السلام عليكم ورحمة الله وبركانه
تحيه طيبه وبعد
مساكين هم من يقعون في ذلك الفخ (فخ الوورنج)
اسوء مافي الانذار الاكاديمي في نظري ليس انقطاع المكافأه انما هو ذلك القانون الذي لايسمح للطالب بان يحمل اكثر من 13 ساعه دراسيه اذا كان واقعا في الفخ والذي اعتقد (من وجهة نظري الشخصيه) ومن واقع تجارب الكثير الكثير من زملائي ان من وضع هذا القانون قد جانب الصواب
هم يدعون ان ذلك في مصلحة الطالب يعني علشان يخف الضغط عليه ويظبط عمره في ال13 ولا ال12 ساعه اللي معاه ولكنني انظر للوضع من هذه الزاويه:
وكأن الجامعه تقول للطالب الحاصل على انذار اكاديمي شوف يا كبتن مادام انو كان عندك 16 او 18 ساعه الترم الماضي لكنك نمت عليها وما اشتغلت ولا اعطيتها حقها خذ هاذي 13 ساعه ومخده وغرفه في اللاينات وروح نام زي ماتبغى!
الا ترون معي ان الفضاوه تقتل الحماس؟
شوف مثلا لما يكون عندك اسبوع مافيه كوزات ولا هومووركات كتير ويطلعلك كويز والا هووم وورك واحد ايش تسوي؟؟ تقول كويز واح لايقدم ولا يأخر مع السلامه
و 1+1 =2 =F!؟
والا لما يكون عندك يوم مافي غير كلاس واحد تقول يعمي يعني لاني مداوم زي الناس ولا اني ماخذ هذا اليوم اجازه اريح والا اقضي حاجاتي الاخرى يالله سحبنا على الكلاس
اما لما يكون عندك full day والله لا تداوم زي البطل وتحس انك متحمس قاعد تنجز وذهنك نشيط ماتبغى توقف تفكير وتحليل
انا الترم هذا عندي يوم اداوم فيه نون ستوب من 10 صباحا الى 6:15 مساء واجي الساعه 6:15 واحس اني افتقد شي الذهن في قمة حماسه لكن ماعندي شي اسويه ممكن ارجع احل اذاكر اسوي اي شي
حتى ان فيه مقوله تقول اذا اردت ان تنجز مهمه في موعدها وعلى اكمل وجه اوكلها لواحد مشغول
!!
على عكس اليوم اللي اكون فيه فاضي زي السياره المكربنه كيف تنظف مكينتها تمسكبها خط سريع وحط رجلك نفس العمليه مع عقل الانسان اذا مافكر يكربن وانا اعتقد ان لما واحد ينزل 12 او 13 ساعه ويصير عنده كل يوم محاضره او اثنين ويومين اوف هذا زي السياره اللي قاعده ترم كامل تلف في حزام الجامعه لو كانت بورش تعدي من جنبها كورولا متربيه على خط الرياض تطرحها او الطالب العبقري اللي معاه 12 ساعه يجي يحل مسأله وواحد من جنبها لكنه شغال جالس جنبه يحلها قبله لان الاول مخه مكربن
الزبده نبغى نناقش المسؤولين في هذا الموضوع وخلينا نجرب ترمين او ثلاثه واذا مانفع النظام نرجع على القديم
لان انا اعتقد ان سبب انحدار المعدل ماهو ان الطالب مايقدر يفهم اكثر من 12 ساعه بالترم او انه مشغول مايمديه انما هو الاهمال او ظروف خارجه عن ارادته فليس من العدل ان يعطى جائزه مع كل وورنج وورنج آخر ودسمس!!
واذا كنتم مقتنعين بالفكره نصيغها باسلوب ادبي انا بس ماحبيت ازهقكم 
نسويلنا شوية برين ستورمينج ونقنع قائد هذا الصرح صاحب الانجازات والابتكارات والقياده الثوريه والجرأه الغير مسبوقه في اتخاذ القرارات الحكيمه التي اشعلت النور في الدروب المظلمه معالي الدكتور خالد السلطان الذي رأيته بنفسي واقف عند اللاينات ماني فاكر يوم ثلاثاء او اربعاء بعد ما انتهى الدوام يشيك بنفسه على المواقف اللي سووها جديده عند اللاينات اللي جهة عماره15
والله الرجل هذا لايوصف يعني تخيلو بعد يوم كامل من التعب والعمل في المكتب ينزل الى الميدان بنفسه انا لما شفته في اللاينات تخيلته كالأب اللي يرجع من دوامه نعبان لكن لايرتاح قبل مايشيك على اولاده ويشوف حاجاتهم
واعذروني على الاطاله وخلط العاميه بشبه الفصحى اهم شي الفكره وصلت
والله اعلم وتحياتي للجميييييع
الحمدلله