السلام عليكم ورحمة الله وبركاته. حبايبي هذي اول مرة أشارك فيها في هذا المنتدى الرائع و الجميل. عشان كذا لا تخيبوا ظني فيكم
نخش في الموضوع مباشرة شباب انا والله محتار بالمرة لدرجة اني بأجن!!
بصراحة انا محتار ادخل جامعة الملك فهد للبترول والمعادن والا لا . طبعا كلكم يسأل منهو ذا الخبل اللي ما يخش جامعة المستقبل؟
لكني محتار لأني ولله الحمد اليوم تم قبولي في كلية الطب في جامعة الملك سعود. فما أدري وش الافضل خصوصا اني ساكن في الرياض؟
((طب--------------- او--------------- جامعة الملك فهد.))
مع العلم انو مستواي جدا كويس في الرياضيات والفيزياء
والانجليزي (يمش الحال)
زبدة الموضوع اين اجد المستقبل الواعد كوني طبيب أو مهندس كهربائي.ميكانيكي…الخ
(وقدر الله فوق كل شي)
امل من اي واحد له راي او نصيحة في موضوعي انه ما يبخل علي .
شاكر لكم اتاحة الفرصة وعسى الله يوفقكم لدروب الخير
اختيارك يتوقف على طبيعتك
هل تستطيع تحمل الوحده والعزوبيه؟
هل انت قادر على ضبط نفسك وعدم الانفلات؟ لان كثير من الشباب تدهوروا في الجامعه ليس لغبائهم وانما لانهم كانوا مربوطين عند اهاليهم وجو هنا انفلتوا
انت ماتدري فين الله كاتب لك الخير؟ فين ممكن تقدر تخدم نفسك وتخدم بلدك اكثر؟ لذلك انصحك بان تستشير وتستخير انت فعلت الاولى فافعل الثانيه
(ماخاب من استخار وما ندم من استشار)
جامعتنا فيها من المميازات الكثير لمن يعلم كيف يستغلها وهي تجربه كبيره قادره على تغيير حياتك رأسا على عقب ولكن التميز الدراسي وحده لايكفي
من وجهة نظري انا انصحك اذا كانوا اهلك في الرياض وكنت ماتحب البهدله انك تدرس في سعود اما اذا كنت والله من الناس اللي ماتفرق عنده اكل بيت ولا اكل مطاعم , ملابس نظبفه ولا وسخه , …
الله يحييك في جامعة الفهد
لان طريقة حياتك في الجامعه وانعكاساتها على شخصيتك وتصرفاتك لها اثر كبير على مستقبلك الدلراسي
أول شي : ما خاب من استشار (و أحلى استشارة استخارة الله عز و جل)
ثاني شي : أجب على الأسئلة التالية :
1- هل تستطيع على الغربة ؟
2- هل تستطيع أن تؤقلم نفسك للعيش مع شخص في غرفة واحده ؟
3- هل أنت من الطلاب الدوافير (اللي يذاكرون كثير)؟
4- هل أنت من الناس المفلوتين (داشرين)؟
5- هل تستطيع أن ترى جثة أمامك ؟
6- هل ثلث عقلك جا و جتا (ان كنت تبي هندسة )؟
في أسئلة كثير بس ما أبي أطول عليك
و بصراحه أهم شيء أن تضمن أن تكمل في الجامعه لأنه في ناس كثير يدخلون أول سنة ومن ثم ينطردون أو ثاني سنة و هكذا ، طبعا علم الغيب عند الله و لكن يجب أن نأخد بالأسباب
المميزات التي تحصل عليها هنا غير الدراسة هي الغربة و الوحده وهذه الاثنتين تعلمك أمورا كثيره في الحياه أولها الإعتماد على االنفس
و لن أطيل عليك ، أنظر ميولك الى أين (هندسة أم طب) و إستخر ربك و استشر ذوي العلم و الخبرة من الأهل و الأقارب
و اتخذ قرارك بناءا على شخصك أنت ولا تدع أحد يتخذ القرار عنك
الشكر موصول للإخوان:
(The_Unexpected )
( غزل القصيد)
( TheCollector )
(غزل القصيد)
(والإرهابي)
على مشاركاتهم الايجابية . ولكم مني الدعاء…
v
v
v
v
v
v
v
v
تدرون يا جماعة الخير وش صارلي قبل ليلة اختبار البترول رام2؟
كنت محتار اروح للإختبار ولا لا ؟
مرة اقول لا ومرة اقول ايه … ايه …لا …ايه … لا
طار النوم عني ذاك اليوم وخلاص قررت اني أبختبر إحتياطا عشان لو هونت عن الطب !
الين ما دخلت علي امي بالغرفة واشارت علي بالاستخارة.
وفعلا استخرت وقتها ما حسيت بأي شي إلا أني وكلت أمري لله
لكن لازالت الحيرة تراودني .لأني أخاف افتح على نفسي باب جديد للحيرة بعدما انقبل .
وفي نفس الشي انا بطبعي ما أحب اضيع الفرصة من أمامي كانت تراودني أفكار “ترا ممكن تهون عن الطب وتتوهق ومن ذي الافكار”
وراح الليييييييييل وانا على الفراش والعين عييا لا يجيها النوم…وفجأة نمت بدون أي مقدمات.
=======================
================
===========
=======
ولما قمت الصباح (يوم الختبار)…
وبعد ما استعديت للإختبار من تجميع الاوراق والتشييك على موقع الإختبار حسيت باحساس غريب وواضح…
شي…يقلل من رغبة الذهاب للاختبار . إلا يكرهني … ليه؟ مدري!!
والشعور يزيد شيئا فشيئا…
إلى أن حسمت الموضوع بشجاعة (لم أعهدها على نفسي) وقلت يالله تكتب لي الخيييييييرة. وفصخت الملابس ورميتها بتهور وانا أردد:
“بلا اختبار… بلا…فتاق”
ورحت للفراش وانا ماشوف الدرب وأصقعها نومة مابعدها…
====================================
لنا توصلنا معكم ان شاء الله… بالتوفيق
رغم اننا نتمنا امثالك معنا في الجامعه الا انه اذا كان الامر كما صورته انت وكما حدث معك
حط في بطنك بطيخه صيفي وادخل طب لان الخيره في ما اختاره الله واتمنى انك تلتقي باخوي الصغير لانه دخل طب في سعود السنه هذي مثلك تماما ولكن الفرق انه هو كان مايفكر اساسا في الابتعاد عن الاهل مو وجه بهدله
