السلام عليكم ورحمة الله وبركاته
انا في حيرة من امري احتاج نصايحكم، انا مهندس حديث تخرج حاليا عندي عرضين من شركة نسما و شركاءهم للمقاولات و العرض الاخر من شركة AECOM بعطيكم كل التفاصيل و المعطيات لكل عرض فيهم و ابي تساعدوني لكن قبل كل شي انا ساكن بالجبيل لان هذا الشي ممكن ياثر بالمقارنة
عرض نسما :
توتل بكج ١١٧٥٠ ، المسمى BIM Modeler
و بعد فترة التجربة يصير Design Engineer
( تاكدت من كم واحد طلع فعلا بيغيرون المسمى ما يبيعون كلام )
، قالوا لي العقد سنتين و اذا تبي تطلع قبل ينتهي لازم تدفع راتبين هذا اللي مخليني متردد ، قالوا لي اول ٦-٩ اشهر بتكون بالخبر بالمكتب الرئيسي بعدها ما ادري هل يتعاونون من ناحية مكان العمل؟ ابي الشرقية او الرياض فقط علما اني وقت المقابلة قلت ماعندي مشكلة انتقل منطقة اخرى عشان ما يستبعدوني من الفرز
عرض AECOM :
العرض على برنامج Graduate Engineer
مدته سنة و نصف و الراتب ٨٠٠٠ و يقولون بعد اول ٩ اشهر راح يزيد الراتب. راح يكون العمل بالرياض. العقد غير منتهي بالتوظيف يعني ممكن يقولون توكل على الله بعد مع اخلص عقدي لكن حسب ما سمعت و شفت بلينكد ان الاغلب حصلوا على عرض وظيفي و مسماهم صار Junior Engineer . و تقريبا الراتب وقتها يصير ١٥ الف .
هذا كل شي و انا ماعندي مشكلة اشتغل بالشرقية او الرياض عندي اقارب بكل المنطقتين