يعرف الكل ان الازدحام في مواقف الملعب يبدأ من الساعة 8 و يبلغ ذروته في الفترة ما بين 10-11 صباحاً ، عند فترة الغداء يبدأ يتناقص تدريجياً إلى العصر
للأسف اليوم الساعة 10 يالله لقيت موقف لسيارتي في طرف المواقف ، الله يستر لا يجي يوم يضطرون فيه الشباب يوقفون سياراتهم عند مستودع الكتب
يعني أمس كنا نوقف عند 24 و حتى كنا نوقف أحياناً أمام الجيم بدون أي مشاكل ، الآن مواقف 24 نعمة لو تلقى رصيف فاضي توقف فوقه !! و ما عاد لنا ملاذ غير الملعب و خط الباصات اللي ما يسمح تتأخر لما بعد الساعة 4 في المباني الأكاديمية ، و فوق هذا حتى هذي المواقف صارت بالكاد تتسع لسيارتنا
نرجو ممن يقرأ هذا الموضوع من المسؤولين ان يوسعوا لنا في المواقف المجاورة المحاطة بالحواجز الحمراء حتى يستفيد منها الطلاب بدلاً من تركها شاغرة بلا فائدة
و في الوقت الحاضر انصح كل طالب يشوف له خوي من نفس المنطقة السكنية و جداولهم متقاربة بحيث يحضرون سوا و يمشون سوا ، لو طبق العملية هذي جميع الطلاب كان صارت نص المواقف فاضية ، و لو زاد العدد في السيارة الوحدة الى 3 او 4 كان بيحل المشكلة بشكل أفضل و أفضل ، و بالامكان التنسيق و الترتيب في العملية بحيث يكون على كل فرد في المجموعة ان يوصل بقية زملائه خلال الاسبوع الحالي ، و الاسبوع اللي يليه يوصلهم واحد ثاني و على هذا المنوال ، منها توفير مواقف ، و منها توفير وقود ، و منها أجر لو احتسبته عند الله ، بس الموضوع يحتاج تعاون و وعي بين الشباب
هذي على فكرة إحدى أهم مشاكل ازدحام وسائل المواصلات عندنا في السعودية ، كل انسان بالغ يركب سيارة لحاله و يروح دوامه ، حاول في يوم و انت واقف عند اشارة تحصي عدد السعوديين اللي يركبون سوا في سيارة واحدة ، و قارنه بعدد العرب من الجنسيات الثانية و الاجانب ، و بالضبط مثل ما قلت عن الموقف لو كل اثنين ركبوا سوا في سيارة وحدة كان انخفضت الزحمة لنصف ما هي عليه الآن ، أتمنى لو يعكس كل طالب عن جامعته صورة إيجابية و يتصرف بشكل متحضر في جميع صور حياته
اخي الكريم
TheFreshPrince
اهلا بك أولا
ثاني
قضية الزحمة قضية متفق عليها من كل الطلاب ولا أحد يقول غير كذا لكن لو انك حضرت اللقاء الاخير مع مدير الجامعة كان سمعت كلام يسرك!!
قال مديرنا الغالي أنه سوف يتم انشاء مواقف جديدة تتسع لما يقارب 1500سيارة (ان ما خاب ظني) …تعرف فين مكانها ؟؟؟
في البرحة الكبيرة بين الملعب الأخضر(الاقديم) و الحزام يعني لمن تدخل الجامعة راح يكون فيه طريق أمامي (سيدا) يدخلك على المواقف (هذا الي فهمته) لكن لازم ننتظر لين يسوها…
اما عن فكرة ان الي يطلع يشيل معاه زملائه فهي فكرة ممتازة و أنا أسويها بعض الاحيان واشكرك على ذكرها و اتمنى من الشباب تجربتها …
شف وضع الباصات بالاستيديوم , الساعة 9 بالتحديد !!! , قسم بالله وضع مزري , مضاربات على الباص , والمشكلة مافي غيره , صحيح بعض الأيام يجي أكثر من باص , بس الطلاب كثيرين مايكفيهم ولا ثلاث باصات
نصيحة لك , لاعمرك تخلي جدولك يبدأ عقب الساعة ثمانية , طول السمسترات الي راحت أوقف بمواقف 22 بالصف الأول بعد , بس هالسمستر صرت أبدأ 9
يا شباب انا معكم ان المواقف زحمه وماتكفي السيارات … لكن ليه نعتمد على السياره بس ؟؟ يا اخوان صدقوني المسافه بين السكن والمباني الاكاديميه ماتجي واحد كيلو … ليه مانمشي ؟؟
ساعات لما اشوف مدرسين الانقليزي للأوريا يمشون على الحزام على رجلينهم وتلاقي الواحد عمره فوق الستين اقول والله مو حنا … الواحد مابعد تعدى 25 ولازم سياره لو المسافه ماتستحق … انا مادري ليه العجز هذا فينا
كلام الأخ صروح هو عين العقل …
يا جماعة الخير , الله خلق لنا رجول عشان نستفيد منها …
أما بالنسبة لحرارة الجو فأعتقد أنه المشي مقبول نوعا ما …إلا بالترم الصيفي ( الترم الصيفي فعلا حار ) أما غيره من الأترام فأنا أقترح إقتراح أخونا صروح وهو أنه الي ساكن داخل الجامعة يستخدم رجوله .
، أتمنى لو يعكس كل طالب عن جامعته صورة إيجابية و يتصرف بشكل متحضر في جميع صور حياته
, مضاربات على الباص , والمشكلة مافي غيره , صحيح بعض الأيام يجي أكثر من باص , بس الطلاب كثيرين مايكفيهم ولا ثلاث باصات