بسم الله الرحمن الرحيم
عندي سؤال الله يحفظكم أنا عندي السمستر هذا 15 ساعة وودي أحذف مادة الكيمستري
راح يصير عندي 11 ساعة … وش الخطوات اللي لازم أسويها ووش اللي راح يترتب عليها
مثل المكافأة أو تسجيل تقدير موب كويس على الترانسكربت 
( لأني سمعت تقدر تنزل أقل من 12 ساعة مرة واحدة طيلة دراستك بالجامعة )
أرجو الإفادة … 
ما عندك مشكله تقدر تحذفها بس قبل لا تحذفها تأخذ شي اسمه بيتش من المسجل … ( طبعا ما تقدر تآخذ الا مره وحده في دراستك الجامعيه )
وراح تتسجلك الماده بتقدير w هذا التقدير اذا صار كثير في الترانسبكت يأثر على سمعتك الوضيفيه اما اثنين ثلاث ما عندك مشكله …
نصيحتي لك اصبر لين لآخر أسبوع للحذف بتقدير w أتوقع الاسبوع السادس وشف وضعك في الميجر الأول كيفه معاك بعدين اتخذ قرارك …
وبالتوفيق …
مشكور وما قصرت
لكن سؤال هل تقطع المكافأة في حال خفضت عدد الساعات لأقل من 12
اللي اعرف ان المكافئه مربوطه بالمعدل العام
اذا نزل عن 1.75 انقطعت …
<< يوزرك فلللله
ربنا يكرمك !
طلب بسيط وهو الجدول اللي يبين الخطة الدراسية للترم 102
تفضل
http://regweb.kfupm.edu.sa/cal/cal102.htm
بالتوفيق
نصيحتي لك خل هالحركة عند الحاجة لأنهم ما يسمحون لك تسويها مرة ثانية , واذا سمحولك لازم يكون عذرك قوي جدا وقاهر
زي ما قآلوا الشباب خلك حذر في اختيار القرار لإن الواحد منًآ مايدري وش تكون ظروفه في المستقبل
والله يوفقك
وفـر وانا اخوك هالفرصـة للمستقـبل
ماتدري وش الظروف
جرّب نفسك في الميجر الأول…
وحاول تشد حيلك عشان ما تخسر هالفرصة…
بالتوفيق
زي مآقالو الشباب لاتدردب نصيييحة ,
كان عندي نفس وضعك السمستر اللي فات ,
نزلت مادة مو من ضمن التخصص , وتمرمطت عشان البتشن ,
ف الأخير فكرت واستشرت وكملت المادة ,
وفقك الله ,
اخوي فلاش \ شد حيلك ولا تدردبها " حتى وإن جبت العيد في ميجر 1 "
يعني ميجر واحد مايحدد النتيجة النهائيـة هذا أولا ، فعلا سبيل المثال
في إحدى المواد انا جايب في الميجر 52 من 100 ، هل معناها ادردب المادة
قلت كمل وشد حيلك يارجال ، كملت وبدعت وجبت a الحمدلله
القصد لاتعود نفسك على الدردبـة ، بعدين تصير مثل واحد من اخوياي ، كل سمستر ينزل له 13 ساعة " إن شد حيله " وبيجلس بالجامعة حول الـ 7 سنوات يممكن !!
هل إنت خاطرك تطول بهالطريقة ؟
فكرة الساعات القليلة 12-13 ، بتشوف نفسك فاضي ولما يجي الترم الي بعدهـ تنزل 16 ، بتقول يآزيـن الـ 13 يارجال والباقي أباخذه بالصيف ! ، يجي الصيف تقول يبوي وش عندي بس خل اخذ اجازه واجلس عند اهلي وربعي وأفلهآ !
فلذلك نصيحة اخ لأخيـه : واصل وشد حيلك ولاتحاتي القريد إن شاء الله انها سهالات بس يبيلها شوية تعب وان شاء الله انت قدها " والطلاب بالجامعة مو أحسـن منك "
بالتوفيق للجميع
+1 
حبيبي الساعات كل واحد وقدرة تحمله
انت ادرى بنفسك هي صحيح مره في حياتك
وكلها كمستري
بس اختبر ميجر 1
وشف الوضع او اذا انك من النوع الي تتأثر بعد الدرجه براحتك
تذكر كلنا نعتقد انه كلامنا صح
فا المهم كلامك انت وتفكيرك…