السلام عليكم …كيف حالكم ياشباب ؟…هذي معاناة اكتبها لكم عايشتها وحصلت لي واحتاج لنصيحتكم لكن الله يرحم والدينكم اللي يبي يحطم لايرد تكفون…ابي تقولوا لي وش رايكم بالموضوع واشوف تعليقاتكم البناءة انشاالله اللي يمكن تكون شرارة انطلاق لحل المشكله اللي انا فيها الحين…
نخش في الموضوع…
محدثكم خلص الاوريا قبل سنة ونصف يعني كان رمضان قبل الماضي هو نهاية اخر ترم بالاوريا لي والحمد لله كانت درجاتي لا بأس بها…حول الثلاثة…
وبدأت الفريشمان الترم اللي قبل الصيف الماضي ونزلي 14 ساعه ولكن للأسف حذفت ثمان ساعات وكملت الترم بست ساعات وكان المفروض ابدع فيها خاصة انها كانت رياضة وانجليزي واسلاميه ولكن للأسف بعد الدف طلعت بمعدل اثنين ونص ونزلت الصيف اللي بعد ماث واسلاميه وعديت الماث بــ دي والاسلاميه هي اللي انقذتني وطلعت ومعدلي بعدها انثين فاصلة اثنين من عشره…المهم تعقدت نفسيا ماعرفت ايش المشكله خاصة اني كنت من الطلبة الحريصين باالاوريا ولكن يوم طلعت الجبل صرت مااطيق اطالع الكتاب والادهى والامر اني درست الترم اللي بعد الصيف الماضي وحذفته كله بنهاية الترم ونفس الشي درست الترم الماضي وحذفته كله باالاخير …يعني استنفدت كل الفرص لي وخايف والله يجي يوم احتاج فرصة او تصير لي مشكلة ويقولون لي خلاص ماعاد لك اي فرصة ويطردوني |5| …انا ياشباب سمعت ان الفريش هي الاساس واذا طلع منها الواحد بمعدل اقل من ثلاثة بيتعب بباقي الاترام وعشان كذا قاعد احذف واحذف …المهم ابي اسألكم يااخوان وش رايكم ابي واحد بس يحمسني خاصة اني عقدت العزم اني الترم الجاي بإذن الله اني اشد حيلي ومايقل معدلي عن الثلاثة …والله ماادري وش اقولكم تعبان نفسيا الى ابعد حد وتقدرون تقولون اني استجدي منكم الكلمة اللي تكون لي عون بعد الله في شدة الحيل ورفع الهمة …
اسسسف جدا على كثرة الكلام …ولكن اذا عرف السبب بطل العجب …تحياتي لكم
هلالا يافريش بوي …
الله لايجيب اكبر وانا خوك …!
وكل شي يتعوض وكل دقه بتعليمه …وياما صار لنا مثل ماصار لك لكن بالعزيمه والجد والمثابره بعد توفيق الله انحلت كل الامور …
لكن نصيحتي لك تتلخص فيما يلي :
1-اولا اهتم بالصلاه وانا خوك تراها لكل ضيق فرج
2-خل الوالدين يدعون لك …وخاصة الوالده …
3-مدام وضعك كذا فحاول …تاخذ ساعات قليله …يعني 12 او 13 …الى ان يضبط المعدل
4-اهتم بالحضور …يعني لايفوتك ولا محاضره لان الحضور يشكل 70% من النجاح والتحصيل
5-انتبه من كثرة استخدام المياجر والفاينلات القديمه …ما اقول لاترجع لها …لكن خذ منها اللي تشوفه انه يخدمك ويفيدك
6-حل الهووموركات بنفسك …وراجع كل محاضره …(لاتقول هذا كلام معيود لكن تأكد انه اول خطوات التفوق والتحصيل )
هذا اللي اقدر اقول لك …ووسع صدرك مافات شي
واسأل الله العظيم انه يوفقك ونشوفك مهندس اد الدنيا
وتأكد ان الوصول للقمه سهل والمحافظه على القمه ماهو بصعب كما يقولون
ولافيه شي مستحيل
تحياتي وتقديري …واي خدمه حاضرين
اخوك / ميجر ون
واللع يافرش انا انصحك انك لوكنت هندسه الحق نفسك وحول اداره كثير من الشباب الي كانو في الاوريا تعبانين حولو اداره وشوفهم الحين اونرز.
وكلام الأخ ميجر ون كافي باذن الله.
هذا اللي اقدر اقول لك …ووسع صدرك مافات شي
واسأل الله العظيم انه يوفقك ونشوفك مهندس اد الدنيا
وتأكد ان الوصول للقمه سهل والمحافظه على القمه ماهو بصعب كما يقولون
ولافيه شي مستحيل
انا ابغى اعلق على كلامك اللي قلت فيه ان الفريشمن هي الاساس ولازم تجيب ثلاثه عشان لا تتعب بعدين…اول شي بالنسبه ان الفريشمن اساس فهي فعلا الاساس والواحد يحاول قدر المستطاع انه يجيب فيها معدل …لكن اذا ما جبت ثلاثه وفوق مو معناها نهايه الحياه الجامعيه …يعني ممكن تتوهق في الفريشمن لكن بعدين يجي الحماس وتجيب ثلاثه وترفع المعدل كل شي ممكن…وشكرا
ما ازيد على الشباب
لانهم كفو ووفوا…
لكن تذكر الصحبة تاثر كثير!
واعرف الطريقة الناجحة للمذاكرة!
اخي ميجر ون …
شرفتني والله بوقتك ونصائحك الغالية…
عجزت والله عن شكرك …ولا اقول الا الله يجعل كل كلمة كتبتها في ميزان حسناتك
لك خالص تحياتي واحترامي…
اخي 21xxxx…
المشكلة اني مااطيق مواد الادارة ومتأكد لو حولت لها يمكن انفصل على ثاني ترم …وانا تخصصي هندسة حاسب حاليا وناوي احول الى هندسة برامج وهذا التخصص الوحيد اللي ممكن اني امشي فيه بالجامعه وصدقني لو احول تخصص رياضة ماني فالح فيه…والصراحة اثلج صدري دعائك لي …روح ياشيخ الله يوفقك دنيا واخرة …والله اني زدت حماس من كلمتك (مافات شي) …وهذي الكلمة اللي نفسي اسمعها …الله يجزاك خير ويجعلها حسنات بميزانك يوم الدين…
تحياتي واحترامي الخالصة لك …
اخي ahmadsu2…
فعلا صدقت عزيزي كل شي ممكن…والله اني اعتبركم كاخوان في الاسلام لي ومااستشرت الا اخواني والحمد لله ماخيبوا ظني اخوي احمد الله يجعل كلماتك حسنات في ميزانك يوم الدين ويجزاك خير …
تقبل خالص تحياتي واحترامي ولك جزيل الشكر…
اخي Petroleum…
فعلا الصحبة لها تأثير الله يرزقنا الصحبة الصالحة لأنها والله يااخوان فعلا اكثر الناس مايعرفون الشي هذا لكن الصحبة اقدر اقول بدون اي مبالغة انها تؤثر بشخصية الواحد بنسبة تسعين بالمية والله العالم …
تسلم على ردك ونصيحتك الغالية…كلماتك قليلة ولكنها فعلا في الصميم مثل باقي الشباب اللي ردوا قبلك …
لاهنت…وجعلها الله حسنات بميزانك يوم الدين …
تحياتي واحترامي الخالصة لك…
انا ابغى اقولك بس حاول تنظم وقتك تمام لأنه اذا ماعرفت تنظم وقتك منت رايح تعرف تذاكر
واسمعكلام جميع اخواني اللي شاركوا
والى الامام دائما ان شاء الله ولاتفكر في الذي مضى
السلام عليكم
جزاكم الله خير جميعا والله يجعل جمعتكم ان شاء الله مباركه
ويا فريش بوي في شيء انت قلته وهو “ولكن يوم طلعت الجبل صرت مااطيق اطالع الكتاب”
فكيف ودك تجيب قريدات وانت ما تطيق تفتح الكتاب…هذي هي المشكله
واذا تبي الحل موجود وعندك لكن انت ما عرفت له
انت اول يوم في الدوام تستلم ورقه من الدكتور وتراها هي مفتاح اللغز
الي هي “السيليبس”
لانها تعلمك وش المنهج الي انت مطالب فيه عشان تحضر له قبلها بيوم
لكن الشباب ما يطالعون في السليبس الا اذا جاء HW عشان يعرفون الاسئله او اوقات المياجر
فنصيحتي لك انك تحاول تقرأ الدرس قراءه بسيطه بس عشان تعرف وش السالفه اذا كنت في المحاضره
واما بالنسبه للمعدل فانت الحين في امان ويمديك ترفعه فوق 3 في سمسترين او3 سمسترات
بس اهم شيء تهتم وتخلي عنك الشله والروحات والجيات الي مالها داعي
واكرر الي ما لها داعي يعني روح واستانس باوقات تحس انك فيها فاضي ولا وراك شيء
ارجو انك تنتفع بهذي النصيحه وعذرا على الاطاله والله يوفقك والشباب جميعا
اخوكم الولهان
اخي المميز …
الصراحة موضوعي هو الذي تميز لأنك رديت فيه وساعدتني بالنصيحة الغاليه هذي سبحان الله وكأني اقرأ نصائحكم هذه لأول مره وفعلا هذه النصائح اللي انشالله راح امشي عليها … ماقصرت اخوي والله يجعل كل كلمة كتبتها في ميزان حسناتك…
تحياتي لك واحترامي الخالصة لك اخي …
اخي الولهان…
والله بيني وبينك نصيحتك هذي من اهم النصائح اللي وجهت لي…فعلا ايام الاوريا كنت اتابع السيليبس وماشي زي الالف…
لكن من يوم جيت للجبل مااهتميت فيها …قد يجعل الله السر فيها وينجيني من الهم هذا وارجع اشوف القريدات اللي تسر الخاطر والفضل ساعتها راح يكون لله رب العالمين ثم لكم اخواني …اشكرك اخوي الولهان وجزاك الله الف خير
والله يجعل كل كلمة كتبتها في ميزان حسناتك …
تحياتي واحترامي الخالصة لك اخي العزيز…
مساااااااء الخير اخوي سفمور بوي …
::
::
اسمع نصيحتي …ولاتقول هذا اوريا …
:::
عليك بالصلاة ثم بدعاء الوالدة … والله الذي لا اله الا هو … ان الذي خلاني اعدي الثانوية بتفوق هو دعاء الوالدة …
::
جعل الله النجاح حليفناو حليفكم …