السلام عليكم
من زمان وانا ابقى احط هذا الموضوع
بس أنسى
على العموم
انا مستغرب من هاي البطاقه الجديده
من أول مأخذتها وأنا واضعها في المحفظه
والا اطللعها الا للضرورة
تدرون انو ملامح وجهي اختفت
تشمخت كثيرررررررر
مع اني حافظها
وهالحكي في الفترة الاولى من امتلاكي لها
يعني لهاي الدرجة
الطباعة غبيييييييييييه
اجل في السنين القادمة
كيف بتكون صورتي
ومن البادية كذا
أذا انت راحت صورتك أسمع هذي السالفة أنا نسيت ثلاثة بطايق في السيارة :بطاقة الجامعة وبطاقة الحكومةوبطاقة أرامكو.
بعد يوم واحد في الشمس وجدة أن بطاقة أرامكو و بطاقة الحكومة لم يصبهما شئ و لكن بطاقة الجامعة تغير شكلها و ألتوة فوق و تحت و صار شكلها غير مقبول حتى أن الجامعة طلبة مني تغييرها لكني كوتها بالمكوى و زبط شكلها؟؟؟|3|
السلام عليكم…
سبحان الله انا مفكر انه انا بس اللي صورتي بالبطاقة الجديدة راحت بخرايطها مع انها احسن صورة صورتها 
…
تصدق ياعمار ان مشكلتي بالظبط وبالمللي نفس مشكلتك …انا حافظ صورتي بالمحفظة من اول ماطلعتها لكن قبل فترة بسيطة طلعتها عشان حاجه لكن فوجئت انها قالب لونها وباهته كثير وأخاف مع الوقت تمتسح المعلومات بعد اللي فيها واظطرأني اطلع بطاقة جديده وهذي خسارة اموال على الفاضي ووقت وجهد !! (لاحظ هذا الكلام كله وهي محفوظة داخل المحفظة فما بالك بالاخوان اللي بطاقاتهم موزعه في أركان السيارة والبيت ومعرضينها للشمس!!)ياريت بس احد يوصل الكلام هذا للمسؤولين لتدارك الموضوع…
السلام عليكم
…
يوم طلعت البطاقة الجامعة ما حطوا عليها الطبقة الحافظه …
مريتهم بعد يومين حطوها لي … و البطاقة ما صار فيها شي …
اخوكم/ مهندس كهربائي 
السلام عليكم
انا صارت معي نفس al-Problem هذي
وش الطبقة الحفاظة آسف الحافظة ؟؟؟ 
أول مرة اسمع عنها |10|
هل اعلنوا عنها “بعد ما طلعناها وصار فيها اللي صار”؟ |554|
هذي المشكلة معروفة عند الجامعة أصلا…
خصوصا تصير مع اللي طلعوها اول شي يعني اول مانزلت البطايق الالكترونية… الحين كل اللي عليك انك تروح لهم وتعطيهم ايها وتعبي خطاب اصدار بدل تالف وتاخذ وحده جديده وما يحتاج حتى تصور لان الصورة حقتك موجودة عندهم انا شخصيا صارت معي المشكلة هذي وديتها ومن بكرا لقيت البطاقة جاهزة ولله الحمد وعلى فكرة في البطاقة الجديدة ماراح تصير هذي المشكلة موجودة باذن الله لانهم عرفو المشكلة وحلوها…آمل ان اكون افدتكم…تحياتي
بس الفلوووووس
السلام عليكم ورحمة الله
أنا واجهت نفس المشكلة بالضبط وبطاقتي جديدة أخذتها أول ماوزعوها ولكن صورتي الآن ( لو يشوفها الوالد ماعرفني)|9|
أيش كلام هذا لا زم بطاقة كويس
بدل فاقد هذا حل محتمل بس يبغاله فلوووووووووس
وهذي المشكلة أن ما حنا ناقصين كفاية إيجار سكن ومخالفات …كمان ندفع للبطاقة؟
لا ياأخي انا يوم استبدلت البطاقة لم ادفع ولا هللة …بل أخذتها مجانا …لانهم عارفين انه هذي المشكلة من عندهم وليست من عندك.آمل ان تكون الامور قد اتضحت…تحياتي
انا الى الحين استخدم البطاقه القديمه وصلاحيتها الى شهر ذو الحجه اذا ماكنت غلطان ،، احد عنده فكره عن تجديد البطاقه ؟
جددها من مكتب شؤون الطلاب عند مطعم الجامعة
و الله نفس الكلام
الصورة مرة راحت فيها … و تعابير الوجه ما عاد هي بواضحة
فعلا واحد من الشباب قلت له المشكلة (هو توه مطلع البطاقه الجديده) ويقول انهم بقسم شؤون الطلاب يعطون بطاقات ببلاستيك جديد من نوعية احسن من اللي وزعوه أول مانزلت البطاقات الذكية واللي يبي يبدل بالجديد يروح لشؤون الطلاب يبدلونه له بدون اي تكلفة مادية وويحطون لك نفس الصورة اللي صورتها لأنها مخزنة عندهم بالكمبيوتر والله اعلم …بالنسبة لي بروح اليوم ان شاء الله
للي وده يضحك ,
بطاقتي من أول ما طلعتها للحين ما تشتغل ههههههههه
يعني كل ما أبغا أدخل للمواقف في أوقات دخول الطلاب , الكل
يدخل الا أنا , وأعرف واحد قالها بالصدفه وقلتله ان نفس
المشكله عندي , يعني اذا انتم زعلانين عشان صوركم
انمسحت , حنا وش نقول !!!
ملاحظة : خويي راح مرتين عند حقون البطاقات , ويقعد المسؤول يطقطق بالكمبيوتر همن يطق صدره يقول أبدددن رح ولا عليك , هالمره أوكيك , ومره ورا مره , أخرتها تعايشنا مع الوضع وصرنا حنا والفورملا ون سوا , نستنى أحد يدخل عشان ندعس وراه داخل البلدنق (في اوقات الطلاب الرسميه)
مااا أقول غيرررر ,
صوره مع التحية للي أختار هذي النوعيه الممتازه من البطاقات
نفس المشكلة كذا واحد من الشباب اللي اعرفهم يدخلون الا انا !
يا شباب انا بطاقتي نصف ممسوحة
وادوها كمان شهرين ثانين او ثلاثة وتنمسح نهائي وحيرفضوا يدخلوني فاينل بسبب عدم وجود الصورة والاسم
عندي سؤال بس …
ايش هي الطبقة الحافظة ؟
وهل اجدت نفعا معكم
ام انها مثل قلتها !
تحياتي للجميع
قبل فترة طويلة
كنت مع أحد العاملين على هذا المشروع منذ بدايته…
وأمطرته بعديد من الأسئلة حول نظام البطاقة الذكية، صراحة النظام كما شرحة لي ممتاز، وفهمت منه أنهم أخذوا قرابة العامين لإنجاز هذا المشروع…
فإن كانت المشكلة في الصورة والطباعة، أتوقع أنه حلها سهل، ويفضل أن يحل في أقرب فرصة…
لأنه ماله، مشروع ضخم، وبطاقات المستخدمين نص نص!
وعلى فكرة، البطاقات ماتتفعل إلا لمن تبصم! تأكد أنك بصمت أول :)…
للجميع خالص التحية
صدقت أخوي
والله لو أنهم معطينها خطاط في الثقبة كان صممها وطبعها أحسن .
لكن شرهتك على اللي يفهم .
الخبير
والله انا بطاقتي حتى الآن أعتبرها غير صالحه
أخوي TheCollector
بطاقتي الله يسلمك,لا تفتح بوابه ولا شئ,حتى بعد الساعه 4 العصر,وجربت كل المواقف,وماااش
رحت لحقين التسجيل,وسويت نفسي كاني مابصمت مع اني باصم,قالي يأخوي أنت باصم من أول
قلت ادري,بس يعني,ماتشتغل البطاقه,المهم قلعني إلى بلدنق 14,ورحت هناك,أول مره قالوا لي,وشلون ماتشغل
قلت ماتفتح مواقف بلدنق 5,قالوا أهاااااا,أصلن خلاص ممنوع دخول الطلاب في مواقف بلدنق 5,قلت طيب طيب,أصلن ماتفتح ولا موقف
الزبده ,عطاني البطاقه وقالي,سويتلك رفرشش,ينقاله مسوي لي تحديث,وقال جرب,إن مانفع,تعالي
وفعلا مانفع
رجعت لهم,وعطوني البطاقه وقالوا أبددد ألحين ظبططططططططط
قلت نشوووف
وبرضووووا,مااانفع
الزبده,بطاقتي أعتبرها الحين لاغيه ومالها قيمه,
والصراحه إبتلشت,كل شوي مناقز من بلدنق 14 بعدين أرجع لمحاظراتي
وللأسف,إدارة حقت البطاقه الذكيه تعبانه جدا,وأحس فيهم العجز,والضعف
عاد إلي من جد بتضحكووون
إني بديييت اتسلف بطاقات زملااااي,إذا بغيت أروح لبلدنق 22 أو 24 أو حتى 5,وش اسوي شباب,بالله تلموني
وماأقول إلا حسبي الله ونعم الوكيل
شوف طال عمرك
هذا أنا ما أعتبره (الحل)! لكن إقتراح!، لكن هل يناسبك ويناسب مشكلتك؟ القرار بيدك!
ضيع بطاقتك، وأدفع 50 وطلع وحده جديدة!
تتوقع تنحل المشكلة؟
ممكن ايوا وممكن لا!
لك التحية…
لكن ياكوليكتور اذا ضاعت عليه مرة ثانية فعليا بتزيد الغرامة للمعلومية