شكلك طالب للحين
يا حبيبي الواقع مر جدا جدا جدا
انا خريج هندسة كيميائية
الأن كملت سنه ونص عاطل عن العمل معدلي جيد جدا
ونفس الوضع ما فيه وظايف
والسبب من وجهة نظري مكتب العمل وعدم اقفال استقدام المهندس الأجنبي
وانا قريب اتخرج مثلك ماتدري ايش السبب ممكن تخصص الكيمياء مو كويس .
انا لقيت وظايف لكن شركات تطلب خبرة من ١٠ الى ١٥ سنة .
ايش نسوي عاد مو بيدنا شيء الله يفرجها وبس 
…
ارامكو شركة حكومية ١٠٠% تعمل بنظام الشركات .
وكيف وهي اصلا العمود الفقري لاقتصاد السعودية .
ونسبة السعوديين فيها ٩٥% وغالبا لاتقبل الا السعودي .
انا اخوك من جامعة ام القرى تخصص هندسة ميكانيكية معدلي 3.50 من 4 … تخرجت بتاريخ 1440/5/9 هـ
التدريب الصيفي عندنا في ام القرى تدريبين كل واحد مدته شهرين
الاول كان في مصنع كسوة الكعبة المشرفة في مكة
الثاني كان في شركة الكهرباء محطة التوليد في مكة
والله ما لقيت اي وظيفة وانا اقلك يا غالي اذا تسوي في خير وتلقى اي شي لي حتى لو بمنطقة خارج الغربية ماعندي اي مشكلة اروح والله لاني والله بحثت واجتهدت في البحث عن وظيفة “مهندس ميكانيكي” وما لقيت…
بالنسبة لكلامك عن ارامكو فعلا انت صادق ارامكو حلم كل واحد يتمناه لكن يوم تقارنهم مع المعلمين غلط لان احنا المهندسين قليل جداً الي يلقى فرصة بارامكو او شركة مثل مميزاتها اما المعلمين حتى الهامل ابو معدل 1.5 يصبر كم سنة وينزل تعيينه
وزي ما قلت انت انا شفت الوضع وفكرت مالقيت بهالوقت شي افضل من العسكرية وقلت لاصحابي اللي مايبونها وما قدموا عليها قلت لهم بالحرف الواحد انا احترم رايكم لكن اقعدو صدقوني محد يوظفكم والسنة الجاية بشوفكم جايين تقدمون على العسكرية لكن ان شاءالله فال الله ولا فالي
والجندي يا اخوي يستلم مع البدلات 7 الاف ونص وهو بعد الثانوية اخذ دورة مدتها 4 شهور وفيه قطاعات زي الحرس الملكي الجندي اللي داخل بالثانوي يستلم 8 الاف ونص غير الشرهات اللي تجيه بين فترة وفترة
لكن العسكرية ماهي مثل ارامكو … ارامكو او الشركات بشكل عام كل شي تسويه بحق مافيه شي تسويه بلاش صح انها كرف لكن كل شي له بدل اوفر تايم الخ … ما يضيعون تعبك
اما العسكرية ترابط وتستلم وتجلس وقت واحيانا تنحرم من الاعياد واجازات السنة اللي كل الناس يوجزون فيها ومالك لا بدل ولا اوفر تايم ولا شي انما يعتبر هذا من واجبك
عموما الدنيا حظوظ والله انا افكر الان اقول ليتني دخلت اي حاجة ثانية… رياضيات او لغة عربية او شريعة
كان مديني لقيت اشياء كثيرة
حتى لو كنت افكر بالعسكرية ما كان تعبت نفسي بالهندسة كان اخذت لغة عربية ودخلتها
لكن الله المستعان والله شي يحزن
ونعم بالله … الله يسمع منك يارب ويجزاك خير ويفرجها علينا جميعاً
و اذكر نفسي واياكم بالصبر ثم الصبر ثم الصبر والله سبحانه وتعالى وعد الصابرين بالجنة بغير حساب
طلع ما تخرج لسع هههههههههههههههههههه
انا استغربت اقول الناس ماشاءالله لقت وظايف وانا مدري
من اولى جاني شوية أمل اقول ممكن يفيدني يعرض سيرتي على شركته اللي يشتغل فيها ممكن يحزنون علي
ماقول الا الله لا يذوقه الشعور اللي احنا نذوقه الان
انا متدرب في ارامكو حاليا وأعرف عدد من الموظفين وتجاربهم الحقيقية ومنهم ظل سنة عاطل ثم توظف !!
ومنهم استخدم عبارات التحطيم ومنهم التفائل .
ومنهم معدله قليل وانقبل ماشاء الله ومنهم من قال ان اصحاب التدريب الصيفي لهم اولولية نوعا ما في التوظيف .
الله يرزقكم باحسن وظيفة ويخفف عنكم شكرا على دعاءك لي بالخير كلي امل ان الوظائف بتتحسن مع رؤية ٢٠٣٠ ان شاء الله ماني خايف ولا متحطم لاني عارف ان رزقي مكتوب ومقدر .
…
الله يوفقك يارب ويرزقك بوظيفة افضل مما تتمنى
وبالنسبة لكلامك عن ارامكو وان فيها موظفين معدلاتهم 2.5 نعم هذا الكلام صحيح هذولي ناس قدامى ادركو خيرا عظيما بكل امانة
انا اعرف واحد هندسة كهربائية من ام القرى معدله 2.70 من 4 يشتغل مدير في سابك في ينبع منذ عدة سنوات ويستلم ماشاءالله 20 الف حاليا
ويقول لو وافقت اروح الشرقية في الجبيل لفرع الشركة هناك اول ما تعينت كان ممكن مع الوقت يوصل راتبي 27 الف
واخوي الكبير برضه على ايامه كانت الوظايف بحجم شعر راسك … تخيل يكفيك انه يقلي عرضت علي الشركة السعودية للخطوط الحديدية اني اجيهم اسوي معهم مقابلة ويعطوني راتب 11 الف وشوي
ورفضت … لان ذاك الوقت جاته وظيفة بمدينة الملك عبدالعزيز للعلوم والتقنية ويعطونه راتب 13 الف وشوي يكاد يوصل 14
فنعم مثلما قلت لا تستغرب ان هذولي الناس موجودين بارامكو بل حتى اكثر مدراء وزارة الشؤون القروية والبلديات المهندسين اللي راحو فيها من زمان كانو من اكسل الطلاب نصهم معدلاتهم 1.75 او 1.5 لان الطلاب الممتازين ذيك الايام راحو الشركات الكبار او راحو دكاترة بالمجال الاكاديمي او غيره
فسبحان الله الدنيا ارزاق وهي كلها 60 سنة وتموت … انا اتمنى وظيفة راتبه يكون منصف ماهو عالي مرة ولا قليل مرة وتجيني بدون واسطات وبدون التواء على النظام واستر فيها على نفسي لين اموت الواحد مايبغى من هذي الدنيا شيء
معليش طولت عليك .
لكن تقدر تكمل ماستر ادارة اذا كنت حاب .
اما موضوع العسكرية واضح انك تحب تتشرط ابغا كذا وكذا صدقني احلم بالوظيفة اقبل ولاتشاور راتب حلو ووظيفة محترمة بالتوفيق ولاتقعد على العطالة …
بصراحة انا ضد فكرة اكمال الدراسات العليا بدون اي ضمانة للوظيفة
احس الموضوع هذا مو داخل راسي
اضيع سنين من عمري وانا ماني متاكد اذا فيه احد يبغى يوظفني ولالا ليش يا حبيبي
اذا بتكمل دراسات عليا كملها على اساس انك معيد في جامعة او عن طريق برنامج بعثتك وظيفتك
اما غير كذا انا ضد الفكرة اطلاقا باستثناء الانسان المقتدر مالياً اللي جيبه مليان وحياته من الاساس مؤسسة دون ما يحتاج وظيفة هذا اقوله قو اهيد روح والله يوفقك
والله اني ما تشرطت انا قاعد اقلك اصلا جيبلي وظيفة راتبها 3500 حتى لو خارج الغربية وتكون في تخصصي وراح اروح لها
لكن ما لقيت
والعسكرية من قلك اني ما ابيها قاعد اقلك اني قدمت ع دورات الضباط الثلاثة (الحرس - الامنية - الدفاع) وانرفضت في 2 وبقي لي وحدة واقول ليتها تجي
ماني متشرط انا حتى لو الدفاع حطوني بالقوات البرية بروح ان شاءالله
ابحث عن مشكلة عدم قبولك في كل الشركات لابد من سبب .
ماشاء الله تخصصك قوي ومعدلك ممتاز ومافي ولا شركة قبلتك ؟
احس المشكلة في الجامعة عكس البترول او عزوز .
الجامعة لها دور ترى ماهي جامعتك وهل جامعتك معتمدة ؟؟ هل هناك اعتماد abet هل السيفي شامل وفيه كل المعلومات هل قدمت على كل الشركات فعلا بترو رابغ او شلمبرجير وغيرها هل تعرف احد من اهلك او اقاربك شغال في شركة ( مهم جدا ) حاول تراجع هذي المعلومات وقدم مرة اخرى وعسى الله يرزقك افضل وظيفة .
اذا معدلك كويس الافضل تكون معيد بالجامعة وظيفة حلوة او تواصل مع مشرف الجامعة وقلهم ماحصلت وظيفة وان شاء الله يساعدوك …
لا يجي احد يقارن تجارب ناس لقوا وظايف حلوه برواتب عالية من عام ٢٠١٤ و نازل لان هذاك الوقت اسميه ( العصر الذهبي لخريج البكالوريوس) كان في ميزانية للشركات شبه الحكومية و كثير اللي تخرجوا بكالوريوس على الاقل يجيه عرض حلو بحكم عدد المخريجين قليل …اما الحين كثروا الخريجين و الميزانية بشكل عام قلت
يعني الحين بعض الخريجين بكالوريوس هندسة يتمنى راتب ٨ -٧ آلاف … مع احترامي لجميع القطاعات و الوظايف جندي دورة ٤٥ يوم + كم شهر بالاكاديمية ياخذ هذا الراتب و دوامه اقل بعد ( ارجع اقول مو استقاص لاحد) بس لو قارنت كمية الجهد بين الطرفين …
الله يرزقنا وياكم
7-8 الاف كويسة جدا للمهندس .
معليش على اللقافة ، بس ممكن نعرف وش كان سبب رفضهم ؟ خصوصاً إن معدلك ماشاء الله عالي !
الحرس الوطني او كلية الملك خالد العسكرية , دورتهم عدد طلابها ما يزيد عن 100 طالب من جميع التخصصات … بعض السنين 95 ويعتبر عدد كبير وبعضها 76 ويعتبر طبيعي المهم انهم يبون ناس قليلين… وعدد طلاب الهندسة بينهم قليل جداً… سمعت كلام السنة ذي ومدري صحيح او لا ان عدد المهندسين المطلوبين فيها 4 بس تخيل
المهم انا قدمت عليهم ومعي كل اصحابي معدلاتهم جيد جدا يعني 3.38 او 3.19 الخ ولا جاهم حتى قبول مبدئي… هذا يدلك ان نص اللي معدلاتهم ممتاز مقدمين
انا جاني قبول مبدئي رحت اختبرت اختبار تخصص تافه عبارة عن 30 سؤال خيارات والحمدلله متاكد مليون بالمية اني حليت
وبعد يومين رحت لهم مقابلة شخصية وفي المقابلة سالوني في التخصص وطلبو مني اتكلم عن مشروع تخرجي بالانجليزي وسالوني اساله عامة مثل لو نوديك الحد تروح؟ ومستعد تكتب وصيتك ولالا ؟ وعطاني ورقة وخلاني اكتبها… يعني مرررة زودها معي لدرجة اني توقعتهم بيقبلوني … وسالوني اسالة عامة عن العواصم والدول والحمدلله جاوبت فيها كلها … خويي هندسة كهربائية ما طولوا معه 5 دقايق بس قلت يمكن ما بيقبلونه اخر شي ما قبلوني لا انا ولا هو هههههههههههههه و والله ما ادري ايش السبب نعم لاشك ان كليتهم مشهورة بالواسطات لكن ما نبي نتهمهم ظلم ممكن لان المنافسة كانت قوية والعدد قليل والله اعلم… المقابلة كانت برمضان يوم 10 رمضان والنتايج ظهرت بعد عيد الفطر وانهم رافضيني
اما بالنسبة لكلية الملك فهد الامنية جاني قبول مبدئي وعديت الطول والوزن ورفضوني من الفحص الطبي قالولي عندك مشكلة الفلات فوت او القدم المسطحة مع اني ماني شايف شي
لكن لا يغرك حتى لو وصلت المقابلة ممكن ما انقبل … خويي السنة اللي راحت هندسة كهربائية قدم عليها معدله 3.67 ومعه ثنين واحد معدله 3.55 والثاني 3.38 قدموا كلهم سوا ووصلوا المقابلة الشخصية ويوم ظهرت النتايج
قبلوهم كلهم الاثنين ورفضوه هو مع انه والله ما كان فيه اي شي يعيبه لكن سبحان الله وشوفه لحد الان عاطل مالقي شي السنة ذي قدم عليهم مرة ثانية وجاه قبول مبدئي وسحب ما راح نفسه انسدت
الان بقي لي وزارة الدفاع بس وادعي الله انهم يقبلوني ان شاء الله
الصراحة هاذا الموضوع شدني جدا … لذلك جا في بالي اكتر من شي ابغى اقوله عالسريع.
1 - صارت عندي قناعة تامة انه اي شخص يقلي غريبة ما اتوظفت الى الان، على طول اوقف النقاش معاه على هاذا الموضوع ،لأنه اتضح لي انه ما عنده معلومات كافية عن الوضع الحالي.
2 - الشخص اللي يقول الجامعة الفلانية سمعتها مش ولا بود والجامعات الاخرى تعجل بتوظيف خريجيها … اقدر اقله هاذا كلام فاضي وما يقدم ولا يأخر بل بالعكس ممكن يشكل عائق على الشخص على اعتبار انه الاخرين يعتقدونه خارق عن العادة ويتوقعون منك معرفة جميع الاشياء المتعلقة بالتخصص معرفة تامة شاملة.
وتبريرا على اللي قلته على موضوع اختلاف الجامعات … نحن الان نعيش في عالم مفتوح بجميع معلوماته بمعنى انه الفروقات تعتمد على الشخص نفسه … مع احترام بعض الفروقات اللي تجي من جهة التعليم من انضباطية وادراة الضغوطات وو، الخ. ايضا بإمكان اي شخص اكتسابها.
3 - نحن الان نعاني من قلة وظائف وحتى الوظائف المتاحة معظمها براتب غير مرضي للأغلبية … من وجهة نظري انه المشكلة مو في قلة الرواتب الحالية … المشكلة في ارتفاع رواتب الفترة الماضية … مثال: بين عامي 2012 و 2014 كانت شركة بن لادن توظف اي خريج هندسة براتب 9 الاف تقريبا من غير ما يسوي شي حرفيا بل معظمهم كان يبصم دخول وخروج فقط…فمن غير المعقول انه واحد فرش يستلم من 10 الى 12 الف او اكثر … اتوقع اذا كان هوا عقلاني مع نفسه يقول انا ما استحقها الان … ما اعمم لأنه في اشخاص اشتغلوا على نفسهم اكثر من اللازم فيستاهلوا ما يجيهم من عروض.
4 - بالنسبة للأخ مهران احب اقلك … لو علمت مكة ما فعل ابنائها وبناتها خارجها من إنجازات لما اخرجتهم منها.
فعلا نحن نعيش في عالم غير عادل.
اخيرا، لأمانك الداخلي، خليك مؤمن ايمان كامل انه هاذا كله من تدبير الله عز وجل، إطمئن
فعلا صدمه لن يتخيلها اي طالب جامعي خاصه اذا كان بذل جهد وينصدم بالي موجود بالسوق
ورغم ان الموضوع محزن ولكن اجرنا على الله ورزقنا مكتوب ولا نستطيع تغيره