السعودي اللي يخاف على منصبة تحصله يوظف اجنبي عادة
والاجنبي برضة تحصله يوظف اجنبي عشان ما ياخذ مكانه
وانت ممكن تشوف الشراكات اللي اغلبها اجانب السعوديون ما يقدرون يطولون فيها بسبب المحاربة من الاجانب
بصراحة انت اول واحد يمتدح لي المدراء الاجانب
بالنسبة لسامبا انا مو متاكد عن النظام بس اللي سمعت عنه انهم كذا لاني سمعتها من احد موظفين سامبا
أخي العزيز أولاً و أهم شيء أصابع يدك مو سوى …
قد يكون هناك سعوديين أوكى و لكن الأغلبية اصحاب المناصب
و خصوصاً في الشركات الكبيرة مثل أرامكو ((الجزمة أكرم منه)) و انت و الجميع بكرامه
و بنفس المقابل … هناك أجانب العمل معاهم بصراحة متعة و عمل جدي
أنا ما أعرف أنت مع اي أجانب اشتغلت و لا في أي شركة و لكن انا حالياً مع أجانب محترفين
تعرف شنو يعني كلمة محترف؟! يعني ما راح تشوف أخلاق السعوديين الزفته
يعني عشان النصر خسر يجي قالب وجه و أخلاقه في خشمه و حالته حاله
هنود و فلبينيين و لكن محترفين بأعلى المراتب و غير كذا يحب يتعلم و يعلم على الرغم من المرتبة
اهم شي جامعاتنا السعوديه تكون للسعودين والخليجين فقط …
معا خيرنا لنا مو لغيرنا!!!
بدون وجود الطلاب الأجانب ماكانت جامعة الملك فهد حتدخل في التقييم العالمي لأفضل جامعات
^^^^^
Totally Agree
والله جآمعتنآ يبي لهآ سعودهـ 
الطلاب مهي مشكلة… العلم لا يمنع منه احد … بس التوظيف -فقط و فقط- في السعودية يجب ان يمنع لان خيرات الدولة لا تدري وين تروح!!!
اخوي انت الان تطالب ان ما يتم توظيف السعودين لانهم مزاجيين
وما تريد تسلم المناصب القيادية للسعوديين لانهم ظالمين
يعني تبي ان الاجانب هم اللي يقودون بلدنا ويبنونه وحنا نعلق شهاداتنا في بيوتنا
الشئ الاول انا لحد الان ما تخرجت بس زملائي اللي تخرجوا كلهم يشتكون من الاجانب ومحاربتهم حتى اللي يطلع كو اب لشركة ويكون معه اجانب يحصلهم يحاربونه ويطفشونه عشان ما يجي يتوظف عندهم.
بالنسبة لكون السعودي مزاجي واخلاقه زفت انا ادعوك انك تجي زيارة للجامعة وتمر على السكرتاريا الهنود اللي عندنا عشان تعرف كيف اخلاقهم
اقل شئ لما توظف سعودي انك على الاقل تكون ضامن من وين جاي وضامن شهادته عكس اللبنانين والسورين والهنود اللي يزورون شهادات ماجستير وطب …الخ ويستلمون اكثر من اللي يستلمه السعودي
وانا سمعت عن صيدلي لبناني كان جاي مزور شهادته وحطوه مكان سعودي له 26سنة ويستلم اللبناني 38 الف ريال وجاب معاه جماعته لبنانيين وشال السعودوين اللي هناك وماتت بسبب اخطاءه بنت سعودية الكلام هذا في مدينة الملك فهد الطبية وبعدها شالوه وراح دبي والحين رجع مره ثانية بمنصب اكبر
انا لست ضد الاجانب بس يجب ما نستعين الا بالنواقص او الخبرات النادرة والمهمة لو كانت نسبة الاجانب في كل شركة 10% لكانت مقبولة لكن ان تجد شركات قائمة على الاجانب وترترزق على هذه الارض فهذه مصيبة واحيانا تجدهم يفضلون الاجنبي على السعودي
الشركات السعودية مالها اي اسهامات في خدمة المجتمع زي ما تسوي الشركات في امريكا واليابان وغيرها حتى ارمكو لها اسهامات في خدمة المجتمع الامريكي لما بنت بيوت للامراكان امتضررين
عشان كذا اقل شئ تعمله الشركات هذه في تعويض خدمة المجتمع ان تكون الوظايف للسعودين اكثر
انا غير سعودي و اويد هذه الحملة اذا كانت ضد تكتلات بعض الجنسيات في الشركات ومنع السعودي من التوضيف و من المنافسة الحرة. هناك كثير من السعودين (خاصة من جامعة البترول) هم اكثر حرفية من عشرة اجانب و مع ذلك يوضفون في الشركات (غصب عنهم لتحقيق نسبة السعودة) لكن لا يحصلون على اي اهميه و ليس دائما لان السعودي غير كفو بل عنصرية ضده و محسوبيات و واسطات اجنبية…
في المقابل انا ضد التصعيد و ضد هالحملة اذا كانت تستهدف كل الاجانب بما فيهم اخوانكم من الدول الاسلامية و العربية اللي يرحبون بكم في اوطانهم و قاموا بخدمة الوطن و بنائه واحترام عادته و تقاليده…وضد هذه الحملة اذا هي اعتراض على رزق الله…يعني لو الله رزق هذا الاجنبي براتب اكثر من سعودي نتيجة تخصصه و جهده (بدون واسطات) ليش الاعتراض و الحسد؟ هذا الرزق من الله! (والم يعلموا ان الله يبسط الرزق لمن يشاء و يقدر ان في ذلك لايات لقوم يؤمنون)
أخي العزيز أغلب السعوديين أصحاب المناصب للأسف مزاجيين و مرضى نفسيين
و انا ما أخاف إني اقول مدير جامعة الملك فيصل واحد منهم مريض نفسي و أحمق
أنا ما أقول إنه لا يتك توظيف السعوديين نهائياً و لكن الحل هو تقليل المحاباة و الواسطات
و العنصرية الي صايره و القبليات … الي فعلاً أهلكت شركات كثيرة و حرمت ناس من مناصب
بخصوص كلامك عن الأخلاق روح شباك الاستقبال في التسجيل و شوف الأخلاق الزفته للسعودين
الأخ الي هناك دايماً تضارب معاه بسبب أخلاقته الزفته ليس مني فقط بل من أكثر الطلاب
و انا لا أعمم على الجميع … هناك موظفين يكن لهم الاحترام و التقدير مثل الاخوان في 17
لكن يجب أن يراعى في التوظيف أهلية الموظف أخلاقياً و تعاملاً و ذوقاً و أداءً
أرامكو سابك سيكيكو كلها شركات كبيرة بالاسم لكن التوظيف كله واسطات في واسطات و عنصرية
هذا قحطاني ما يبي شمراني و البقية الي تعرفها و انا شفت هذا بنفسي
شيء آخر … أغلب الشركات الي تحرص على التوظيف تراعي إنها تحصل على أجود الموظفين
حتى جامعتنا لما تجي توظف أحد لا تتوقع إنها توظف أي كلام مثل بالضبط قبول الطلاب
و إلا لو كانت توظف أي كلام … ما تتخرج و انت خريج بترول يشهد لك الجودة و الأداء
نعم أنا ضد توظيف السعوديين بمناصب كبيرة لأنه للأسف عندهم العقلية العصبية البدوية
أتفق معك بغالبية كلامك
ارجو ان يستمر النقاش بدون التدخل في القبائل والعصبية القبلية
ما أحد تدخل في العصبية القبلية لكن أنا ذكرت مثال
و هذا واقع و شيء يحصل و أنا شفته بنفسي في الشركة رقم واحد في السعودية
تبي يعني ما أذكر هذي النقطة المهمة؟! و انا ذكرت مثال واحد فقط
بطبيعة الحال ما أقدر إني أذكر كل الأمثلة الموجودة؟!
شيء آخر ما أعرف حقيقة ليش ما تبي الناقش عن هذا الموضوع المهم و الخطير؟!
و أنا أعتبر هذي النقطة هي السبب وراء الفساد الإداري في الشركات السعودية
ما ابي استرسل في الكلام و أذكر لك أمثلة أخرى مخزية في الشركة المعناة
لأنك راح تنصدم بأنه القبلية هي من التي تتحكم في مركز التوظيف فيها
أخي العزيز هذي مشكلة يجب حلها و ليس تجاهلها
اخي العزيز :
اذا كانت تهمك مصلحة بلدك سوف تبحث عن الأفضل وهذا شئ مسلم به
ولكن ليس من مصلحة البلد ان تكون القيادات والمناصب الكبرى كلها اجنبية
لأنه لن يخاف على البلد ولن يحس بما يحس به السعودي تجاه هذا البلد
لذا ليس الحل ان توظف الأجانب لأنهم افضل واكفأ لأنهم يبقون اجانب سنوات ويرجع الى موطنه
ولكن الأفضل ان تبحث عن حل لهذه المشكلة .
اتفق معك على ان هناك عنصرية وشغلة واسطات ولكن يجب ان نعالج قضية الواسطات ونحاربها بقدر ما
نستطيع
انا واخوي على ولد عمي وانا وولد عمي على الغريب
هذا الحال لكثير من الموظفين مو بس السعوديين زي ماتقول … يعني صحيح ولد قبيله او المنطقه الفلانيه يجيب ربعه واللي يقربون له … لكن من جهه اخره الاجانب يسوون نفس الحركه تحصل الهندي يجيب هنود وامريكي يفضل الامريكيين ويرفع مناصبهم ويحتقر غيرهم … هذا الوضع اللي صاير الحين
انا مع اعطاء المناصب الكبيره لسعوديين لنه مهما كان ومهما صار السعودي بيخاف على مصلحهة بلاده اكثر من غيره … الوجود الاجنبي لا بد منه ولكن يجب ان يقلل و يكون لفترات بسيطه للخبره فقط مو انه يمسك الشركه ويجيب اللي يبي ويلعب فيها على كيفه
كــلام منطقـي وسليم !…
لكن سؤال محيرني !!
هـل يرضـى السعـودي فعـلاً بـ العمـل بوظائف أقل من مكتب وتكييف وشاهي وجرايد ؟!
مـع إحترامي … بس البعض مثلاً مـا توفق في دراستـة ،، ومـع كذا يقول مـا أبي أشتغل تكسي مثلاً أو شغـلة مـا تليق به أو بالعـائلة !! وأحيـانـاً الأهــل يـاخذونهـا من منظر قبلي … والضحيّـة الأبنــاء 
!!
شئ آخــر … صدقني لــو السعـودي الي معــاهـ متوسط ولا ثانوي ويدعمهـا بـ لغة إنجليزية بس !! لقـى وظيفة معقولة ورواتب معـقولة !!
كثير كثير من الشبــاب … إذا مـا حقق رغبته ،، يرفض الخيارات الأخرى …! خـاصةً الي رغبته كبيرهـ بالإلتحـاق بـ الكليات الحربية أو العسكرية أو الأمنية … !!
عـمومـاً … هذا مـا ينفي أبداً الخطـة الدراسية السيئة الـي تتبعهـا السعـودية في إعتمـاد قبول الطلاب في الجـامعـات … من الإعتمـاد النسبي الكبير ع القياس والتحصيل !! ونكران مجهـود الثانوي … بعـد أن أصبح الأمر بيد المدرس !! لماذا ألغـيت أسئلة الوزارة … وحرم الكثير من المعلمين من الحصول ع بدل راتب … وأستغلوا المدرسين الأجانب هذا الجانب في التدريس الخصوصي … وبيـع الأسئلة والسرقـة من الطلاب !! والله العظيم لو أحلف أن نص عمـاير مصر من المدرسين الخصوصيين … وفلوس الطلاب !!
عـمومــاً … الحمـ لله ــد ع كل حــال !
والله يكتب لنـا الي فيه الخير 
أمانه أخوي … كم خبرتك العملية؟! يعني أنت وين اشتغلت من قبل؟!
أخي … هذا كان تفكيري عن السعودي يخاف على بلده و أبناء بلده
لكن الوقع شيء آخر … حتى في أكبر الشركات موجود الفساد و بشكل مزري
أذكر لك موقف … كنت في احدى الشركات و كنت أتكلم مع أحد الموظفين
و كان يقولي ((بكرة إن شاء الله راح توصلني الترقية)) يتكلم عن إنه يوم غد هو الموعد
و لكنه تفاجئ بأنه الرئيس يعطيها لشخص آخر و قعد الرئيس شرح له كلام فاضي كثير
زميلي الي كان معاي في المكتب ((شخص ثالث موظف قديم)) عرف بالموضوع
فقالي ((لا يشيل هم بوفلان كلها أيام و هذا الرئيس ينقلوه لأنه أصلاً هذا مو تخصصه))
و فعلاً بعد 4 شهور تم تغييره إلى قسم آخر … هذا بس عشان أوضح لك العنصرية الموجودة
و شيء آخر أوضح لك إنه هناك أشخاص لا علاقة لهم بالتخصص تشوفهم رؤساء أقسام في تخصصات
و للمعلومية هذا الرئيس كل صباح يجتمع مع موظفي القسم عشان يعلموه شنو الي راح يصير
أتمنى تفيق من واقع ((ولد بلدي و يخاف علي)) لأنه هذا في زمن الروايات الجميلة
اخي الفاضل…
قصدي من عدم التطرق للعصبية القبلية بعدم تحديد قبيلة محددة بعينها وذكرها. يمكنك من مناقشة الموضوع وطرح الحقائق بدون ذكر او التطرق للاسم
لان الهدف هو مناقشة الموضوع ونتائجه وسلبياته بغض النظر عن الشخصيات بعينها.
والله يا غالي لو انت تشوف رواتبهم الفلكيه و المميزات اللي ياخذوها انها قليل
ترا انا راضي بنص اللي ياخذوه
احنى هنا نتكم عن وظائف من طبقات مرموقه
مو حلقة خضار او عامل سوبر ماركت
ان ما ابفى ازعل احد او احد يفهمنى خطا ادخلوا المنتدى و صدقوني فيه الهوايل
مع التجيه
و أنا لم أعارضك في هذه النقطة تماما ً … ردي كان حول أن المشكلة سعودية خالصة
و لك التحية 