السلام عليكم ورحمة الله وبركاته…
حبيت أعقب على الكلام اللي صار عن المركز سواء مان مني,من أخويا سحس اللي أوجه له تحية هو وكل من ردوأ على موضوعي بإسم: ماصارت عمادة ولاتوجيه وإرشاد .وما أنسى جبيبي الدب الداشر اللي برضه يستاهل التحية 
ياجماعة,مركز التوجيه والإرشاد مع احترامي له وللدكتور سعد العيبان ماهم أنبياء حرام الكلام فيهم أو انتقادهم.المنتدى مفتوح لطرح الآراء والإستفادة ومو من حق أحد إن يصادر على أحد رأيه أو يتفه أفكاره.وأنا ألاحظ إن أخويا ليث وغيره حساسين شوية اتجاه المركز,ياأخوان لازم نقول مشاكلنا بدون حياء لأن المنتدى من وظائفه الشي دا.
مو يجيني واحد زي مسعر حرب يدخل عرض ويقول إن أنا بافتري عالمركز وإن الأخلاق الإسلامية ذابت زي الثلج,و…و…,إيش أنا سويت؟؟؟سبيت الدكتور سعد؟أتحدى أحد إنه يراجع موضوعي ويطلعلي الكلام دا!مو يجيني شخص طفشان وماعندو أحد يتكلملي.صراحة البزورة دول لازم يعملولهم تشييك عمر بال ID 
عشان لايضايقونا.أنا دخلت الجامعة وهو لسة يمكن في المتوسط ولا الثانوي ويجي يقوللي كذاب؟؟؟
عموما ماعلينا.
قريت مشاركة أخوي سحس عن مشكلة الطالب اللي قدم على GRADER وماوافقوله مع موافقة الدكتور والقسم عليه,وأنا رأيي قريب لرأي أخويا سحس ولكن مع تعديل بسيط…
أقترح إن المعدل العام يحكم موضوع ال grading للمواد العامة حقت الفريشمان أما مواد التخصص يحكمها معدل التخصص. أعتقد إن دا أفضل الحلول لأن حرام أتحاسب على مواد عامة ممكن تكون نزلتلي المعدل في وقت أنا مبدع في تخصصي والمدرس مقتنع بإني مؤهل للتصحيح.ونظرته هي الأصح والأقرب أكيد مو مركز الإرشاد والتوجيه.
هذا رأيي وأخيراً أقول ياريت إن الواحد بدل مايدخل للنقد الغبي يكون نقده بناء ويخدم الموضوع ويكون فاهم ايش بيقول.
وأخيرا الحكمة تقول: اللي مايفهم في الصقر يشويه.
ودمتم