بسم الله الرحمن الرحيم
السلام عليكم ورحمة الله وبركاته
بــ إذن الله راح يكون هذا الموضوع مخصص لطلاب ثالث ثانوي 2014
وراح نتناقش فيه عن كل شيء :
:: المذاكرة ، القدرات ، التحصيلي ، همومنا ، مشاكلنا ، تجاربنا ، بترولنا المستقبلي 
] ::
والله يحقق لنا أمنياتنا 
!
4/9/2014
11:31 PM
اتمنى لكم التوفيق ، بداية مبكرة وان شاء الله تكون موفقة ~ 
وبإذن الله نفيدكم بخصوص اي موضوع قبل وبعد القبول في الجامعة
يا هلا وغلا بالأوريات الجدد
ننتظر قبولكم
لا تفوتكم الجامعة يا شباب http://skfupm.kfupm.edu.sa/vb/images/smilies/038.gif
عندي مشكلة بالكمبيوتر مايفتح الانترنت ويوجد مشكلة بال DNS مع اني حاطه Auto …
هل هي من نفس الجامعة ؟؟
كفو ي ي اوريات المستقبل
الله يقويكم ويكتب لكم الخير في كل خطوه
كأني ما أشوف إلا شيبان http://skfupm.kfupm.edu.sa/images/icons/icon10.gif
حياكم الله
شباب انا الححين في ثالث ثنوي وحلمي اني ادخل جامعة البترول كيف اطور نفسي في القدرات والتحصيلي علما اني جايب 66 في القدرات السنة الماضيةة وكم لازم اججيب فيهها
يا هلا ويا مرحبا لا تحاتي يا رجل روق وخلك ريلاكس http://skfupm.kfupm.edu.sa/images/icons/icon10.gif
طال عمرك أنا دخلت أول اختبار وسلمك الله أحط وبس طبعاً هذا الكمي ، أما بالنسبة
للفظي للأمانة كنت أحل لكن درجتي بصفة عامة ضعيفة جداً ، أول اختبار جبت فيه
68 ، الإختبار الثاني نفس الحكاية بالظبط و****لكن تقدر تقول ساقت معي وجبت 74 .
بالنسبة للإختبار الجاي ، بسألك أنت وش الكتب الي عندك ؟ أذا كان متوفر عندك
كتاب قدرات 1 للبابطين وش رايك نبدأ فيه ؟ لأنه يعتبر أسهل واحد من بين الكتب
واحنا نبغى نبدأ حبه حبه .
وسالفة دورات وخرابيط يرحم والديك ابعد عنها ، والله دخلت رائز وطلعت ما استفدت
غير كيك دونات آكل وأنا داخل وبين الحصتين ووانا طالع .
أنا طبعاً مقررات !
هههههههههههههه
فعلاً … الدورات انحشششوا عنها … والله أكل فلوس بس !
ودونات بعد هههه
أي مساعدة ياشباب حنا في خدمتكم …
وفالكم القبول
السلام عليكم
معكم اخوكم عبدالرحمن الخلف
طموحي دخول جامعة الملك فهد للبترول و المعادن
وبأذن الله نستفيد ونفيد في هذا التجمع
البترول تعتمد على النسبة المركبة ، وهي اللي تتكون من 50% تحصيلي - 30% قدرات - 20% ثانوي
النسبة المركبة تحددها الجامعة في بداية كل تسجيل
مثلا ، النسبة المركبة السنة الجاية = 80
قدراتك الـ 66 نفرض انها ما تغيرت ، والثانوي نفرض تجيب 95 اقل شي
النسبة المركبة = ( نسبة الثانوي ×0.2 ) + ( درجة القدرات × 0.3 ) + ( التحصيلي × 0.5 )
لو تعوض في المعادلة اللي فوق ، اقل تحصيلي لازم تجيبه = 82
هذا مثال توضيحي وان شاء الله درجاتك بتكون أحسسسسسسن ، 
الله يوفقكم جميعاً…
وعليكم السلام ورحمة الله وبركاته
نصيحة يا شباب لا أحد يفرط لا في القدرات ولا في دراسة الثانوية (والتحصيلي يعتمد على دراستك الثانوية)
واللي يفرط وبعد كذا ما حصل قبول فلا يلوم إلا نفسه
واللي أخفق في القدرات فلا ييأس ويكرر المحاولة
وهناك قاعدة مهمة في الدراسة:
إذا حصلت صعوبة في مسألة فهذا بداية فهمك لها
الكثير من الشباب أحيانا إذا حصل صعوبة وما فهم يستسلم ولا يستمر في المسألة ولا يسأل ولا يحاول يفكر بطريقة أخرى
والله الله بثلاث أشياء: الحفظ والفهم والمراجعة
ما يكفي واحد دون الثاني
في المسائل لازم تكون حافظ قوانين وفاهم كيف تحلها
لأنك إذا ما حفظت القوانين وطريقة الحل ما راح تعرف تحل حتى لو إنك فاهم المسألة
ولو فرضنا إنك اكتفيت بالفهم ولا حفظت
تعال بعد مدة طويلة من الزمن وذاكر المسألة
راح تلاحظ إنك نسيتها لأنك ما حفظتها ولا راجعتها
والشي يرسخ عندك بكثرة التكرار والممارسة
والشي الرابع الأهم
التمــــــــــــــــــــــــــــــــــــــــــــــــــــــــارين
لأنها اختبار لفهمك وحفظك
كيف تسمح لنفسك إن الجامعة أو مركز القياس يختبرك وإنت ما اختبرت نفسك؟!
لا تقول أنا فاهم
دليل فهمك هو كثرة حلك للتمارين
اعذروني لو دخلت عرض
لكن هي خواطر تمر بي لما ألاحظ فراغ بعض الشباب وتعلقهم لأوقات طويلة بالانترنت دون فائدة
أنتم يا أخواني مستقبل الإسلام
فلا تضيعوا نعمة الفراغ
لأن هذه النعمة ستمضي ولن يبقى لك إلا ما وضعته فيها من عمل
ويوم القيامة ووقت الحصاد تجني ثمار عملك
وفقكم الرحمن
^^^
يعطيك العافية يا أخوي فريشمان وولا نستغني عن نصايحكم ومنكم نستفيد
وبالعكس والله نتمنى أي شخص من الأخوان الي جابوا درجات حلوة بالقدرات
إنهم ما يقصرون معنا بنصايحهم لعل وعسى نستفيد إن شاء الله ويكون سبب
لتوفقينا طبعاً بعد الله سبحانه .
هههههههههههههههههههههههههه شكلك اخذت دورة عند رائز 
نصيحتي لك ياخوي ادخل منتدى يزيد وتحصل القسم الكمي ادخل عليه وتلاقي شيء من المواضيع المتبثه كتاب ابدأ من هنا كتاب جدا ابداع واذا فهمته اضمنك ما تنزل عن 90 في القسم الكمي بإذن الله.
اما بالنسبة للقسم اللفظي فروح اقرأ في التجميعات لين ما تطفش .
أتمنى لك التوفيق وان يحقق الله رغباتك
نسيت ازود لك حاجة بالنسبة لاختبار التحصيلي
هو اختبار التجميعات بالعربي خويي بس ذاكر التجميعات اخذ 91
بسمه تعالى
أنـــآ من دفعة 2014 بإذن الله …
وبإذنه من المقبولين …
اللهم حقق مناي في الالتحاق بهذه الجامعة …
أسأل من الله توفيق كل شخص شارك في هذا الموضوع لتشجيعنا …
ومن كتب هذا الموضوع …
ولآتنسوا يَ شباب إعملوا لآخرتكم , فَ الحياة ستنتهي ,
يعني حَ نحط جدول يومي إذا وافقتوا ونقرأ سور من القرآن يومياً
ونسأل الله بعده التوفيق …
(…قراءة سورة النصر قبل دخول المدرسة وبعد الخروج …))
إذا وافقتوا … رآح احط كل يوم ليلا نقرا هذي السورة بكره قبل لّ نذاكر سواء للقياس
للتحصيلي او المدرسة …
أوكك؟؟!
موفقين يا اوريات المستقبل
