صباح/مساء الخير
قررت احذف الترم وبغيت استفسار عن الامور المترتبه على حذف الترم؟!!
يعني بخصوص
تنزيل المواد لـ ترم 82
المكافئه
ماذا عن السكن؟!!
أمور ممكن تخفى عن الطالب اللي يحذف الترم؟
شباب تكفون…اللي عنده معلومات ما يبخل علينا
وبالتوفيق لكل الطلاب في هالترم والله يبعد عنكم قرار حذف الترم
ومضة:
الى متى والفشل حليفي الدائم؟!!
يسمح للطالب بحذف ترم واحد بدون إعادة قبول…إذا حذف بعد هذا الترم يتوجب عليه الدخول في معمعة إعادة القبول
لحذف الترم تروح مبنى شؤون الطلاب…تاخذ ورقة إخلاء طرف…الورقة هذي تطلب توقيع من كل قسم من اقسام الجامعة (المكتبة-صندوق الطلاب-القسم حقك-الكلية التابع لها قسمك-إدارة الأمن والسلامة-الإسكان…إلخ)
طبعا يجب عليك سداد كل المستحقات لصندوق الطلاب سواء كان سكن او قرض او سلفة
المكافأة لاتقطع عنك…المكافاة لا تقطع إلا اذا نزل المعدل الإجمالي -الcomulaitve- عن 1,8 أو 1,7
بالنسبة للسكن انا مو ساكن في الجماعة لكن أتوقع بتشيل اغراضك معك ثم تقدم على سكن جديد السمستر الجاي
بالنسبة للتسجيل ما بيتأثر اي شي وتسجل معنا عادي بما انه حالتك تعتبر -طالب فعال- في الجامعة…لكن اذا لا قدر الله قررت تحذف سمستر ثاني بعد كذا لازم تنتظر الى بعد إعادة قبولك ويتأخر تسجيلك إلى التسجيل المتأخر
نسيت شي…لازم ترجع استكر سيارتك لإدارة الأمن وبطاقتك الجامعية تحجز في عمادة شؤون الطلاب إلى السمستر الجاي
الكلام اللي بعد هالسطر مو متأكد منه تأكد من الشباب:
اتوقع انك تاخذ ورقة تمر فيها على كل دكتور منزل عنده ويعطيك درجة إما WP (withdrawn with pass يعني منسحب من المادة بس ناجح أو WF (withdrawn with Fail يعني راسب ومنسحب من المادة وهذي دمار على الترانسكريبت…وبيعطيك الدرجة بناء على الأفرج ودرجاتك…لكن الدكاترة في اغلبهم متسامحين و يمشوك بWP…كما قلت ماني متأكد من هالكلام.
نصيحتي لك اذا مررة جايب العيد دردب والله يعينك على السمستر الجاي…انصحك تبدا تغير نمط حياتك من الحين ولا تنتظر بداية السمستر…يعني اذا رجعت لديرتك لاتبقى على نفس النظام -اذا كنت تكثر طلعات قللها واذا كنت ما تطلع تنزه وفرفش- حط في بالك انه لازم ترجع بمعنويات مرتفعة السمستر الجاي والا وضعك بيصير الى الأسوء لا قدر الله.
بالتوفيق
يسمح للطالب بحذف ترم واحد بدون إعادة قبول
هل انت متأكد من هذه المعلومة؟ و ممكن مصدرك لأني ما قريت هذا النظام في دليل الدراسات الجامعية
بس اقول الله يوفقك ويعينك …وان شاء الله امورك تحسن 
تنزيل المواد لـ ترم 82؟
إذا جاك القبول بإمكانك تنزل مواد
المكافئه
تستمر إذا معدلك أعلى من 1.75
ماذا عن السكن؟!!
تاخذ إذا انك مستحق
تحياتي