السلام عليكم ورحمة الله وبركاته
أنا طالب في السنه التحضيريه وودي في استشارتكم
في الالتحاق بهذا التخصص واشوف اراكم الشخصيه
ومجاوبة بعض تساؤلاتي
هل يحتاج ان يكون عندي خلفيه قويه في الكمبيوتر ؟ إلى أي مدى ؟ أمثله ؟
هل تمدحون المدرسين والقسم ؟
هل المواد ممله ام مشوقه ؟
ودي اشوف اراكم الشخصيه ( اكثر من رأي )
واكون مقدر لكم جدا جدا
لاتطولون بالرد
بالبدايه انا انسان محبط من قسمنا فلا تاخذ رايي على محمل الجد بشكل كبير …
1- بالنسبه للخلفيه … اذكر باول كورس علمونا كيف نشغل و نطفي الاجهزه و نستخدم الـ Floppy Disk لأن في ناس ما استعملت كمبيوتر قبل كذا 
ما يحتاج تعرف كثير عن الكمبيوتر… و راح تكتشفت ان المدرسين ما يعرفون شئ من الاساس
2- و الله نظرتي للقسم سئيه لكن راح يغيرون المناهج عن قريب مثل تغيير مواد ICS251 و ICS252 و الخ… اتوقع راح تكون المناهج افضل للطلاب الجدد … بالنسبه للدكاتره … اول ما تدخل القسم، راح تلاحظ انك بفرع جامعه نيودلهي … كل ابوهم هنود و اكثرهم ماستر (يعني مو دكاتره) و راح تكتشف مع مرور الايام ان اكثر تخصصاتهم (البكالريوس هي EE, Civil الخ الخ و ماخذين الماستر عندنا) يعني ماني عارف كيف واحد civil يدرسني CS
3- بعضها ممله (لكن مهمه) و بعضها مشوقه … حسب نظره الطالب لنفس الماده
و استخير ربك و الله يوفقك 
شكرا دكتور على مشاركتك الطيبه
وانا محتار لان حدى اشغل واحرق واركب برامج واحذف (
مستخدم عادي ) واخاف يدوسوني الدوافير
بس في توقيعك مافهمت ليه قارنت ICS بــ CE
لالالا … استخدام البرامج و الخ… هذي اشياء برااا التخصص . كثير ناس تتوقع ان تخصصنا مثل كذا …
تخصصنا بعيد كل البعد عن هذي الامور
و على فكره … عندنا هنود و باكستانيه و مصاريه و سواريه (ناس تاكل الاخضر و اليابس)
انا ذكرت CS مو CE…
“CS” الاختصار الجديد للتخصص بدل الـ “ICS”
تخصصنا بعيد كل البعد عن هذي الامور quote
طيب فهمني الله يسلمك
شوف … يمكن ما اقدر افهمك بالشكل المطلوب لكن تقدر تاخذ كلامي و تسال غيري … ويمكن يفهمك اكثر
اول شئ تخصصنا ماهو برامج و انترنت و خرابيط … كثير من العيال على بالهم التخصص يركب برامج و يسوي فورمات للجهاز و يصمم له موقع بالـ FrontPage و يفكر انه بيل قيتس العرب على غفله
تخصصنا فيه عده امور … منها لغات البرمجه و هي انك تبرمج برامج بكافه اشكالها… و في عندك عده مواضيع منها: الشبكات و نظم التشغيل و قواعد البيانات و شويه مواد نظريه مثل 251,252,313,353 … يعني هذي فيها الفهم و الحفظ و كلها نظريات…
على فكره لازم تكون شاطر بالرياضيات عشان تقدر تكمل المشوار بدون تعب
و المواد مبنيه فوق بعض … يعين لو فرضاً تجيب العيد بالـ 102 … راح تتعب عشان تفهم الـ 201 و نفس الطريقه للـ 202…
تقدر تدخل على موقع الكليه http://www.ccse.kfupm.edu.sa و تشوف المواد اللي ندرسها و على فكره … عندهم قسم عربي عشان اذا تستوعب اكثر و اكثر
و بالتوفيق