my eyes on you is cold 0_0 … Focus << اوريا سامحه =)
يعطيك العافيه وموفق ان شاء الله ، ومتابع بشّده !
متابع 
الله يعطيك الف عافية
موضوع جداً رائع
<< منتظر مزيدك …
منتظرين الحلقات القادمة على احر من الجمر
…
والله انك ظلمتنا ،، خليتنا قاعدين على احر من الجمر ننتظر بقية الحلقات 
ياليتك منزلهم مرة واحدة كدا مانبي نصبر << لوووووول يقول مايبي يصبر والموضوع يقول اهم شي الصبر في السنة التحضيرية
السلام عليكم ورحمة الله وبركاته
بصراحه ماكنت متوقع ان الردود بتكون بهالشكل من الحماس , وللأمانه الموضوع من اساسة ماكان محضر لة بالشكل المطلوب . . .
وحتى اكون صريح معكم , والله اني اجلس قدام الجهاز اتذكر ايام الجامعه واقولها لكم من راسي للكيبورد على طول . . .
المهم ماعلينا , امس وصلنا الى نهاية السنة التحضيرية وذكرنا لكم قصتي وقصة زملينا , ومحدثكم في الله قضاها في 3 اترام . . .
بـــــدايـــــة الــــجـــــبـــل
في ترم (052) كان اول ترم لي في الجبل ( والجبل مصطلح جامعي يعني مابعد السنه التحضيرية , سمي بالجبل بسبب ارتفاعه ووجودة فوق مرتفع اشبة بالجبل ) , المهم قبل لايبدء هالترم وبالتحديد فترة مابين الترمين كان وقت تسجيلنا للمواد الجامعية , وكانت التجربة الاولى لنا في تسجيل المواد وتنسيق الاوقات , جلست افكر بيني وبين نفسي وش انزل ومع اي دكتور ومن الافضل حتى داخ راسي , وفي النهاية قررت اتصل على زميلنا يوسف اللي سابقني بترم واخذ فكرة على حياه الجبل وعلى المواد هناك
وبدء الاتصال بيني وبينه :
انا : السلام عليكم حي الله يوسف
يوسف : ياهلا وسهلا حياك الله
وبعد احاديث طويلة عن الاخبار وعن الصحة
انا : يوسف حبيت اسألك لاهنت انا ابي انزل مواد ومتردد ولا أعرف وش انزل وحتى ماأعرف من الدكتور الممتاز
يوسف : اهم شي تنزل الماث والفيزكس في اول ترم لأنها مهمة
انا: ايه بنزلها ان شاء الله بس مع اي دكتور تنصح يالخوي ؟
يوسف : ممكن تقولي اسماء الدكاترة المتاحين
انا: بديت اعد له اسماء دكاترة المتاحين وبالاخص ذكرت له دكتور معين لأنه يناسب جدا مع جدولي
يوسف : انتبه انتبه انتبه انتبه , لاترتكب جريمة وهذا اول ترم لك والمعدل فية مهم ومن هالكلام الطويل
انا : لية شفت منه موقف !!
يوسف : ايه ياخوي انا درست عندة الترم الماضي وبهذل الدنيا في راسي وطلع نجوم الظهر فيني والدرجة في النهاية سيئه ونصيحتي لو ماتاخذ المادة ولاتنزلها مع هالدكتور . . .
انا :طيب الله يعطيك العافية يابو يعقوب وماقصرت وفي امان الله
بعد هالمكالمة انا بديت اخاف واحس فعلا ان الجبل فلم رعب والدكاترة فلم رعب ثاني والدرجات والمعدل هو الرعب الاكبر , جلست مع نفسي شوي قعدت افكر وقلت مافية الا هالدكتور اللي يتناسب مع جدولي , توكلت على الله ونزلت مادة الفيزكس معه وكنت وقتها منزل 13 ساعه فقط
بدء الترم وكان اول كلاس هو الفيزكس وكان الساعه السابعه صباحا , انا جيت بدري من الساعه 6 نصف تقريبا عشان اتأقلم على الاجواء شوي خصوصا انه اول كلاس لي في الجبل , جلست انتظر طله الدكتور المشؤوم من صاحبي يوسف , وكنت اقول في نفسي اكيد بيدخل وبيهزء في كم طالب من البداية وبيحطم فينا . . .
بدء الكلاس والامور طيبة ولله الحمد وكان كلاس تعريفي وخلص الكلاس , انا تفاجأت وقلت مو معقوله هذا الدكتور اللي يقصدة خوينا , اول ماخلص الكلاس رحت اكلم الدكتور واقول له اني ان شاء الله عاقد العزم على تحقيق نتيجة طيبة في المادة وكان مشجع جدا جدا جدا لي وذكر لي امثلة لطلاب كانوا مخفقين وطلعوا بأعلى الدرجات . . .
رجعت لشقتي وكلمت وقتها يوسف على طول :
انا : يوسف شكل الدكتور اللي تقول لاتنزل عنه كذا وكذا
يوسف : ايووووه هذا هو الله لايبارك فية
انا : خلاص خلنا نشوفك , في امان الله
قفلت منه وانا محتار , هل معقولة هو هذا الدكتور المشؤوم وهل هو يتعاطف معنا في البداية فقط وبعدين بيطلع على حقيقتة , قلت في نفسي الوقت راح يبينه على حقيقتة اكثر . .
بدأت الاختبارات الشهرية لمادة الفيزياء وكانت درجتي في الاختبار الشهري الاول 13من 20 , انا للامانه كنت متضايق من الدرجة , لكن يوم فكرت شوي وقلت انها اول مادة وطريقة الاسئلة كانت غير واضحة ومن هالكلام وبعدها اقتنعت بالدرجة اللي اخذتها . . .
واكملنا المسرة في هذا الترم حتى جاء الاختبار الشهري الثاني واتصل على صاحبنا يوسف يعلمني بعض الخبرات له في الاختبار الشهري الثاني
انا : يوسف وش اخبار الاختبار الشهري الثاني لك في الترم الماضي
يوسف : ماأقول الا الله يعينك , شد حيلك لأنه معروف في الجامعه ككل ان الاختبار الشهري الثاني اصعب بكثير من الاختبار الشهري الاول , واسمعني والله مو بس انا اللي اقولة , كل الطلاب اللي قبلنا واحنا نقولة , فأقول لك شد حيلك وحاول تاخذ نفس درجتك في الاختبار الشهري الاول
انا : طيب الله يعطيك العافية
انا بعد المكالمة حسيت بالخوف من هالاختبار , وحسيتت فعلا اني بجيب 8 بالكثير من 20 , والخوف في تواصل الى ان جاء وقت اختبار الثاني لمادة الفيزياء (101)
وادخل الاختبار وانا قلبي يدق دقات سريعه جدا , حتى اني قلت اول صفحة في الاختبار بيجيني سؤال خارج المنهج
بدء الاختبار والحمد لله الامور طيبة , حتى انتهى الاختبار وانا مرتاح نوعا ما , صحيح واجهت بعض الاسئلة الصعبة اللي يبي لها بعض التفكير , لكن مجملا الاختبار ماكان مثل ماصورة لي الاخ يوسف . . .
قلت في نفسي يمكن انهم لعبوا علي وكانت افخاخ وطحت فيها , لازم انتظر النتائج بعدها احكم على الاختبار , وانا في انتظار هالنتائج على احر من الجمر , وطلعت النتائج وجاني اتصال من احد الزملاء وقال يالخوي ترى النتائج طلعت وهي معلقة الان في مبنى 6
واطلع من شقتي واروح لها وانا في الطريق بغيت اصدم مرتين من التفكير فيها, واوصل المبنى وانا دقات قلبي 4000 في الدقيقة من الخوف , واشوف الارقام الجامعية الا واشوف رقمي ويدي تنتفظ من الخوف واحصل الدرجة :
14 من 20
انا انبسطت للأمانه لأني جبت درجة عالية على عكس ماكان يقولة صاحبي يوسف واني راح احصل درجة اقل بكثير من اختبار الشهر الاول . .
كنت وقتها ناوي اتصل على يوسف واقول له اللي حصل معي , لكن قلت اخليها مع النتائج النهائية ازين
اختبرنا الاختبار النهائي وانا للأمانه اديت اداء مقنع نوعا ما << اداء مقنع وليس جيد
وتطلع الدرجة في النهاية b ولله الحمد , واتصل بعدهاعلى يوسف المشؤوم
انا : يوسف ابشرك طلت النتائج
يوسف : بشر , مع اني عارف ان هالدكتور عدم راسكم عدم هو وشرحة
انا : يوسف ممكن اسألك واقول لك كم خذت انت معه
يوسف : اخذت d+ الله لايبارك فية
انا : انا اخذت c <<<< طبعا لعبت علية في وقتها وقال لي ماقلت لك انه مدرس بايخ
قفلت من المكالمة وانا في استغراااااااااااااااااااااااااااااااااااب كبير جدا جدا من اول ترم لي في الجامعه
وبعض الاحداث اللي صارت فية
طبعا انا اعطيت مثال فقط على مادة الفيزياء , مع ان السيناريو كان مشابة جدا لمادة الرياضيات , فأختصرت الموضوع ونزلت لكم سيناريو الفيزكس
المهم يخلص الترم ويطلع لي اول معدل لي في الجامعه وكان وقتها 2.69 , وقتها كنت مبسوط جدا لأن يوسف صاحبنا كان سئء وكان معدلة تقريبا في حدود 2 وانتهى الترم بخيرة وشرة
وجت اجازة الصيف ووقتها ماكنت منزل ترم صيفي , وجاء وقت التسجيل للترم اللي بعده اللي هو (061) , انا عرفت وقتها ان يوسف انسان ماينفع اسألة لأن لي معه تجارب وكانت غير موفقة
المهم راح ابلغكم بأحداث ترم (061) في رد لاحق ان شاء الله في الموضوع هذا
بس قبل لاأختم حديثي عن ترم (052) , جلست مع نفسي شوي وقلت هل معدل 2.69 من 4 هو معدل جيد لي او لا , ووقتها عرفت انه اقل بكثير من طموحي , لكن اللي جعل هالمعدل معدل قوي جدا لي هو مقارنتة بمعدل يوسف , وهذا كان الغلط بحد ذاته لأن الطموحات بين الناس متفاوتة , فـ انا ليش اخلي طموحي مثل طموح يوسف مثلا مع ان عندي قدرة اكون احسن !!!!!!!!!!!!!!!!!
خلص الترم واستفدت منه اشياء كثيرة جدا واهمها :
1) الشؤوم من بعض الطلاب على بعض المواد والدكاترة هو شي خاص جدا جدا جدا فية ولاينطبق على الجميع , فمثل ماشفنا ذم يوسف لدكتور الفيزكس وانا اخذت بعدة المادة وعند نفس الدكتور ولاشفت مثل اللي قالة لي اطلاقا , فأخونا في الله اخذ موقف معين بسبب درجتة اللي هي d+ وعممها على جميع الترم وعلى الدكتور رغم انه لم يبذل الاسباب حتى ياخذ درجة اعلى
2) الاستشارة ممن هم اكبر منك في الجامعه طيبة , لكن يجب ان لاتكون تلك المشورة حكم صارم على الشيء , فهذا يمثل وجهه نظر صاحبها فقط
3) لاتقارن نفسك بـ قليلي الهمم , فهذا يمكن انه يخلي النجاح ولو بدرجة d هو الهدف الاعلى والاسمى لك وهذا غلط كبير وفااااااااادح واتمنى انكم ماتقعون فية احبتي في الله , ومثل ماذكرنا في الاعلى ان معدلي بعد الترم الاول لي في الجبل كان 2.69 من 4 وكنت مبسووووط جدا فية لأني ببساطة قارنتة بمعدل يوسف اللي هوي تقريبا 2 وحصلت نفسي افرق عنه كثير وهذا حسسني اني ماشي في الطريق الصح ومعدلي لايُعلى علية وهذا غلط . .
وحتى نكتشف ان هذه المقارنة خاطئة , راح نشوف في الرد القادم لي بحول الله ترم (061) والاحداث اللي تصير فيها . . .
فـ نصيحتي ياجماعه الخير , اي شي تشوفونةمن ردود في المنتدى هنا او في الجامعه هي تمثل وجهه نظر صاحبها فقط واللي يقول ان الجامعه مجنونة ويبي لها واحد عبقري , هذا اكيد انه ماعمل بأسباب النجاح او انه حط قناعه في راسة ان مهما درست ماراح انجح لأنها معقدة . .
فأتمنى ان مثل هالاشياء ماتأثر عليكم اطلاقا …
والله اتمنى اني انزل كل الموضوع في رد مثل مابعضكم يبي , لكن صدقوني ياجماعه الخير انا اجلس على الجهاز بدون اي استعداد واتذكر الاحداث واكتبها , ولاتنسون اني موظف حاليا والدوام ياخذ وقت كبير مني , من الصعوبة اني اكون متاح في اغلب الوقت حتى اكمل الموضوع في رد واحد , لكن اكتب لكم هذا الرد من خلال بريك الغداء
على امل ان نلتقيكم قريبا بحول الله
كل التحايا لكم
احمد الثبيتي
Al-Otaibi
أمير محتار
Abu Abdullah
العـيوني 911
JEHAD
Eng.Sugar
▌ ‹ ӺάḸeђ
khalid-f10
طموح الحياة
falcon eyez
الزووول
د.علّوش بن دبآآس
خافي الشوق
Abdullah_2006
i love my name
mr.gandi
فعل ماضي
واصل
iAhmed015
الكاتم
ĀĦMAD��
G00DMAN
Dead Zone
اشكركم جميعا على ردودكم واخلاقكم العالية , واسأل الله لي ولكم التوفيق والسداد
السلام عليكم
ان شاء الله يالغالي راح يبين لك كل شي وقت ماننتهي من جميع الاحداث , لأنها مرتبطة مع بعض , وبالنسبة للوظيفة والمستقبل الوظيفي ايضا راح يبين في اخر قصة الكفاح وراح اذكر لكم كل التفاصيل والعروض اللي تقدمت لها وقبلتني وبعض الاحداث
^^^^^^^^الله يعطيك العافيه…
ونستناك تكمل لنا قصتك…
متابع وحمستنا لباقي القصة
وصراحة أحس بالندم على اللي فوته مع إن هذا ثالث ترم لي في الجبل
واصل والله يجعل عملك هذا في موازين حسناتكــ
…: تحياتي :…
ماشاء الله الله يوفقك انشالله …
وان شالله نستفيد منها …
مشكور يالغالي …
عايش حياااته
ماقصرت والله وبيض الله وجهك
تبي احط ردك الاخير داخل موضوعك ؟ وإلا تبيه كذا
لك شمها ورجعها :d
بيض الله وجهك و جزاك الله خير …
متابع
ماشاء الله تبارك الله اخوووي
وربي اننا استفدنا منك اشياء كثيير … هذا وإنت كاتبها على عجالة ماشاء الله
بس ياليت يخووي توضحلنا كيف كان جدولك اليومي في المذاكرة " خاصة للفيزكس 101 "
وهل كنت تذاكر يوميا ؟
موفق
رائع … بيّض الله وجهك … تجربة مفيدة فعلاً … إستمر ونحن متابعين بإذن الله …
الله يعطيك الف الف الف عافية
واصل ابداعك
منتظرينك على احر من الجمر
لك شكري
<< متآبع بصمت … … …
متابعين
متابع
الله يوفقك يالغلا
استمر يا بطل 
متابـــــــــــــــــــــــــع 