السلام عليكم شباب
كيف حالكم
اليوم انا كنت نايم بعد الظهر
ودخل روميتي الغرفة فصحيت على دخوله وبعدين طلع ودخل مرة ثانية يقول ما ادري في مسؤول كبير بالاين هنا والناس حوله كثثير ورجال الامن والدكتور الخليفي معهم.
المهم قمت انا ابغى اشوف (لقافه) ولبست نظارتي وطالعت من الباب براسي بس عشان لا يشوفوني وانا بثوب النوم .
بعدين ولا اثنين منهم يؤشرون علينا انا وروميتي ويقولون هنا في شباب صاحين .
ويجي واحد من حقون الاسكان ويقول مدير الجامعة يبغا يجي يشوفكم
والحق يا ولد لبسنا شيء اي كلام والنوم باين على الوجه تمام
ودخل سمو المدير
وسلم على روميتي (مسكين ما لحق يلبس)
بس انا يعني لبست بس شعري كان رايح فيها
وسلمت عليه
وصار يسئلنا عن السكن وكيف مرتاحين ولا لأ وما هي السلبيات؟
وبعدين من الربكة روميتي يقول له تفضل
يبغاه يجلس على الكراسي هذه |6|
بعدين المدير قال يالله ما نعطلكم عندكم اختبارات الله يوفقكم
وخرج واكمل جولته في السكن
وطااااااااااااار النوم
بس بصراحة يا شباب
باين عليه وجه خير الله يوفقه في خدمة الجامعة ورفع مستواها
والله يحفظه ذخرا لنا وللطلاب المساكين
عن جد تتكلم انت ولا قاعد تتبهلل
على العموم ازا صارت فهذا مؤشر جيد جدا بل ممتاز ونتمنى انو يكون صحيح
لكن المسأله اللي يجب ان ننتبه لها ألا و هي اذا جاك المدير زي ما قال صاحبنا ايش حتقولو
عن ايش حتشتكي و هل سينظر لها نظره سليمه ولا بس شوية شكليات
ربي و ربك أدرى
مسوي فيها لطيف المدير هذا الله يستر
من جدك تتكلم انت؟؟؟
والله اذا كان صدق فهذا شي يبشر بالخير
يا رجال دخل على سعد عيبان بغى السكرتير يشنق نفسه مو مصدق
ان شاء الله فيه الخير
<<<<<<<< يا زينك ساكت
ايوه يا شباب والله العظيم اتكلم منجد
السلام عليكم
حمووووووووودي ؟؟؟
تتكلم من جدك انت ؟؟؟؟
طيب هااااااا وش صار بعدين أقصد
وش رديت على سؤال المدير ؟ … أكيد انك قمت بالواجب
لا يكون آخر هذا الكلام انك جلست من النوم
وكان هذا اللي شفته مجرد حلم …
او اذا كان الكلام صحيح فهذا واجب لان كل راعي مسؤول عن رعيته
وبالله التوفيق لنا ولكم
هل يعني ذلك ان مدير الجامعة قد ذهب الى اللاينات ؟
و لماذا لم اره هناك ؟
و متى سيذهب الى هناك مرة اخرى ؟
و لم يتبع اسلوب المرشحين للانتخابات عندما يقبلون الاطفال و يزورون الملاجيء ؟
هل سيتبع ايضاً تقليدهم المتمثل في قلب كل صفاتهم 180 درجة بعد ترشيحهم للمناصب ؟
و الله خبر جميل !!
السلام عليكم …
أعتقد أن كلام الأخ “حمودي” صحيح … أو لنقل أنه غير مستبعد. و بصراحة أنا أتفاءل الخير في المدير الجديد. و المهم كما قال الأخ UBL ، هو أن نعرف ما نقول و كيف نقوله. يعني بصراحة المفروض أن لا ينبهر الإنسان بمهابة المدير و أن ينشغل بذلك عن الاستفادة من فرصة اللقاء به. فهذه فرصة عظيمة مهم جداً أن يستفيد منها الطالب بأن يبين له الأمور التي قد لا تكون واضحة من وجهة نظر المدير …
فمثلاً… المعاناة الأزلية مع بعض الدكاترة "أو أشباه الدكاترة " و اللاينات الخايسة اللي يضرب بها المثل “مع جوانتانامو” في إهمال حقوق الإنسان. و أيضا الأمن وووو .
على كل حال … بادرة جيدة … و مبروك يا أخ حمودي … و عقبال ما يزورك الأمير عبد الله …
كلام hamodi صحيح ان شاالله المدير كان عنده جولة على السكن الجامعي ومطعم الجامعة يوم الثلاثاء وأنا كنت موجود في مكتبه قبل الظهر وصلينا الظهر وصلى معنا وبعدين خرج مباشرة وكان من الدكاترة المرافقين له الدكتور زين يماني
والله مشكلة اذا هذا الكلام صار صدق وانا ماكنت موجود وقتها
بس غريبة المفروض اكون موجود وقتها بس الظاهر كنت مشغول بتنظيف غرفة طالب من الاوريا المساكين غرفهم الايام حايسة مع الاندومي والكورن فليكس ::D|3|
اذا كان الكلام هذا صحيح فهذه مبادرة خير انشاءالله لموظفين سراكو اولا وللطلاب المساكين
والله يكون بالعون
معا يدا بيدا لمواجهة مشكلات الجامعة:o
سراكو + الطلاب= اخوة طيبة: :grinning
hey Hamodi…
what is your line number and your room number and
what date did he visit you ??
من قدك …
كلمة حق ستقال …فاستمعو وعوا …
انها بشارة خير بحضور هذا المدير
و صدقوني انها بشارة خير و وجه السعد قد حل بالجامعة …
و المدير طالب قديم بالجامعة و هو يعرف كل شيء عنها
إن مما يتميز به هذا المدير حفظه الله …
التواضع … الذي لم يسبق لأي مدير من قبله …
ولكن لعلكم تشدون على يده …
ولا يكون مصيره مصير غيره من الكبراء …
هذا من المقالات التي كانت عن د . خالد
في بداية فترته .
ونعم والله يا بو سلطان
كفو والله
يا ليت كل المدراء زيك
يعجبني الشخص اللي ينزل من نفسه للي اقل منه
جعلها في موازين حسناته ان شاء الله
لكن اذا بيجي غرفتي بيشووووووووف هواااااااااااااااااايل
عرفتي رايحه فيها ههههههههههههههههههههههههههههه
عموما اهلا وسهلا بالدكتور خالد السلطان في كل وقت
السلام عليكم ورحمة الله وبركاته
انها بادرة طيبة من مدير جامعتنا العزيزة
ولكن ماهو المطلوب من الطالب قوله لسعادة المدير في مثل هذه المواقف
عليك بشرح المعاناة وبصدق ومحاولة اقتراح حل لها فهذا يعطي المدير
مؤشر بأن الطلاب يريدون التغيير والتقدم
لا اطيل عليكم
ولكن اذكركم بقول الامام علي عليه السلام ( اغتنموا الفرص فإنها تمر مر السحاب )
!!!
الأمير عبدالله …!
قصدك الملك عبدالله !