مرحبا شباب
انا خريج دفعة 2015 هندسة ميكانيكية
اشتغلت في الرياض 6 سنوات في مشروع المترو بمسمى مهندس موقع وكان راتبي 11600 فل باكج
الآن اشتغلت في الشرقية براتب أقل في شركة صيانة لمعدات براتب 9800 مع خصم التأمينات للاسف ماحتسبوا خبرتي لأن المسار مختلف. الآن خذ لي 9 اشهر معهم والعمل ضغط ومسمى وظيفتي بروجكت انجنيير
ابي راتبي يصعد فوق ال15000 وقاعد اقدم على شركات كثير بس مافي رد او رفض…
رايكم كيف وضعي
وضعك الحمد لله وبإذن الله تلاقي الأفضل
كان الأفضل لك عدم ترك الوظيفة اللي بالرياض لأن راتبها أفضل
تبغا تزيد الراتب عندك عدة حلول:
التقديم المستمر على الشركات الأخرى بالأخص الشركات الكبيرة أرامكو وسابك اللي تعطي رواتب ممتازة جدا أو اذا لك بالرقوق وترتاح بالعمل فيها عندك شركات كبيرة
مثل شلمبرجير أو Honeywell أو Worley تعطي أوفر محترم … حدث ملفك فيها بإستمرار
إجتهد في عملك وحاول تكون مزبط الوضع مع مديرك بالأعمال والانجازات عشان الترقيات او الزيادات وتقدر تطالبه فيما بعد
تقدر تشتغل على مشروع وتاخذ القرض لكن خذ حذرك من هذا الأمر
لا تنظر فقط إلى الراتب البكج هناك شركات تعطي بدلات أكثر كبدل سكن وبونص ومكافاة رمضان … الخ
بالتوفيق إن شاء الله
البزنس الان وكل المشاريع في الرياض ، اطلع للرياض وقدم في الشركات اللي هناك وبتعين خير ، اما المنطقة الشرقية مع الاسف كل القطاع الخاص اللي هناك مرتبط بمشاريع وعقود ارامكو وهذولا لا بتحصل عندهم لاتطوير ولا رواتب زينة لانهم مسيطرين على الوضع هناك ابو هنود وابو بكستن ، المستقبل في الرياااااض
نعم المستقبل حاليا في الرياض وجدة … و حتى الاجانب لهم سيطرة بالرياض وكل المدن على فكرة
بس ترى الشرقية فيها شركات كبيرة جدا ماتحصلها بأي مكان بالرياض
مثل:
أرامكو
سابك
شلمبرجير
معادن
سبكيم
صدارة
يعني ماراح تحصل شركات بهذا الحجم هناك
الخ …
سبب خروجي من المشروع كان انتهاء العقد لان العقد على المشروع.وكذلك مافي زيادة خلال 6 سنوات.
بحاول اقدم لين ربي يفرجها … وآخذ خبره من وظيفتي الحالية لاني اتواصل مع الزباين واسوي معهم عقود وتسعيرات واتابع المشروع لين يخلص .
هذي اغلب وظائف الرياض اللي يقول مستقبل وماني عارف ايش
تنتهي الوظيفة بإنتهاء المشروع … شوف في لنكدن كلها كونتراكت او تمهير 6 شهور
تبغا المستقبل الوظيفي الحقيقي مالك الا ال PDP الا تقدمه الشركات الكبيرة فقط .
عندك خلفية عن شركات مقاولات تقبل خريجين؟