سعود و مفتاح الغرفة ؟!؟!؟!؟!
بسم اللـه الرحمن الرحيم
و الصلاة و السلام على أشرف الأنبياء و المرسلين
أخواني الأوريات و الفريشمن و الجونير و السينير و المعيدين … الخ
السلام عليكم
أود أن أطرح في هذا الموضع مشكلة مفاتيح الأبواب حقت سكن الطلاب
و سوف أستعرض لكم سيناريو محتمل لما يمكن أن يحصل و عواقبه .
====================================
في يوم خميس من أيام فصل الشتاء ،،،
الوقت السادسة مساء (( بداية البرودة )) ،،،
في أحدى الغرف السكنية طالب أوريا <==( مو إستهزاء بالأوريا بس لأن أغلبهم يجهل قوانين الجامعة) أسمه سعود يذاكر لإختبار معين في مادة معينة ،،،
قبل الإختبار بساعتين تقريبا حب سعود أنه يطلع يتروش و أخذ معاه مفتاح الغرفة و قفلها و راح توكل (( اللـه يعزكم )) على دورة المياه ،،،
بعد ما تروش سعود لف الفوطة أو الروب على جسمه ،،،
طلع من دورة المياه و دخل المفتاح في القفل و …
انكسر المفتاح
أخونا في اللـه ((سعود)) صار شكله كذا |6| 
:eek:
يا واد إيش الحل إيش الدبرة مو عارف ش يسوي و الإختبار بعد ساعة و نص ،،،
قال ما يحلها لي إلى رجال الأمن البواسل |3| |3| |3| ،،،
بس المشكلة كيف ياصلهم ما لها إلا التلفون ،،،
دار العمارة كلها ما حصل ولا سماعة حتى ،،،
فكر سعود بحل ثاني ،،،
قال بروح لجيراني يمكن عندهم تلفون ،،،
دق الباب محد رد ،،،
الباب اللي بعده محد يرد ،،،
و بعد أكثر من باب حصل واحد عنده تلفون (( الحمد للـه 
)) ،،،
دق على الإستعلامات و خذا منهم رقم الأمن ،،،
سعود : السلام عليكم ،،،
الأمن : هلا ؟!!؟!؟!؟!!!؟!؟!؟!
سعود : أنا قفلت على الغرفة و المفتاح إنكسر و مو عارف كيف أدخل ؟؟؟
الأمن : طيب أخوي تعال لمكتبنا و عب طلب و نرسلك واحد يفتح الباب ،،،
سعود : بس أخوي أنتم بعيدين وشلون أجيكم ؟؟؟
الأمن : تصرف، أنت رجال الحين، بكرا بتواجه مواقف أصعب من كذا !!!
سعود : طيب الشكوى للـه (( همه الإختبار عشان كذا مشاها )) ،،،
============================
بين اللاينات يشاهد الناس منظرا غريبا شخص عاري الصدر لا يغطي عورته سوى (( فوطة )) تقذفها الرياح و الشخص يحاول إمساكها بشدة ،،،
هناك من يقول : من هذا المتخلف ؟؟؟
و آخر : شكله متحدي مع واحد إنه يتروش و يطلع بعز هالبرد !!!
و آخر (( معقد )) : شكله أوريا لا تشره عليه ؟!؟!؟!
بينما سعود مسكين ،،،
يرتجف من شدة البرد و كل همه الآن : الفوطة لا تطير !!!
وصل سعود ظافرا مظفرا إلى مكتب الأمن ،،،
سعود : الــ … كح كح … سلام عـ … آآآآآآآآتشوووووووو … عليكم ،،،
الأمن : سلامات ،،،
سعود : أنا كلمتكم قبل شوي بخصوص الغرفة و إن مفتاحي إنكسر ،،،
الأمن : طيب طيب ، ممكن الـ آي دي !!!!
سعود : !!!!!!!!!!!!!!!!!!!!!!!!!!!!!!!!!!!!!!!!
الأمن : أخوي، ممكن الـ آي دي <== ( ملزم ما شاء اللـه عليه ) ،،،
سعود : مو معاي ،،،
الأمن : طيب كم رقم غرفتك؟؟ و في أي عمارة ؟؟؟
سعود : غرفة ### عمارة ## ،،،
الأمن : طيب خلاص رح أستنى عند الغرفة و بيجيك واحد يفتحلك الباب ،،،
سعود : بس ؟!؟!؟!؟! الحين داعيني من هناك و ماشي بين اللاينات بعز البرد كني بسباق تحمل و ما خذيت مني إلا رقم الغرفة و العمارة ؟!؟!؟!؟!
الأمن : النظام نظام ،،،
سعود يقول في نفسه : لا حول ولا قوة إلا باللـه، أنا وش يرجعني الحين للعمارة بعز هالبرد ؟؟؟
الأمن : وش فيك أخوي ؟؟؟
سعود : طيب ممكن طلب ، أنتظر عندكم هنا لين ما يجي اللي بيفتحلي الباب و يرقيني معه ،،،
الأمن : طيب أنتظر هنا ،،،
سعود : مشكور ،،،
=========================
كركركركركركركركركركركركرررررررررررررررررررر
صوت جيب اللـه العالم إنه من مخلفات أرامكو زيه زي اللاينات ،،،
طوووووووووط طووووووووووط ،،،
الأمن اللي بالجيب يدق بوري للأمن اللي داخل الغرفة علشان يفتح البوابة ،،،
دخل الأمن و أخذ سعود ،،،
طبعا ما شاء اللـه تبارك اللـه الأمن واثق من قيادته ،،،
لا حزام و قاعد يكلم جوال و السرعة بس بس 80 ،،،
وصلوا الغرفة أخيرا ،،،
الأمن طالع للباب و قال : المفتاح مكسور داخل القفل ؟؟؟
سعود : (( بكل برااااائة )) أدري ،،،
الأمن : وليش ما علمتنا ؟!؟!؟!
سعود : قلتلكم المفتاح إنكسر ،،،
الأمن : بس ما قلتلنا إن المفتاح مكسور جوا القفل ؟؟؟ اللـه يهديك ضيعت وقتنا عالفاضي ،،،
سعود : و الحل (( مسكين ما بقى عالإختبار إلى ساعة إلا ربع ))؟؟؟
الأمن : هذا مو من اختصاصنا ،، هذا اختصاص الصيانة ،،،
================================
طبعا المسكين سعود راح لم جيرانهم اللي حصل عندهم التفلون و شرحلهم المشلكة و جزاهم اللـه كل خير أعطوه ملابس و راح للإختبار و جاب العيد ،،،
بالنسبة وشلون فتح الباب هذي راح أقولها لكم في جزء آخر إذا وجدت التفاعل المطلوب و المنشود في هذا الموضوع ،،،
================================
هذه القصة بعض أحداثها حصلت لي شخصيا و البعض الآخر مجرد إضافات لعمل سيناريو و تستلسل محتمل للأحداث ،،،
طبعا القصة فيها مشاكل عديدة و سلبيات للجامعة كثيرة ،،،
أتمنى من كل قلبي أن تصل هذه المشاكل و السلبيات إلى المسؤولين لحلها و تذليل الصعاب التي تواجه الطالب في مثل هذه الحالات ،،،
================================
على فكرة ،،،
سعود هذا شخصية وهمية ،،،
علشان ما تفكرون من اللي اسمه سعود و ساكن في العماير ؟؟؟
و السلام عليكم و رحمة اللـه و بركاته ،،،
أخوكم … مستقيل
