في البداية اشكر لكم هذا جهودكم في هذا المنتدى و لا اخفي عليكم انني استفدت كثيرا من هذه المشاركات
وعندي طلب يا ليت احد أحد يقدر ينفذه" يا ليت تقرونه للاخير"
أبغى مجموعة نماذح للامتحانات النهائية السابقة لمادة الجافا 1&2
ICS 102 & ICS 201
أو اي أشياء مهمة عن هذه المادة وأكون شاكر لكم
وعقبال ما نشوف الجميع متخرجين باذن الله تعالى
مع العلم أني زميل لكم وملتحق في مسار البكالوريس في كلية المجتمع بحائل لذلك أطلب هذه الاختبارات لعدم توفرها قلت في نفسي ما راح يحلها الا اخواني هنا في هذا القسم ووشكرا
حياك الله اخوي…
والله ياخوي اذا كنت من سكان الشرقية اصلا وانت وجود حاليا بالاجازة فيها فأنصحك تروح للجمعية اللي بسكن الطلاب داخل حرم الجامعة وبتحصل عندهم اشياء مفيدة عن المادة وكذلك في محطة علوي التونسي"داخل الجامعة ايضا" في المكتبة الي هناك بتحصل مذكرات عنها …بالنسبة لي والله ودي لو اقدر اوصلها هنا للموقع لكن مااعتقد اني اقدر لكن مع كذا بحاول بالرد الجاي اني اوصل لك الي اقدر عليه على شكل ملفات مضغوطة او مواقع او ماشابه…
ومادة الics 102 عموما سهلة جدا ومهمة جدا جدا في نفس الوقت لأنها مادة اساسية في جميع الكورسات التالية وكذلك ics201 فاحرص عليها اخوي …ان شاء الله اخوي اني في اقرب فرصة ارد عليك …واذا مارديت فالعذر والسموحة …
اخوك “فريش بوي”
هذا موقع للدكتور محمد الشايب وهو درسني الجافا 102 الترم الماضي وهو دكتور في هندسة البرامج …والموقع فيه نوت المادة وكذلك واجبات محلولة واللاب بروجكت (مشروع برنامج يطلب في نهاية الترم من قبل مدرسين المعمل يشمل جميع مادرسته بالترم) … http://www.alshayeb.com/
اما باقي مواقع المدرسين اللي يدرسون االمادة فاعتقد انك ماتقدر تدخل عليها من برا الجامعة للأسف …
بالتوفيق اخوي …واعذرني هذا اللي قدرت عليه …وان شاء الله الشباب مايقصرون…
هلا بك فريش بوي والف شكر على الموقع والله ما قصرت وانت فعلا شعلة هذا المنتدى الله يطول بعمرك
أخووي بالنسبة لنماذج الاختبارت السابقة (طبعا بدون حل) هل تقدر توفرها لانها هي اللي راح تقيس مدى استيعابي للمادة وتجعلني مطمئن ان مستواي نفسه هنا في حايل والا عندكم في الشرقيةوالا صعبة
عموما عارف اني أتعبتك
ومشكور وما قصرت خوووي
عقبال ما نبارك لك ان شاء الله بالتخرج
اخوي المسلم للمسلم كالبنيان يشد بعضه بعضا…وبالنسبة لفاينلات والمياجر للأسف المدرسين مايوزعونها للطلاب الا لمدة بسيطة اثناء المحاضرة عشان يعرفون الدرجة وبس وبعدهاياخذونها فعشان كذا للأسف مافيه فاينلات أو مياجر بالجمعيات وغيرها وخاصة اني كنت ادورها لنفسي أيام المياجر ولا حصلتها …وعلى فكرة اخوي ترى أنا محول من عندكم من كلية المجتمع بحايل والحمد لله مشيت بالجامعة وترى الدراسة تحتاج انظباط اكثر بكثير من حايل وفيها جدية اكثر من حايل…شد حيلك وعقبال مانشوفك معنا بإذن الله …على العموم اخوي انا بشوف اذا احد الدكاترة اعطاني نموذج من اختبارات الترم الماضي برد عليك و بنتفق علىطريقة ارسالها بوقتها لكن اذا مااعطاني فاعذرني …
اخوك “فريش بوي”