السلام عليكم…
مساء الخير إخواني (الإليكتاريكاليين)
أرجو أن تكونوا بأطيب حال ومافيه شيء مكدر خواطركم، عشان أبيكم تقرون مشاركتي زين وتفيدوني جزاكم الله كل خير
مشاركتي أو استفساري هو كل الآتي:
أخوكم طالب فريشمان إن شاء الله مع نهاية السمستر أخلص مواد ال102 ، وأنتم عارفين ان التسجيل يبدأ الأسبوع الجاي إن شاء الله . مبدئياً قررت أنزل ICS 103 مع ماث201 في الصيف والفصل الجاي أنزل EE200 , EE201 , Math202 & IAS 222 ، فياأصحاب الخبرة والشأن وش رأيكم زين ولا أعدل مع العلم أنه أنا ممكن أخذ حتى 14 ساعة ، وفي نفس الوقت أكيد أبغاكم تشيرون علي بالمدرسين الأفضل لكل مادة لأني والله ماقدرت أفتح الملف حق التقييم، ومشكورين والله جزيل الشكر على خدماتكم.
السلام عليكم ورحمة الله
و حياك الله في قوافل "السفامور " الأبطال … >>> أمزح
بالنسبه لل ICS 103 الماده حلوه بس بفصل دراسي و ثقيله جدا مع الماث
أنا أنصحك أنك تاخذ بالصيف
CHEM 101
IAS211
أنا كذا سويت
ولا تسمع الكلام أن الأفرج حق الكمياء يكون عالي بالصيف يمكن أعلى 5% بس عن السميستر العادي و الكمياء الزين فيها أنها مترابطة من الأول إلى الأخر و الصيف سريع فما راح تضيع ( طبعاً لابين بالصيف ) و لا ب الكمياء حلو حيييييييييييل
بالنسبة للفصل الأول
نزل
EE201 + لاب
EE 200 + لاب
ICS 103 + لاب
IAS 322 أو IAS 201
MATH 201
هذي كذا 16 ساعه و كلها مواد زينه و راح تسنانس فيها جداً
و تكون خلصت 3 لابات في فصل واحد وهذا إنجاز
و على العموم شوف ملف التقيم و إذا ما فتح معك أرسل لي رساله على الإيميل
muaigeaf@hotmail.com
وأنا أرسله لك إن شاء الله
أخوك/ مهندس كهربائي 
هلا فيك اخوي
نصيحة استاذنا مهندس كهربائي لا يعلى عليها وانا متعود يسبقني بالكلام اللي ابي اقوله:)
ICS103 لا تاخذه بالصيف لان اللي يدرسونه بالصيف سيئيين اخذه السمتر اللي الجاي . مع العلم ان هالمادة سهله وممتعه جدا…
اما الدكاترة نعطيك انشالله العلم اذا نزل الجدول للسمتر الجاي وبالتوفيييييييق انشالله
لكم تحياتي
الصراحة الاخوان ما قصروا بس انا أبي أضيف شيء بالنسبة للــ ICS103 اذا حصلت KHAN,R لا تأخذ إلا عنده أحسن لك
وتراه الكوردينيتر ((شرحه لا يعلى عليه))
بس لا تنغش في مدرسين ال ICS ترى معظمهم أساميهم KHAN
والسلام عليكم ورحمة الله وبركاته
جزاكم الله خير والله ماقصرتوا بس عندي استفسار _وأرجوكم تطولون بالكم علي_.
_بالنسبة لكلام اخوي مهندس كهربائي_ يعني ماتظنون أنها كثيرة ICS, EE200 ,EE201& Math201 أنا أقول كذا لأني ماأعرف وش طبيعة ذي المواد خصوصا الEE (ماأدري وش وراها ) يعني بطريقة أخرى كم تحتاج كل مادة من المذاكرة يومياً ( ساعة ، ولا نص أو ساعتين ) لأن كل واحد وله طاقة وشاكر لكم فزعتكم وعسى الله يوفقكم ، ومانستغني عن توجيهاتكم ونصائحكم.
انا المواد هذي خذيتها بسمستر واحد وكان زيادة معاها IAS 201 +1AS 211 بس بدل ماث 201 كنت منزله ماث 202 . كان الوضع ماكذب عليك صعب وصعب حيل بس صدقني اخوي اذا انت خاطرك تدرس ومتحمس ماكو شي راح يكون صعب خاصة ان هذي المواد يعني مقدمة في اغلبها ومافيها مواضيع معقدة ودسمة. انت توكل على الله ونزلهم وانشالله بالتوفيق
اخوك/logic-man
أشكرك عزيزي logic-man على تجاوبك ونصائحك.
بس والله جاء على بالي شيء ثاني _ معليش دوختكم معي_
وش رايكم لو كان في الصيف EE 201 , IAS & PE والفصل الجاي إن شاء الله يكون EE 200 , Math 201 , ICS 103 , ME & IAS كذا زين ولا أول أحسن. ومرة ثانية ياليت تقدرون وقت المذاكرة اليومية لكل مادة ( للطالب العادي )،وعسى الله يوفقك ويحقق لكم ماتمنون.
السلام عليكم ورحمه الله …
أخوي (فلان ) مع إن السؤال موجه إلى (logic-man ) بس أنا ودي أشارك
بالنسبه ل(EE201) بالصيف … أقول لاتنزلها بالصيف لأن هذي المادة ““بالذات”” ما أبالغ إذا قلت إنها أهم مادة في الهندسة الكهربائية …
والصيف 8 أسابيع يعني المادة راح تنسلق سلق … ( رأيي الشخصي )
شف إذا مداك تنزل EE200 بالصيف ممتاز ( وما أتوقع ينزلوها بالصيف )
و إذا ما نزلوا EE200 خذ
MATH
و IAS
و PE
هذي 6 ساعات و الشغل راح يكون في الماث
و السمستر الأول
خذ
MATH
EE201
EE200
IAS
ICS
و بالنسبة ل EE200 الماده أولها سهل و يبدأ التعقيد آخر السمستر بس تراها بصراحه ( مادة قريد ) و سهله نوعاً ما
و هي تتكلم عن (logic gate ) و فيها لا
و دوائر الديجيتل و كتابها سهل و مفهوم و غالبا اسئلة الدكاتره ما تطلع من الواجبات
بالنسبة ل EE201 هي أهم مادة في الكهرب و هي تتكلم عن حل الدوائر الكهربائية و فيها لاب و الحلو فيها كل ما تحل دوائر يزداد فهمك و العكس بالعكس يعني المادة يبليها متابعة أول بأول
بالنسبة ل ICS103 وهي مادة برمجه ++C و أيضا سهله حيل إذا أخذتها عن KHAN,R ( مثل كلام الأخ logic -man) و أنا أقول إذا طلعت فيها أقل من +B مالك داعي لأنها سهله
خلاصه / السفامور أول فصل هي فرصتك لرفع المعدل بشكل كبير جداً … بس أهم شي أنك تعزم النية وتوكل على الله
أخوك/ مهندس كهربائي
أويّد نصائح مهندس كهربائي
مع احترامي للجميع
ماقصر مهندسنا الكهربائي يعطيه العافية …
اهم شي EE201 لا تاخذها في الصيف مثل ماقال …
لانها اهم مادة في تخصصنا …
يعني لابد تهضمها هضم …
وبالنسبة للصيف …
ليش ما تاخذ CHEM101 و معاها IAS
انا سويت كذا … لاني ما احب اخذ مواد تخصص في الصيف
مشكورين وماقصرتوا، و الله يوفقكم دنيا و آخرة
بس المدرسين من تنصحون أنزل عنده ؟
بالنسبة للمدرسين فهذا انا انصحك ب :
EE201 عندك راغب او عبيدو ( انا اخذت عن الاخضر شرحه مش ولابد)
EE200 عندك راغب او داوود ( اخذته عن داوود وكان ممتاز جدا) .
MATH201 راح ارتبهم لك حسب الافضليه: اسلم شودري, اقبال,مسلماني او الجبيلي.
IAS201 عنداسامة الملا او العساف
IAS211 ماعرف احد من الموجودين بس اذا كان عندك IAS322 خذه عند سعيد القحطاني.
ICS103 خان ولا غير خان اذا كنت تبي تفهم وترىاذا فهمتها راح تحل حتى لو اسئلته صعبة.
اتمنى الله يوفقك انشالله وواصل على اهتمامك وانشالله بتشوف منا التعاون قدر المستطاع:)
اخوك/logic-man
مشكورين على تعاونكم والله يعطيكم العافية