السلام عليكم
انا مهندس كهربائي خبرتي سنتين
يوم الثلوث جاني ايميل مقابلة من سكيكو
يوم الربوع سويتها على زووم
الوظيفة في الرياض ورسميه
جيت ابغا اشيك على موقعهم حق التوظيف
لقيت ان ما عندي حساب
سالتهم اخر المقابله متى الرد قالوا اذا تم ترشيحك بنتصل عليك
بالنسبة لاسئلة المقابله عرف بنفسك وطبيعة شغلك وجلست اتكلم حوالي 5 دقايق
ماسالوني غيرها
اتمنى اذا احد تواصلوا معه يفيدنا وشكرا
انا برضو سويت مقابلة قبل اسبوعين بس من اول المقابلة اكدو لي انهم يبون خبرة خمس سنوات بس ما حددو المكان فقط اسماء الادارات ولحد الان ماجاء رد
عاد بشرنا اذا ردو عليك لان فيه ناس تقول ف نهاية شهر واحد وبداية شهر ٢
واسال الله لك التوفيق والمناصب العليا
ماشالله تبارك الله
ربي يسهلك يارب
قبل امس ارسلوا لي نموذج الافصاح وقالوا عبيه وارجع ارسله لهم
بس تدري مع ذا كله ومن كثر الفرص الي ضاعت في حياتي صاير عندي تبلد
اذا جت كويس واذا لا راضين بالواقع المزري خلاص
باقي منتظر لاجديد
لا يارجل الله ييسرها ويسهلها ومابعد الضيق الا الفرج على حسب تجربة كثير من زملائي ان طلب الافصاح موشر قوي للقبول
ان شاء الله والله يجزاك خير والامل في الله كبير
لو فيه احد يعلمنا عن تسلسل الاجراءات بعد الافصاح يالليت يفيدنا
هذا رد احد الاخوه من بوست سابق
شاكر لك ردك اخوي عبادي ماقصرت
لاهنت ياباش مهندس
هل تخصصك الدقيق بور سستم او لا
وفالك التوفيق
الله يحييك لاوالله هندسة كهرب جنرال من كل بحر قطرة