قبل 10 ايام خلص الورق اللي عندي و بغيت اشتري ورق -علما انهم اكبر نصابين و دجالين بالعالم … الورق بفلوس-
يعني تاخذ 50 ورقه بـ 10 ريال و انا اقدر اشتري من برا 400 ورقه بـ 10 ريال … يعني يطلعون قيمه الطابعات و الحبر من ظهور الطلاب … اجل ميزانيه الجامعه وينها ؟؟ اهااا نسيت انها ******* …
نقول مو مشكله 50 ورقه بـ 10 ريال … ابداً ابداً مو مشكله . على عيني و على راسي … المهم رحت للمكتب حق الورق … و قلت للموظف ابغى 100 ورقه … قال لي ما قريت وش عالباب ؟؟!؟!؟ قلت له لا … قال روح اقرا … و اقرا ورقه طول بعرض مكتوب فيها “فيما معناه” اوقات الزياره من 9:30 الى 10:30 و من 2:30 الى 3:30" و اقول بخاطري هذا مستشفى او جامعه و اقول للموظف يا ابن الحلال انا فاضي بس الساعه 11 الظهر !! و باقي الاوقات بالمحاضرات … قال لي معقوله كل هالوقت مشغول !! قلت بخاطري !! شايفني اغسل سيارات يالطيب !!! و اوريه الجدول حقي و مضغوط من 8 الى 11 و من 2 الى 3:30 بشكل دايم … قال لي الحين ما اقدر … و انا اناظر شاشته و الاخ منبطح بالنت يطقطق و كأنه ما يدري ان الراتب بيكون حرام لأنه ما يشتغل بالدوام الرسمي … المهم … يمين شمال شمال يمين … قال مافي امل … و قلت له الزبده يعني ؟؟ (يعني السالفه وصلت حدها) قال شوف لك واحد يدفع عنك !! قلت بنفسي … مابقى اللا اطر العالم عشان يدفعون عني !! يعني الواحد يستحي شوي على وجهه !! و اطلع من مكتبه و ادور على واحد عنده ورق و اطبع اوراقي و المهم جيته ثاني يوم الساعه 3:10… “طلعت من كلاسي عشان خاطر بس اروح اشتري ورق” حشاااا مو ورق صار صك ملكيه و قلت له ابغى 100 ورقه … الرجال ناظر و قال طيب و اخلاقه كانت (***(سيئة)***) … كأنني اطر منه 10 ريالات … و عطيته 100 ريال … قال ما عندي صرف و قسم بربي ان الفلوس قدامه … يعني عنده صرف … لكن الموظف كان بجح بشكل غريب !! قلت له عطني الصرف اللي عندك و الباقي خله بالورق … يعني لو 300 ورقه عادي !! قال لي اسف … قلت بنفسي … بنفسي هذا شكله يبغاني اعطيه ريال عشان يوافق و بالنهايه مسكت اعصابي …و خذ لك اتصالات على الخلق اطر 10 ريالات عشان خاطر ورق … و يوم رجعت 3:25 للمكتب … لقيته طلع و راح بيتهم … يعني قبل نهايه الدوام بـ 35 دقيقه .!!! يعني مافي تسيب اكثر من كذا بجامعتنا !!!
المهم طلعت من الجامعه و انا ماقدرت اطبع باقي اوراقي !!!
و الحين ابغى اطبع ورق لكن ماني قادر اروح للموظف بسبب الاوقات التعيسه … يعني خاطري اعرف وش يسوي بالدوام !!! طول وقته على النت و ساعتين للطلبه !! خاطري اعرف هذا الموظف زينه !!! او جاي بالواسطه عشان يسرق الراتب
رحت لعميد الكليه لكن كان باجتماع !!!!!
سؤالي … هل تحديد الاوقات هذا من المسؤولين بالجامعه او بكيف الموظف التعبان هذا !!!!!!!! انا ما توقعت ان جامعتنا الموقره تصير بهذا الشكل و كأنها دائره حكوميه…
1- صار الدفع بمبنى 17 و تاخذ ايصال (يعني و لا حركات الادارات الحكوميه)
2- تحط الايصال بالمكتب حق الورق و يدخل الورق بحسابك بوقت معين من اليوم و يمكن يجي الموظف يقول ما لقيت الايصال حقك و تدفع من جديد…
يعني ماسوينا شئ … اللا زدنا الطين بله !!! اجل وش استفدت من كتابه الموضوع و ضياع الوقت ؟
انا اشوف ان الحل السليم هو بالمثال طبعاً:
كل دكتور ماده يحدد عدد اوراق الطباعه اللي يحتاجها الطالب … نقول 5 مواد × 50 ورقه = 250 ورقه يحتاجها الطالب كل سمستر … (هذا المفروض بالمجان او الدكتور يتكلف بتصوير الاوراق الضروريه للطلاب)
و الطالب اللي يبغى يصور زياده على كذا … يشتري ورق من برا و يطبع على راحته مثل مبنى 19 …
و الله يا شباب ما يصير كذا اضاعه وقت الطالب … يعني انا اذا مضطر اطبع ورق الهوومورك بنفس الوقت !! وش اسوي !! اططططر !!!
انا بغيت اقول كلام لكن كان عندي ميجر و الحين خلصت منه و افتكيت
ادعولي بالتوفيق …
لكن اللي ابغى اقوله الان … ان سالفه الدفع و الاستلام بنفس الوقت اهم شئ !! طيب فرضاً طالب يبغى ورق باخر الليل وش يسوي ؟؟
انا اللي اعرفه انك تقدر من خلال البطاقه تسحب ورق و السداد عن طريق الخصم من الشيك …
و ياليت لو يشوفون لنا حل مع قيمه الورق … و الله غالي
او خلونا نشتري ورق و نطبع و خذوا سعر رمزي لخدمه الطابعات بالجامعه !! اذا الجامعه يعني تبغى فلوس من وراء الطابعات
قبل شوي شفت رد الدكتور الغامدي عميد الكليه و حبيت انشره للاستفاده
Thank you for relating the problem. We have few students complained about the matter for few months now as well as I received a message from the Collector about this article. We have tried to work with a better solution without success. However now we have arranged with the Students Affairs to have the Students Funds Office accept payments from 8:00 am to 4:00 pm. They will issue a payment slip which the student deposit in a box anytime of the day. Certainly this is not a solution without difficulty, but we think it will ease the current situation.
الدكتور ما قصر و على الاقل عطانا وجه و الحقيقه هذي ماهي اول مره اتعامل معاه … هذي ثالث مره يعني الدعوه صارت واسطات
المهم … اي واحد عنده حل ممتاز ياليت يكتبه هنا و نقدر نرسل رساله ثانيه للدكتور ليشوف الحل … يمكن يناسب جميع الاطراف و نطلع بنتيجه…
…
و اوريه الجدول حقي و مضغوط من 8 الى 11 و من 2 الى 3:30 بشكل دايم … قال لي الحين ما اقدر … و انا اناظر شاشته و الاخ منبطح بالنت يطقطق و كأنه ما يدري ان الراتب بيكون حرام لأنه ما يشتغل بالدوام الرسمي … المهم … يمين شمال شمال يمين … قال مافي امل … و قلت له الزبده يعني ؟؟ (يعني السالفه وصلت حدها) قال شوف لك واحد يدفع عنك !! قلت بنفسي … مابقى اللا اطر العالم عشان يدفعون عني !! يعني الواحد يستحي شوي على وجهه !! و اطلع من مكتبه و ادور على واحد عنده ورق و اطبع اوراقي و المهم جيته ثاني يوم الساعه 3:10… “طلعت من كلاسي عشان خاطر بس اروح اشتري ورق” حشاااا مو ورق صار صك ملكيه 
و قلت له ابغى 100 ورقه … الرجال ناظر و قال طيب و اخلاقه كانت (***(سيئة)***) … كأنني اطر منه 10 ريالات … و عطيته 100 ريال … قال ما عندي صرف و قسم بربي ان الفلوس قدامه … يعني عنده صرف … لكن الموظف كان بجح بشكل غريب !! قلت له عطني الصرف اللي عندك و الباقي خله بالورق … يعني لو 300 ورقه عادي !! قال لي اسف … قلت بنفسي … بنفسي هذا شكله يبغاني اعطيه ريال عشان يوافق و بالنهايه مسكت اعصابي …و خذ لك اتصالات على الخلق اطر 10 ريالات عشان خاطر ورق … و يوم رجعت 3:25 للمكتب … لقيته طلع و راح بيتهم … يعني قبل نهايه الدوام بـ 35 دقيقه .!!! يعني مافي تسيب اكثر من كذا بجامعتنا !!!