انا طالب فرشمان في اجازة بين الترمين ، معليش بعد الفصل الاول بديت اهوجس واقول اذا كان فزكس 101 وماث 101 كذا والوضع دجه… اجل كيف شلة الـ 102
المهم ماودي اطول عليكم ولكن اتمنى من كل قلبي… من اعماق قلبي اني اشوف اجوبة وافية كافية للاسئلة
ايش الفرق في المستوى بين فزكس 101 و 102
وايضا وش الفرق بين مستوى ماث 101 و 102
وماهو أصعب الاربع كورسات هذي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بالاضافة الانقلش 101 و 102 وش اللي كرف اكثر
ابغى تفصيل لا احد يجي يقول انت واجتهادك … تراهي ما تفيد ابد هالكلمات
الانجلش 102 كررررررررف وريبورتات وسورسات ما تتقارن ب ال101
الله يعطيك العافية يا شيخ… طمنتني بخصوص الفزكس … الماث خلاص نمشي وضعها من الكتاب على الاقل مو زي الفزكس … الانقلش 102 بما انها كرف … هل تتوقع انها بتقلقني في الفصل الجاي وانزلها صيفي احسن؟
لا والله للأسف توني مشيك الصيف الماضي ما نزل …
عالعموم اذا ما حصلته جيمسون ممتاز بعد ويمكن ينزل بالصيف …
انت خلها بوقتها وركز الحين بالسمستر الجاي 082
بالتوفيق ،،
يا اخوان اسف على تغيير الموضوع بس معدلي 2.75 اول سمستر وانا كهرب ونزلت اول سمستر اللي ماث وفيزكس واي سي اس 103 واسلامي وبي اي والترم الجاي راح يكون فيزكس وماث وانجلش 101 وعربي وبي اي تتوقعون يكون اسهل علي من الاول ؟؟؟ وهل معدلي يعتبر رايح فيها بالنسبه لواحد يبي كهرب؟؟؟
راح يكون نفس المستوى تقريبا …
لأن الفزكس اصعب في 101 وراح يقابلها سهوله نسبيه في ال 102
والماث اصعب في 102 وراح يقابلها سهوله واضحه في 101
والانجليزي عاد يعتمد على مهاراتك السابقه بس يظل قابل انك تجيب فيه قريد حلو …
بالنسبه لمعدلك جيد جدا بالنسبه لأول ترم ويمديك عالكهربائية بالراحه …
بس شد حيلك السمستر الجاي وبالتوفيق…
ملاحظه: اسف جدا يا صاحب الموضوع أحس دخلناك في متاهات من كثر التشعب في المواضيع …
الفزكس ما فيه فرق لان كل تشابتر / عدة تشباتر لهم موضوع مستقل وما تحتاج تعمق كثير فقط يحتاج حل مسائل وفي رأيي بعض الاجزاء في 102 أسهل من 101 مثل الثيرمو والويفز ب 102 أسهل بكثير من الماس والمومنت اوف انيرشيا ب 101 على النقيض الموتشن وقوانين نيوتن والطاقة الميكانيكية ( الحركية والكامنة ) ب 101 أسهل بكثير من الكهرب والماغناتك ب 102 ( خصوصا التشباتر الاخيرة من 102 )
الماث 102 اصعب من 101 بس حلاته في جزئين ( التكامل والسيرز ) وكل وحدة بتسهرك الليالي هههههه
كمستري 102 تتميز عن 101 انها جانب الفهم والتطبيق اشمل واوسع والحفظ فيه فقط في جزئيات بسيطة ( اخر 3 تشباتر 22 و 20 و19 )
من اعماق قلبي اني اشوف اجوبة وافية كافية للاسئلة
