السلام عليكم ورحمة الله وبركاته
شباب انا ابي اسألكم عن مدرس ماث اسمه
JIBRIL, ADNAN ABDELQADER
لاني الصراحة مااعرف عنه شي
انا كنت مسجل ماث عند الدكتور حسين العطاس سكشن 10 
وفجأة دون سابق انذار كنت داخل على جدولي علشان اشيك المواد 
واذا بمدرس الرياضيات قد تغير 
وتحول من الدكتور حسين العطاس
الى واحد مااعرف عنه غير اسمه
JIBRIL, ADNAN ABDELQADER
شباب اللي يعرف اي شي عن المدرس لايبخل علينا
والله اني منقهر حدي :
كيف الواحد يسجل عند المدرس اللي يبيه وفجأة يلاقي مكانه مدرس ثاني
مرحبا اخوي
انا كنت عند جبريل السمستر اللي راح والحقيقة انه راعيها في الشرح وحتى كوزاته سهلة بس لازم يحط لك سؤال ماشفته من قبل يعني فيه فكرة جديدة ماشرحها وهو دقيق في تصحيحه يعني يبغاك تجاوب على السؤال بالملي يعني ماتقول في حاجة مفهومة ذي وماليها داعي اكتب الكل عارف انها راح تصير كذا لا يبغاك تكتب كل شي
يعني لو سالك 1+1 وش تساوي ماتقوله 2 راح يعتبرها غلط
ليش ؟؟؟؟؟ يبغاك تقول( يساوي 2)
اسئلته في الميجرات متوسطة لكنه يجيب مثل ماقلت لك سؤال شاذ ويحط عليه علامة كبيرة مثل نكبتنا في السمستر اللي راح سؤال عليه 20 علامة ماحله الا طالب واحد من سكشنين اثنين عدد الطلاب فيهم تقريبا 60 طالب
بس هو حبوب واخلاق مع اللي يكون معاه اخلاق يشدد على الحضور والتاخير
اختباره الفاينل كان في نكبة قال ممنوع استخدام الحاسبة يقول اكبر رقم راح تقابلوه هو 9ضرب 5
تفاجانا بان اصغر رقم واجهناه 100 ضرب 215
بس الحق ينقال مع اني كنت تحت الافرج في الميجرين الا اني طلعت بقريد حلو في النهاية والصراحة مادري وش صار
على فكرة الغياب عليه 25% من القريد النهائي يعني يرفعك قريد لاتتساهل به وانا اعتقد انه هو اللي ساعدني لان ماكان عندي ولا غياب( لاتصدق بس في ايام كنت اغيب ومايسجل غياب فافلت بجلدي هههههه)
اتمنى اكون ساعدتك بهاللمحة السريعة عنه واسف على الاطالة
اخوي someone
ممكن سؤال ؟
الاختبار االلي كان فيه سؤال من 20 درجة
كم كانت نتيجة الاختبار النهائية (( يعني الاختبار كله من كم درجة ))
الاختبار كان من 100 درجة
ممكن تقول 20 درجة قليلة بس بالنظر لتوزيع الدرجات على باقي الاسئلة راح تلقاها كبيرة
حيث كان تقسيم الدرجات يبدا من 4 ويصل 9 في الاسئلة التحريرية
و10 علامات للاسئلة الاختيارية
مشكور اخوي someone على تجاوبك
والان الى باقي الاعضاء اللي يعرف عنه اي شي لايبخل علينا
توكل على الله
الأخ الفنان, تحية طيبة و بعد…
أعتقد ان الأخ someone ما قصر, بس فيه اضافه صغيرة.
في بداية الترم عادة يجي الدكتور جبريل و يسأل اذا كان فيه أحد يبغى grade معين في نهاية الترم, و عادة الكل يستحي, بس اذا رفعت يدك و قلت أنا أبغى A أو B+ مثلا, راح يقول لك: تعال لي المكتب و أنا أدلك على طريقة المذاكرة.
سوي اللي يقول لك عليه بالحرف الواحد و راح تطلع بالدرجة اللي كنت تبغاها في هذي المادة باذن الله.
طيب لو ما سألكم في بداية الترم؟
بسيطة, روح عنده المكتب و اسأله: كيف أقدر أجيب الدرجة الفلانية عندك يا دكتور؟
أتمنى اني أكون ساعدتك, و اذا احتجت أي خدمة, راسلني على الخاص.
و السلام مسك الختام.
الله انا الترم الي فات كان عندي في الرسيتيشن والله بدون مبالغة الآدمي ما يفهم انا كنت ماخذ 101 والله انه كانت في اسأله العيال يحلوها يقول انا ما عرفت احلها والله بدون مبالغة او عاد انت استفسر يمكن في الحصة غير الريستسشن او بالتوفيق
الف الف شكر لجميع من أفادنا