بسم الله نبدأ
كان يا مكان كان فيه واحد تخرج من الجامعه الصيف اللي راح 023 اللي هو انا
المهم بعد ما خلصنا الترم الصيفي بما فيه من الحر والرطوبه الخ صرنا كل يوم نتصل على الجامعه نبي نشوف متى تصدر الوثيقه علشان نبدا نقدم
المهم في يوم الثلاثاء الماضي اتصلت على اداره الخريجين قالوا ترا صدرت الوثيقه:)
المهم ما صدقت خبر وعلطول مريت المحطه وعبيت فل ودوس على الشرقيه (ساكن بالرياض)
ويوم الاربعاء الصباح من الساعه 8 صباحا وانا باداره الخريجين ويالله صباح خير
اخذت ورقه من الحدادي موظف اداره الخريجين وطيران على خدمات الطلاب علشان ورقه اخلاء الطرف. المهم اخذت الورقه وبدأت قصه التعب والكفاح من اجل الوثيقه
طبعا اول ما اخذت الورقه اصبت بنوع من الفهاوه وفتحت فمي كذا :eek:
كميه غير طبيعيه من الاقسام بامر عليها كل قسم ختم وتوقيع ويا تلقا الموظف يا ما تلقاه
المهم قلت انا لها انشالله قبل الظهر وانا مخلصها
طبعا لازم تمشي في التواقيع بالترتيب (مبنى 17و9,الامن ,مبنى 17و9, عياده الجامعه, مبنى 17 و 9 ,القسم الاكاديمي ,مبنى 17 و9 وهكذا دواليك
رايح جاي مثل باصات خط االبلده;)
المهم بدون اطاله خلصتها بعد جهد وكد وعرق الساعه 11 ونص ودوس على اداره الخريجين
ملاحظه: اذا كنت ساكن بالجامعه ونسيت تسترجع تامين السكن مااحد راح يذكرك فيه(بيحطونه بكروشهم) واذا ما تذكرته الا عند صندوق الطلاب مثلي,الله يعينك ترجع للاسكان تاخذ من عندهم ورقه)
المهم وصلت قبل الظهر عند ادارة الخريجين واعطيتهم الورقه اللازمه وقالي شيك رقمك مع اللي صدرت وثائقهم وكانت المفاجئه 
غير موجود
طيب يابو الشباب انا مشيك معكم بالتلفون قلتو صدرت قال والله هذا اللي صدر عندنا والباقي الله يعينك تحتري ليوم السبت
يا بو الشباب يرحم والديك انا جاي من الرياض والسكن سلمته وين اقعد ليوم السبت (طفران مافي غير ال 300 ريال حقت تأمين السكن
قال طيب لحظه
ويتصل على القسم قالو راحت لاداره الجامعه طيب كيف قال راجعنا بعد الظهر يمكن تجي من اداره الجامعه قلنا طيب
المهم من بعد الظهرالى صلاه العصر لاجديد يذكر
مداوم مع حقين اداره الخريجين وشاب على سبودهم (الله يعينهم علي لزقه)
المهم والله ما قصر الاخ الحدادي الله يوفقه بعد ما صلينا العصر قال بروح لادراه الجامعه اشوف وش السالفه واجي
وبعد انتظار الى الساعه 4 ربع جا ومعه الوثايق ( والله بغيت اصيح من الفرحه)
يقول انها خالصه من الصباح بس المراسلين (في 4 مراسلين) يتعازمون من يوديها
المهم استلمناها بحمد الله
وبعد ما استلمناها التفت على واحد من الشباب المنتظرين وقال
يالله 5 سنين تعب علشان خمس سطور واربع تواقيع وختمين
اولا 1000 1000 مبروك
ثانيا :انت منت غشيم بالجامعه؟؟كان المفروض تسأل عن اسمك قبل لا تجي لانهم ينزلون دفعات
ثالثا:المراسلين هذيلا يبيلهم عين حمرا وما ينسكت عن الي سووه
ياخي على الاقل يحللون راتبهم
رابعا:الوثيقه مهي مهمه كثر ما هو مهم الترانس كربت
انا اخوي توظف بدون وثيقه وانا الي استلمتها بعد 3 سنوات من تخرجه
ومره ثانيه 1000 1000 مبروووووووووووووك
الله يبارك فيك وعقبالكم كلكم يا شباب
انا مثل ما قلت سألت بالتلفون عن وثيقتي وقال صدرت (الظاهر الموظف كان مفهي في هذه اللحظه)
وعموما في رابط بصفحه شؤون الطلاب يضعون فيه الارقام اللي صدرت بس ما يحطون كل الارقام
اول دفعه من الوثائق يكونون متحمسين وبعدها يطنشون
واخيرا عقبالكم يا شباب وشدو حيلكم
ها ماتخبرون لي وظيفه؟
كم المعدل طيب 
فوق ال 2,5 ها وش رايك؟
عندك وظيفه؟؟؟؟؟؟؟؟؟؟|1|
حط رقمك ونتصل فيك