ياحراااااااااااام
عزااااااب الله يعينكم
انا بعطيكم رأيي في الزواج بما اني متزوج لي سنتين الان 
(ماشالله)
المهم المسألة في البداية يبغالها اصرار واقتناع بأن الزواج ماهو صعب عليك وان كل شي فيه خير ربي انشالله بييسّره
بعد ماتقتنع انت يجي دور اقناع الأهل ، وهذي يبغالها ساعات وايام وشهوور
ومحاضرات بوَر بوينت واصرار كل هذا طبعا بعد ماتحسبها صح وتقدّر دخل الوالد هل باستطاعته ان يدعمك ولا لا؟
اذا مااقتنعوا الاهل بفكرة الزواج اقنعهم بفكرة الملكة واذا ملكت اجبرهم على تزويجك
بعد مااقنعت الاهل تواجه مشكلة العروسة بتخطب من؟ ومن الي بيرضابك ياطالب بس لا تنسى انك طالب جامعة البترول وانك بتتخرج بشمهندز وتاخذ الراتب الفلاني وهذي هيا النقطة الي تقدر تفتخر او تحاجج فيها قدام ابو العروسة
حط في بالك انه ماهو من اول وحدة تخطبها خلاص بيقبلوبك J بتخطب من وحدة الى سته سبعه والي يقولو لكم مانقبل طالب اسحبوا عليهم … وخلوهم يسووا بنتهم مخلل احسن لهم ، وروحوا للبيت الي بعده ، ومن المهم انه الي بتخطبلك تعرف كيف تقدمك عند الناس مثال ( ولدي عاقل ومتحمل المسؤولية من وهو صغير وهو ملازم للجماعة ومرح ومايحب الغمة ) مثال اخر ( ولدي بيتخرج مهندس وباقيله سنه وتراه ممتاز ) ، اما وان اقتنعوا اهل العروسة وكانوا من الناس الي يشتروا الرجال فهم بيوافقوا ويرحبوا ، وصدقني الي بيقبلك وانت طالب مابيشرط عليك مهر ولا خلافه بيكون مسهلها ، وبيرضى باللي ترضاه لأختك
وهنا يجي دورك يابطل في تعجيل الامور وعلى قول المصارية ( خير البر عاقله ) 
اول ماتجي الظهران تدور على مكاتب العقار وتدور الشقة المناسبة في السعر والمساحة ، هذا طبعا بعد ماتتفق معا اهل العروسة بأنك وقت ماتكون جاهز تجي تشيل
واذا حصلت الشقة واستأجرت ، الفرش امره بسيط، بالكثير بيكلف 25 الف وهذا وانت فارش بيت عريس موظف
بعد ماتفرش الشقة بالحاجات اللازمة تنسق لاتمام الزواج ويكون حفل ضغير عالديّق او حسب الامكانيات
مبروك مقدما 
اما مابعد الزواج وفوائدة فهي كثير ومن جميع النواحي
ترتاح مادياً فبدل ماكنت تاخذ الف بتاخذ الفين وياكثر الهدايا والذهب في اول الزواج وعند الولادة
ترتاح نفسيا فبدل ماكنت تجلس وحداني وقت الفراغ تفكر في حاجات تافهه الحين بتفكر في بيتك وعيالك
ترتاح دينيا والزواح نصف الدين كما يقال ، فتحصن فرجك وبصرك عن الحرام وتبني بيتك على الدين والالتزام وكل هذا بيدك فان كنت من الصالحين صلحت جميع احوالك وان كنت من الفاسدين والله لا زواج ولا غيره بيصلحك.
ترتاح في دراستك وهي النقطة الي تكلموا عنها الشباب ومن خلال التجربة استفدت التالي :
-مافي غيابات عشان في احد يقومك في الصباح من بدري وتقوم تحصل الفطور قدامك وتروح وانتا معبي الكرش عشان تستوعب المحاضرات ( العقل السليم في الجسم السليم ) واذا ماقمت تقوم بالموية ، طبعا هذا بيدك وانت الي تلزم الاهل بايقاظك في الصباح يوميا ومع الايام يتعودوا على ذلك.
-تدخل الجامعة نفسك مفتوحة وتحس انه الامر سهالة وان مافي عليك ضغط وبدل النوم في الصف الاخير تنفتح نفسك للجلوس في المقدمة عشان تفهم
-من بداية الزواج تفهم اهلك انه عندنا لابات وانها تخلص 5 او 8 وتمهد لكل هذا الكلام حتى مايجي يوم وانت راجع تسمع فيه كلمة ليش تأخرت؟
-بالنسبة للمذاكرة في البيت تخصصلك غرفة تحط فيها مكتبك وجهازك وكل العدة وحبذا لو كان للغرفة باب مستقل على بره عشان تهيء المكان لاستقبال الزملاء للمذاكرة ، ووقت المذاكرة تحدده ولو ساعتين في اليوم فيها البركة ومابتأثر عليك ولازم تلتزم بها حتى لو جلست تقلب في الكتاب
اخيرا : الي يقلك الزواج مسؤولية وضياع ماني عارف اية مسؤولية واية ضياع؟؟؟
كل شي بيدك تقدر تخليه مسؤولية وصعب وتخلي بيتك جحيم وطلبات طول اليوم ، وتقدر تعود بيتك على الرضى بالقليل وعلى التفاهم بأدب وتجبر الطرف الاخر على احترامك.
والي يقلك انا ما ابغا اتزوج دحين وعنده جميع الامكانيات هذا مابيحرم الا نفسه
ولكل منا وجهة نظر
تمنياتي للجميع بالتوفيق
