شباب هل تعتقدون ان هناك محاباه او واسطه في جامعتنا؟ خليني اخش دغري في الموضوع. هل هناك واسطه في القبول, في السكن؟ في الدرجات الاكاديميه؟هل هناك امثله واضحه للعيان؟ هل هناك فرق في التعامل بين الطلاب؟ اسئله حائره تبحث عن اجابه.
انا شخصيا ليه دكتور قريب كل ماسالته للتوسط عند احد في الجامعه سمعني محاضره طويله وعريضه عن الاخلاق والامانه العلميه؟؟ ولكن اعتقد انه خواف وبصراحه لك عليه؟.
هل تعرفون حالات بدون ذكر اسماء تتمتع بالواسطه وكل امورها مجابه؟
يقولون والعهده عليهم ان الواسطات تتواجد وبكثره في مبنى 24 انا شخصيا اخذت مخالفه مروريه في وقوف خاطي وسيارتي كورولا بينما شخص اخر سيارته فياجرا موقف قريب مني لم يستطيع رجال الخليفي معاقبته وعند سوالي قالو امر المعازيب على الراس, انا والله مااعرف معنى المعازيب ولكم واحد اورويا من احباب الله قال ان معناه ان الرجال شخصيه كبيره قلت يمكن.
ويقلون ان حتى في داخل قاعات الدرس عند تحضير الاسماء اذا جاء اسم شخصيه من الطلاب كبيره يقول الدكتور فلان طال عمرك اما حنا ابو 110 بركه اذا ماتتريق علينا.
اما بخصوص السكن اشوف احباب الله في افضل العمائر وشوف معهم كتب اوريا؟ واحد يقولي احسن الظن لعلهم ضائعيين؟ تبغون الصاحه انا الى الان محسن الظن اليين يثبت العكس؟
ويقولون والعهده عليهم انه حتى التعيينات بالجامعه في المناصب بالواسطه؟ هل يعقل هذا والله اني مدري ولكن صراحه بعض العمداء ورؤساء الاقسام يوم تشوف اعمالهم تستغرب كيف حطوهم في هالمناصب, واحد اورويا يقولي الشيوخ ابخص.
على العموم هذه بدايه ابغى اشوف اقوالكم على مثل هالموضوع بدون تجني وانفعال ودون مبالغه زائده المجال مفتوح واتمنى ان يثبت هالموضوع.
واخيرا اللهم يامقلب القلوب اثبت احبابك الاوريا في اماكنهم ولاتنقلهم الى الجبل الى بعد صلاح سكانه وباعد بين احبابك طلاب الاوريا وكليات الجبل لما فيه صلاحهم الله رقق قلوب ادارة الجامعه بطلابهم اللهم وحد قلوب طلاب الاوريا وقلوب طلاب الجبل للقضاء على الواسطه اميين يارب العالمين.
اترك الامثله اللي انت قلتها هذي كلها اشياء كماليات منتب ميت اذا ما صارت
المشكله يجيك واحد مسكين ابوه شايب وكل الاسره مأمله عليه ويعدين يجيه طرد من الجامعه سمستر ويتوهق يقعد يترجاهم يقبلونه وامه تجلس تدعي له طول الليل تقطع رجلينها يا حياتي.
وواحد ثاني عااااادي يقوله الدكتور اذا ما حضرت الكلاس الجاي راح ارفع فيك دي ان قرايد يقوله الطالب عاااادي ارجع الترم الجاي غصب عنكم ولو ابي شلتك انت.
هلا وغلا فيكم جميع بصراحه كلكم ذوق من تحت لفوق
وانا بقولكم انتو يالي تتكلمون الحين احلف عليكم لو صرتوا بموقع مسئوليه والله تقلبونها حراج من يبي يعدي الاوريا بخمسه الالاف …والميجر من الفين وجاي اما الفاينيل فاسمح لي غالي شد حيلك ومافي داعي تتسلف…
بس كل الي قلتوه صحيح عدا نقطه وهي…
((((ويقلون ان حتى في داخل قاعات الدرس عند تحضير الاسماء اذا جاء اسم شخصيه من الطلاب كبيره يقول الدكتور فلان طال عمرك اما حنا ابو 110 بركه اذا ماتتريق علينا))) صحيح فيه بس مو كذا عاد اذا كان الدكتور اجنبي ما يعرف الكلام هذا اصلا واذا كان سعودي تعرفون الدكاتره كيف يشوفون انفسهم يفكر ما جاب الدكتوراه الى هو …عاد تبيه يقول طال عمرك ماراح يوطي نفسه قدام الطلاب
واحلى من كذا في الموضوع للي كان يدعي للاوريا ايش الحنيه هذي على احباب الله …بس نقول امين تقبل الله منك
نحن لا نريد في هذا المنتدى سوالف حريم (مع احترامي للجميع) فلانه قالت وفلانه قالت .
يفترض أننا طلاب جامعيين وعلى مستوى من الوعي والثقافه ، وكنت آمل عندما دخلت لموضوعك أن أجد شئ استند عليه من الحقيقه ولكن بكل أسف كلامك كله تناقضات .
أنت اعترفت بنفسك أن احد اقاربك من اعضاء هئية التدريس في الجامعة ومع ذلك رفض أن يتوسط لك ( ومن لسانك ادينك ) فأنت اعترفت أن الواسطه في الجامعة معدومه ، فلماذا تفترض في قريبك الأمانة وتخوّن الآخرين .؟؟؟!!!
ثم ذكرت أنه حتى في التحضير في قاعات المحاضرات يميزون الشخصيات المهمة في المجتمع ولم تستند على حادثه عشتها بنفسك ولكن تقول (يقولون).
"خذ ما رأيت ودع شئاً سمعت به " فلو افترضنا أنه بالفعل هناك من قال لك هذا الكلام فلا تكن ذلك الشخص الذي ينقل كل ما يسمعه دون أن يعرضه على عقله قبل نقله . درسنا مع الكثيرين من الشخصيات المعروفة في المجتمع ولم نرى أي تمييز لهم عن باقي طلاب الجامعة(فمن أين لك هذا ؟؟؟؟).
ثم ذكرت أن رجال الخليفي - كما تحب أن تسميهم - لا يتعرضون لسيارات الشخصيات المهمة VIP وأنا اقول لك ( كفاية بكش يا عم )
الثلاثاء الماضي الموافق 4 يونيو 2003م الساعة السادسة مساءً كان لدينا امتحان مادة (MGT449) مع الدكتور Saadi وكان موقع الامتحان في قاعة السنة التحضيرية ، وحدث أن أثنان من من الطلاب من - كبار الشخصيات وأحدهم من الأسرة الحاكمة - لم يجدوا مواقف لسياراتهم الفياجرا إلا مواقف المدرسين في السنة التحضيرية ، وبعد أن خرجنا من الامتحان وجدنا السيارتين مغلق على كفرها بقفل ( الكلبشه ) ، وهذا يدحض مزاعمك من أن هناك تمييز بين طلاب الجامعة .
وأضف لمعلوماتك
أن الكثير من ابناء الأسرة الحاكمة درسوا في الجامعة وتخرجوا منها وكانوا يسكنون مع الطلاب في العمائر ، وكان بامكانهم السكن خارج الجامعة في افخم الفلل ، ولكنهم بتواضعهم وسكنهم مع طلاب الجامعة ورفضهم البحث عن التميز ، عسكوا للجميع مستوى الخلق الرفيع الذي يتمتعون به وثقتهم في أنه لا يبحث عن التميز إلا من يشعر بعقدة النقص ، أما هؤلاء فثقتهم في انفسهم أكبر من أي تميز تبحثون عنه ، ولولا أنني أعلم ان منهم من لا يريد الثناء لذكرتهم باسمائهم ، ولكن ليهناء اولئك بسيرتهم العطرة في غيابهم .
أرجو من الجميع تحري الدقة الموضوعية في الطرح والأمانة العلمية في النقل .
المثل يقول … الل يماله واسطه … نخلته ماسطه (= طايحه)
. وفي الوقت الحالي لو تبي تدخل المستشفى … لازم معك واسطه وشلون عاد لو تبي شيء في الجامعه أو تدخل الجامعه …
وانا اعرف أكثر من واحد داخلين الجامعه بدون اختبارات قبول … وماشين فيها … يعني حنا نختبر ونجلس على اعصابنا ننتظر النتيجة حقة الإختبار والأهل يدعون الله ان حنا نجح وذولي داخلين بارده مبرّده
اللي يقول مافيه واسطه كذاب. وانا ادرى منكم…
الحين منهو غير بن لادن يعرف 100% انه هوه مدبر هجمات 11 سبتمبر او لا .
اكيد ما احد يعرف
… لانه لو كان هو الفاعل راح يعرف 100% لانه هو اللي عملها.
واذا …ما كان هو الفاعل راح يعرف 100% لانه هوه ما عملها.
…
…
النهايه انا اقولكم فيه واسطه في كل شيء في جميع انحاء الدنيا.في كل شيء مهما دنى او على. http://aboselaiman.jeeran.com/amr.jpg
