يااخوان شكلي استعجلت ونزلت مع هالدكتور … كنت منزنق بالجدول ولا حضرت بحث عن المدرسين … لقيت الأمين سويت بحث عنه بالمنتدى … شف أول رد مدحه نزلت معه … << تعرف الربشه تسوي أكثر :s
لكن للتو قرأت باقي الردود … تفاجأت!!
بغيت اسأل … ماهي طبيعة عربي 101 ؟ و المواضيع اللي يتناوله الكورس ؟
مع العلم اني الحمد لله باللغة امشي حالي
عربي 101 نحو …
والدكتور الأمين اختباراته كلها اختيارات … وأسهل نسبيا من باقي الدكاترة…
إذا أنت كويس في الإعراب… راح تطلع من عنده بقريد عالي … بس لا تغيب وإذا طلب منك تكتب شي لا تسحب… علما بأنه ما يطلب شي كثير في السمستر العادي … يعني يمكن 3 أو 4 مشاركات طول السمستر…
ما أنصحك تغيره 
…
الله يجزاك خير أخوي … وسعت صدري بردك الله يوسع عليك
يا شباب الدكتور انسان فاضل وعالم ومكتبه لغويه تمشي على الأرض …
لكن هذا لا يعني أنه جيد من ناحية الشرح …
أنا اخذت معاه 101 والللله العظيم الاختبار في جهة وهو في جهة …
لا تقول عربي بسيط … ياخي بسيط عليك انت … وأنا؟؟
كثير ناس يدخلون صفحة التقييم هذي وينخدعون و أنا منهم …
مدح مدح مدح …
تمدحه على شخصيته ؟؟
أنا وش دخلني ؟؟
^^^^
صدقت … الدكتور الأمين شخصية غنية عن التعريف في كل شي ما عدا الشرح …
وعلى فكره … يزود قريد لكل طالب
و الله خوفتونا يا شباب من ناحية القريد
ما ازيد على كلام الاخوان شي
حصته عن جد ممتعة
و شرحه حلو و خفيف و ما يغثك به
حتى اني اذكر ان الميدتيرم كان بيس اوف كيك بالنسبة حق اسئلته الي يسالها في الكلاس 
بس شباب كيف قريداته في 101 اقدر اطلع عنده باي بلس >>> لازم اجيبها عشان تمسك الافرج و الا الانجلش و الفيزيكس بيطيحونه 
بصراحة اسهل اختبارات واجهتني اختبارات الدكتور الامين المبارك
وانا بصراحة دلخ في النحو والقواعد واعاني منها من الابتدائي
بس اختبارات الدكتور اللي يعتبرها صعبة احدى الامرين:
اما انه ما ذاكر ويبي يعتمد على ذاكرته
او بصراحة انه هالانسان لا يفقه شئ في اللغة
اذكر مرة جاب لنا سؤال مكتوب فيه اذكر الحركة التي يجب ان توضع فوق آخر الكلمة (والكلمة من النص والحركة عليها جاهزة مجهزة) يعني اي حمار راح يعرف الحركة
في اسهل من كذا؟؟؟؟
انا مو حابب اضيف شي الشباب قالوا كل الكلام … بس الزيادة انه يدف بالقريد صراحة انا نزلت معاه و رفعني جريد … عشان شفت الكل يقول ما يدف بس هو صراحة انا دفني
انسان قمة في الاخلاق
والله يمر الكلاس ماتحس فيه كله ضحك وسوالف
احضر الكلاسات وحاول لاتغيب تاخذ العشرين - درجة المشاركة - سلام سلام
الزبده بطللللللللللللللللللل
درجات المشاركه في جيبك اذا ماغبت
الشباب كفوا ووفوا في التقيم لكن انا عني اضافه
لا تفوتون الدكتور دا اتوقع هوا الاحسن من بين دكاترة العربي 101
مدرس حلو من ناحية أنك تنبسط وقت الكلاس أما في الشرح مع أحترامي الشديد , كما دخلت الترم هذا خرجت في العربي.
نقطة ثانية ماعجبتني منه , ان كل ميك اب تعمله مايسجلك حاضر يسجلك متأخر , وماتكلم انه بيسوي كذا الا في اواخر الكلاسات , مع العلم انو كان يمديني احضر في نفس وقت كلاسي . وطارت درجتين من المشاركة على الموضوع هذا .
في الختام لو كنت جيد في العربي نزل عنده اقلها تنبسط وقت الكلاس اما اذ كنت من جبنها اشرد منه وريح بالك.
^^^^^
نفس الكلام
إذا انت جيد في العربي نزل عنده اما إذا انت فاشل في العربي إنحش
انا اول اسبوعين على بالي مافي درس لانه طول الوقت قاعد يقول لنا قصص
بعدين إكتشفت انو بدينا في الدروس وخلصنا .
الدكتور اخلاق اتعب والله وينبح صوتي وانا اقول اخلاق وحبيب جدا جداجدا
بس صراحة شرحه لك عليه مايجهزك للمياجر والفاينل تحسب على شرحه ان الاختبار سهالات ولكن هو في الحقيقة صعبه وفية تركات (كومون)
أما الكتاب فهو سيئ ياخي مافيه امثلة محلوله لا والمحلوله تجيك سهلة جدا
والدرس كنه صك من صكوك الأراضي ترتيبه تعبان
بس والله الحصة مع الدكتور متعة شعر وقصص ووعظ ونصايح وضحك
لله درك يادكتور كم احبك في الله
القريد النهائي
الأخلاق = اي بلس بلس بلس بلس
الشرح = بي مينس
وش وضعه مع التاخير ؟ لو كل مره اتاخر 10 دقايق بالكثير ؟
الدكتور الأمين 
التحضير : يوميا … أحيانا في البداية , أحيانا في النصف
طريقة الشرح : عبر الكومبيوتر والسلايدات
الكويزات : ما فيه
المياجر: كومن
الفاينلات : كومن
القريد النهائي: B
الصوت: واضح جدا
إضافات : مثل ما قال أغلب الشباب … الاستاذ طيب وحبوب وأخلاق … ومعلوماته واااسعه … بس ما تحس أنك تستفيد منه في الشرح … عن نفسي كان مستواي جيد في العربي … وإلا لو أني معتمد على الدكتور … كان رحت فيها … إذا مستواك جيد وودك كلاس العربي يروح بسرعه … خذ عنده لأن وياه ما تحس بالوقت … أما إذا مستواك رايح فيها … ابعد عنه لا تتوهق فيه
دكتووووووور مررررررررررررررة بطل جدا جدا
والله لو اتكلم من اليوم الى بكرة ماوفيت حقو صرااحة… نزل ولن تندم باذن الله
الدكتور من أفضل الدكاترة اللي رموا علي علم وأخلاق راقية جدا
محاضرته كانت ممتعة جدا وتحس انه شخص يعشق دينه وأمته
التحضير سهالااااااااااااااات
الصوت واضح
إذا كنت قوي في اللغة نزل عنده أما إذا كنت ضعيف فلا تنزل عنده لانه الدكتور يهتم بالادب ولا يلتزم بالمنهج المطلوب
الله يذكره بالخير يا رب
د.الأمين المبارك…
إن كنت تبحث عن المتعة, فهو ممتع
وإن كنت تبحث عن فهم المادة , تفهم لكن تحتاج تشتغل على نفسك أكثر
وإن كنت تبحث عن روعة اللغة والأدب ,فهو كذلك
وإن كنت لا تريد أن تندم على فوات المتعة والدرجة…فخذ مع الأمين ولن تندم إن شاء الله
القريد النهائي…a+
التحضير : ينادي بالاسماء
طريقة الشرح : الشرح عادي يتكلم عن الموضوع وبعض الاوقات يشغل البروجكتور ويشرح على الوورد
الكويزات :لا يوجد
المياجر:كومن
الفاينلات :كومن
القريد النهائي: C
الصوت: واضح
إضافات : الدكتور مهو معطي الماده حقها, الكلاس كل سواليف وقصص.
الخلاصه: اذا كنت ضعيف في النحو لا تنزل عنده