الاسبوع الجاي أو اللي بعده اخر أسبوع مقابلات وبعدين راح ييداو تصفيه للpanel interview
سويت معهم انترفيو او تعرف احد ؟ اذا ايه عطنا التفاصيل الله لا يهينك وين ومتى وكيف كانت
أي تحديث جديد عن البرنامج؟
توهم امس يرسلو لي الاختبار … في حال القبول وطلب المقابله المبدئيه اقدر اسويها سكايب ؟ لاني حاليا ساكنه ب امريكا بس اقدر انزل ف اي وقت
ماتوقع سكايب لانه في ٤ مقابلات بتكون خلال شهر الى شهرين, انا الى الان ماجاني منهم رد ولا وارسلو لي الاختبار 
أنا اختبرت من شهر ونص ولحد الآن بدون أي رد، ياليت اللي جاهم مواعيد للمقابلات يعطونا خبر
اقصد بس مقابله الاتش ار … ع فكره انا مقدمه وسام الاهلي مو رواد الاهلي
بالغالب يردو ب الرفض من اول اسبوع و الي ماعدو الاختبار يظلو حول الشهرين الى ان يقفل التقديم ويشوفو الاولويه لمين
أنا متأكد من حلي واجتيازي للاختبار، ولكن اتوقع في اولوية من ناحية سنة التخرج والمنطقة
وانا بعد … انا خريجة ٢٠١٨ و من الشرقيه طبعا قدمت العام واجتزت الاختبار بس رسلو لي في اولى مني للقبول
أهم شي يردوا بدري ولايخلوني متعلق، ولازم بيكون في نظام أولوية لأن الأعداد المتقدمة باالآلف
ابغا اقولكم تجربتي مع برنامج رواد والوسام
اول شي قدمت في برنامج رواد بعدها رسلولي الاختبار عملتو وبعد ٣ اسابيع ردو عليا برفض.
…
وبعدها اعلنو عن برنامج الوسام رجعت قدمت عليه و بعدها رسلولي الاختبار ؛ طبعا فرحت و ودخلت الاختبار بقوه وحماس ، قيدي دخلتووانا فاهمه كيف طريقة الاختبار نفس برنامج رواد، وبعد اسبوعين ردو عليا ان تم اختياري وثاني يوم اروحلهم عشان اسوي المقابله طبعا فيجده المقابله، قريت عن كيف حتكون طريقة مقابلتهم واخدت من تجارب الاخوان الي موجودين هنا.
في يوم المقابله كانو قدامي ٣ بنات عندهم برضو مقابله. دخلت وحده قبلنا والي سوا لها المقابله رجال ( طبعا لما خرجت سالنها) كان تقريباكويس معاها وقلها اتكلمي عن نفسك بالانقلش تقول هيا توترت شويا وما عرفت تتكلم وقام قلها اتكلمي بالعربي وهيا اتكلمت، تقول منضمن الاسئلها سالها ايش تعرفي عن الخزنه؟، تقول ما عرفت ايش اجاوب لانها ما تعرف وبعدها قلها انا حأرشح الCV حقك للاداره لوانهم محتاجين في الفروع. انا هنا لما قالت دا الكلام اطمنت وكان عندي امل انهم يقبلوني.
بعدها جاء دوري والي سوتلي المقابله بنت طبعا رحبت فيا وبعدها اعطيتها اوراقي الي طلبوها مني اجيبها، وبعدين قالتلي اتكلمي عننفسك اتكلمت بالانقلش عن نفسي، انا الانقلش حقي مو مره بيرفكت بس اقدر اتكلم واساسا انا اتدربت. في حركة سوتها ليا والي هيا واناقاعده اتكلم فجاه إتأففت ( يعني قالت أُووف) انصدمت من حركتها سكت شويا واتوقع بان على وجهي اني انصدمت هههه ، وبعدها اتكلمتعادي ولا كانها سوت شي. بعدين سالتني ايش اعرف عن البرنامج وقولتها الي اعرفو ، قامت وضحتلي اكتر وايش الاقسام الموجده وكم المده،،، . وبعدها قالتلي بعد شهر نتواصل معاكي. عدت اسبوعين بالزبط امس ردو عليا بان اختارو ناس افضل مني في الاختبار والمقابله.
مرره مررره زعلت مع اني كنت حاطه امل اني حنقبل بصراحه لاني وانا باتكلم كنت واثقه من نفسي وكنت منتبه على body language ، هوااكيد الي قدامي حتقيمني بمعاير معينه بس محا اقول اني فاشله ولا مره توب.
انا ابغا اعرف هما كيف يختارو ؟ وكم الكابسيتي المسموح بيهم ؟ وهما حقين HR كدا اخلاقهم ماش ؟
والحركة الي سوتها ليا طبيعي لما إتأففت ؟ وايش الستاندر الي بيختارو عليها ؟ بما انو هما طالبين فرش قرادويت وانا متخرجه ٢٠١٩وتخصصي ماليه.
الي يزعل اكتر كم مقابله تجيني اسويها وبعدها رفض او ما يردو عليا بحكم انو ماعندي خبره ويوم ما تقدم عليهم طالبين فرش وما عندهمخبره ويوم المقابله وربي احس انهم يستهزو فينا طيب معليش مكتوب في السي في وواضح كل شي اني ماخده بس التريننق ، مادري همايسوقو العبط ولا ايش. والواحد يدرس ويجهتد وتفوق واخر شي كدا يبغو واحد عندو خبره.
من جد وصلت لمرحله اقول الناس كيف تتوظف كيف تنقبل هل فيه يد تساعدهم ( اكيد) ولا تسمع عن شركة محتاجين موظيفن ويوم ما تقدموالله محد يتواصل معاك. ويوم ما تحضر career day وتعطيهم السيفي وتقولهم عن مؤهلاتك وتخصصك وايش خبرتك يقولك ايوا محتاجينتخصصكم الفايننس مطلوب واخر شي قاعدين في البيت ، ولا نروح مقابلتهم يستهينو فينا. مادري الناس سايره تظلم ولا ما تبغا تساعد ماني فاهمه.
احد وصل للـ panel interview يا ليت يفيدنا بالتفاصيل وطبيعة المقابلة الله يسعدكم ويرزقكم ما تتمنون.
هل في احد تواصلو معه بعد الاختبار للمقابلة لبرنامج الرواد، ومتى بداية البرنامج ؟
معليش على التأخير انشغلت
ايه المقابله كانت قبل شهر بجده
طبعًا اللي قابلته واحد عسل اول سؤال سالني هو عرف عن نفسك وبعدين وش تعرف عن رواد ووش مشروع تخرجك، وش تعرف عن البنك، أكثرها اساله تقدر تجاوب عليها ما كان فيه تحشير،
طبعا من يوم ما شفت الرجال ما تكلمنا ولا كلمه عربي من السلام إلى اللقاء
بس ما ظنتي مع كرونا راح يقبلوا احد هالسنه 
أكثرهم يقولو نفس الأولى بس الفرق اللي بيقابلك اكثر من شخص ولازم تقنعهم كلهم انك تتوظف بالبنك،
ماجاني رد … بس ع هالاوضاع ماتوقع في مقابلات هالسنه
ردو عليك بعدها ولا ؟ وانت من اي منطقه ؟ ومتى جاك الرد بعد الاختبار ؟
أي ردو بعد المقابله الأولى ب ٥-٦ أسابيع
من المدينة المنوره
بعد الاختبار كان الرد ب ٢-٥ أسابيع
السلام عليكم
بقول اللي صار معي بالضبط
قدمت على برنامج ((الرواد)) ببداية السنة اول ماتخرجت وبتاريخ ١٥ يناير اختبرت الاختبار
بعدها بأكثر من شهر وبالضبط بتاريخ ١٩ فبراير جاني ايميل للمقابلة الاولى انها بتكون ٢٠ فبراير يعني بعد يوم بالرياض.
بيوم المقابلة كانت مقابلتني الساعة ٩ الصبح ولكن تأخروا اكثر من ساعة ما سويت المقابلة الا ١٠ وربع تقريباً ، وبوقت الانتظار كان معي ٣ اشخاص وكلهم خريجين امريكا واللي معاه ماجستير ، انا هنا فقدت الامل للأمانة لكن دخلت وسويت المقابلة مع شخص جداً محترم واعتذر على التأخير الاسئلة كانت:
١- من انت؟ (عرف عن نفسك)
٢- وش تعرف عن برنامج الرواد؟
٣- صار يقرأ من السيفي ويسأل سأل عن التدريب ووش سويت وعن دورة كيف كانت وكذا.
بالنهاية سأل " عندك مشكلة تشتغل بالفروع؟" انا استغربت بالبداية بعدين قال اقصد برنامج الوسام ، رديت ان لا ما عندي مشكلة وانا مقدم عليه اصلاً.
فقال عشان اصير صريح معك انت تعرف ان برنامج رواد يحتاج مهارات وكفاءات عاليه وانت لغتك ممتازه لكن ماهي ((بييرفكت)) بس اللي راح اكتبه بالفيد باك انك مناسب لبرنامج الوسام اكثر من الرواد وراح ارشحك لهم اذا انت راضي وراح يتواصلون معك اذا فيه شاغر. قلت توكلنا على الله وبس
**المقابلة ما اخذت اكثر من ١٥ دقيقة**
بعد اسبوعين تقريباً بتاريخ ٢ مارس جاني ايميل منهم انه تم رفضي ببرنامج الرواد ولكن رشحوني للوسام واذا انا موافق او لا ، ارسلت لهم الموافقة
وبعدها بكم يوم وبتاريخ ٨ مارس جاني ايميل انه تم اختياري للمقابلة الثانية panel interview وراح تكون بشهر جون ٦ ميلادي وراح يتواصلون معي بعدين عشان يحددون الوقت وتاريخ بالضبط.
وبس هذا اللي صار للان وكله كان قبل كورونا واللي حاصل الان مدري وش بيكون الوضع بعدين