في الفصل الماضي 112، كنت منزل 4 مواد، كلها مواد نارية من الصعوبة، وبالرغم من الإجتهاد، والدراسة، وحل الواجبات… حصلت معدل 1.3 من 4!
أحد المواد كنت آتوقع آجيب C+ الدكتور المحترم عطاني D!
وهكذا، إما بسببة رعونة الدكتور، أو بسبب الدرجات السيئة، أو مختلط من الإثنين، لم يكن المعدل بالسار!
طبعاً جاني إنذار، كوني في الفصل 111 معدلي نازل أيضا… وكان لازم آجيب في الفصل 121 معدل أكثر من 2.5!
كيف؟ السؤال إلي تراود في بالي…
-آزيد الدراسة والمذاكرة؟ لكن هالشيء ما يضمن المعدل العالي، ممكن الدكتور يكون شديد مثلاً!…
-آقلل عدد الساعات؟ لكن إذا مواد صعبة ما في فايدة!
-آنزل مواد سهلة؟… ممكن!
الحل إلي وصلني للمراد، وهو إلي آنصح أي شخص في مثل هالموقف يسويه…
نزلت 4 مواد سهلة!
4 مواد فقط، عشان آتمكن من المذاكرة، وما يصير ضغط دراسة ومياجر وغيرها…
4 مواد سهلة، عشان آضمن جريد…
نزلت مادتين GS، وعربي ومادة تخصص سهلة…
والحمدلله، في النهاية، بجهد أقل من الفصل إلي جبت فيه 1.3، جبت معدل 3.1!
لولا الغياب، كنت جبت 3.64، لكن الغيابات “مع إنها 5 فقط!” نزلتني 3 جريدات في 3 مواد!
فبالإضافة إلى المواد السهلة، بعض المواد مثل العربي والـGS لازم ما تغيب فيها!
الرسالة إلي حاب آوصلها،
لا تقع في الخطأ إنك يجيك إنذار، وتنزل مواد صعبة في الفصل إلي بعده، ظناً إنك إذا درست راح تجيب معدل عالي… ممكن الدراسة تفيد، لكن مو شيء مضمون، خصوصا ً مع بعض الدكاترة!
وعليكم السلام
ماهو حل انك تنزل مواد سهله و ترفع معدلك
على كذا حول ل جامعه سهله و كل السمسترات راح تكون سهله و تجيب معدل فوق الثلاثه
وراح ينتهي السمستر و انت ما تعلمت شئ جديد اكاديمياً
وخذ ببالك انه سمستر كامل ضاع عليك تقريباً في مواد ما تسوى …
ف انا من رايي ان الواحد يوقف وقفه صادقه مع نفسه و ينزل مواد طبيعيه
و يشد حيله و يطلع قدراته الحقيقيه والله الموفق في النهايه
وجهة نظرك واضحه ان الواحد ياخذ سمستر واحد سهل عشان يرفع المعدل
بس من وجهة نظري اشوف ان الواحد بالطريقه هذي صحيح انه طلع من منطقة الخطر مؤقتاً
بس ما تعلم شئ و تأخر اكاديمياً بدون الحاجه ل ذلك
على العموم يعطيك العافيه على مشاركة تجربتك
و احييك على المعدل و عودتك لمنطقة الامان
ان شاء الله يكون هذا دافع لك للابداع في السمسترات الجايه ان شاء الله
و الموضوع مفتوح للنقاش
صاحب الموضوع عندك وجههة نظر أحترمها لكن أنا أختلف معك
أنت تقول إنك ترم كامل نزلت مواد سهلة هذا معناته إنك أغلب إذا مو كل السمسترات الجاية رح تكون مواد ثقيلة و صعبة
فالحل الأمثل هو الوقوف مع نفسك و مع ربك و الاجتهاد في المذاكرة الحضور و الأهم الدعاء و التوفيق من الله
عزيزي صاحب الموضوع, المواد الصعبة مردك تدرسها
والمواد اللي انت اخذتها هالسمستر المفروض انك كل سمستر تاخذ وحده منها عشان تخفف عليك الضغط
والانذار ما يروح بهالطريقة, الانذار يروح بالمذاكرة والجد والاجتهاد
لانك اذا كنت حاط ببالك انك كل ما درست مواد صعبة بتاخذ انذار, فأنت حتى لو فلت من الانذار هالسمستر راح يجيك السمستر الجاي
شكلكم مافهتموا راعي الموضوع صح.
يعني تخيل واحد عنده وارننق 3, فإما انه ينزل مواد سهلة مع مواد صعبة ويخاطر بالدسمس, او انه ينزل مواد كلها سهلة ( زي ماسوا الرجال) ويشيل عنه الانذارات وبكذا راح يكون عنده المواد الصعبة بس ياخذها على خفيف احسن من انه يتأخر ترم كامل مدسمس ما أخذ لا مواد سهلة ولا صعبة.
اذا كان الشخص لديه حالة إنذار , فأفضل تخطيط هو تخطيط صاحب الموضوع ,
أحسن ما ينزل مواد على قولتكم طبيعية , وتوه جايب العيد في الترم الي قبل + الديسمس على الأبواب في حال تحذير آخر , وبكذا يتأخر ترم إيقاف + يندمر المعدل …
خيرٌ ما فعلت , وأوصي من لديه تحذير عمل هذه الخطة مع الاجتهاد , والتخطيط في الترم هذا لتعليم النفس سبل المذاكرة المثلى وتعويد النفس على العادات الصحيحة , , ,
لتكون الاترام المتبقية في الجامعة بعون الله مليئة بالانجاز والتميز …
وبالتوفيق بالجميع
كل واحد يعرف خلاص نفسه , وجزاك الله خير على عرض هالتجربة الناجحة
طبعا ً الفكرة موجهة لأصحاب الإنذار مثل ما لاحظ بعض الشباب…
وبالنسبة لي، كان الفصل قبل الأخير، ونزلت مواد الإختياري، فكانت سهلة
المواد إلي أخذتها هي:
Gs 434 مع الصيني، والرجال ممتااز!
Gs 221، مع دكتور حيدر، لكن الدكتور الثاني كان أفضل…
Ias 301 مع عبدالمجيد، أفضل دكتور في الجامعة
ومادة تخصص هي ics 318…
اتفق معك صاحب الموضوع …
ان الأنسان ينزل على الشيء اللي يقدر عليه …
مثلا انا كل سمستر 14-13-12-15 ماكسموم …
طبعا …
انا من الناس اللي تسحب بس بسبب الساعات اللي انا انزلها يمديني الحق على عمري …
بعض الناس ينزل 17 ساعة كلها مواد دسمة و اخر شيء يندم و ما يقدر يسوي شيء
ضغط مياجر و وواجبات و درجاته سيئة و اخرتها معدل زفت ينتهي بآنذار اكاديمي !!
