السلام عليكم ورحمة الله وبركاته،،
اخواني و اخواتي المهندسين والمهندسات العاطلين، اسأل الله العلي العظيم ان يرزق كل واحد فيكم بالوظيفه الي في خاطره وان يعوض انتظاركم بما هو افضل وأجمل…
ان شاء الله انها ازمه زيها زي اي ازمه ثانيه لها وقتها وتنتهي وتنحل الامور ان شاء الله.
في الوقت الحالي سويت هذا الموضوع ابغا اسوي احصائية لأكبر عدد من المهندسين العاطلين مع ذكر التالي:
سنه التخرج:
اسم الجامعة:
التخصص الهندسي:
المعدل:
خبرة او بدون خبرة: ( ان وجد، سنوات الخبرة؟)
احصائية نتعرف فيها على نوعية وقدرات الكادر الهندسي العاطل بالوقت الحالي، ومعرفة الأسباب منها
وأرحب بالنقاشات الي تشمل نصائح او حلول او حتى رأي في هذا الموضوع
شكرًا لسؤالك
وشكرا لك من شارك وسيشارك
اخواني المبتعثين، مو أفضل لو قلتوا اسم الجامعة؟ لأنه مثل ما تعرفوا في جامعات اميريكية كثير والمستويات متفاوتة جدا، بالتالي كلمة خريج أمريكا ليست ذات قيمة دون توضيح
لا اخوي الهندسة تخصص مرغوب بشكل دائم وهو السبب الرئيسي ان حياة الانسان في تطور مستمر ولولاه كان في مصاعب كثيرة في حياة الناس، انظر حولك بتشوف ان كل شي متعلق بالهندسه ولكن المشكلة ان دولتنا اعتمادها الكلي ع البترول وبما ان البترول رايح فيها هالأيام، سبب مشكلة اقتصاديه عندنا وبالتالي مشاكل كثيرة ومن هالمشاكل شُح الوظائف. بينما لو نظرت للخارج " الدول الأوروبية والغربية" الهندسة كل يوم تخصص مرغوب ومطلوب عندهم.
اهلًا وسهلا فيك الموحد بالله
هذا الاستبيان فيه تخصصات هندسية ذكرت كالهربائية والكيميائية والصناعية وهذا لا يدل على انها ماهي مرغوبة او ان التخصص مشي حالك. بل انا اشوف انها تخصصات قويه ولا يستهان فيها.
انا كمبتعث في امريكا من 2011 وهذا اخر ترم لي هندسة ميكانيكية، اشوف ان الشركات الامريكية هنا ما تطلب ولا تفضل الا المهندس. والطلب هنا مستمر على المهندسين بكل تخصصاتهم والكلام يشمل كندا ايضا. والسبب هو ان معرفتي بان هذي الدولتين اقتصادها متنوع كمثال( اعتمادهم على الفحم الحجري، الطاقة المتجددة بكل اشكالها،الجيوثيرمال،التصنيع، البترول، الغاز…الخ) وهذي كلها تحتاج مهندسين. اضافة ان الطالب الامريكي هنا وهو على رأس الدراسة تلقاه يستغل كل فرصه عمل عشان يضيفها في السي في كخبرة(فتلقاه يستغلو الكواب والانترنشب الي هي فرص التدريب ويشتغل كريسيرشر الى هو باحث مع احد مدرسينة وياخذ كلاس يعلمه كل التطبيقات الهندسية الي عن طريق الكمبيوتر ويحترفها ويشتغل كموظف عادي في احد مكاتب الجامعه بعمل جزئي) فيتخرج مهندس ومعه خبرات عمل كثيرة ولو كانت فترات عملها قصيرة. هذا النوع من المهندسين يقدر يتوظف باي مكان في العالم.
السعودية في الماضي ( تقريبا قبل 7سنوات)الي يتخرج ب 2من4 وبدون خبرة، يتوظف في اطلق الشركات كأرامكوا وسابك. بس اليوم بما ان اقتصاد السعودية شبه معدوم بسبب اعتمادنا ع البترول والغاز واعداد خريجين الهندسة زاد… صار في مشكلة بالتوظيف. وأكثر الخريجين معدلاتهم ممتازة ولكن للاسف ما معه اي خبرة.
فأنت اخوي النصيحه الموجهه لك بعد هذا الكلام الطويل، هو انك تبدأ تصنع مستقبلك ابتداء من اليوم.
إِيش تقصد؟ يعني انك ما تفوت اي فرصه كواب او انترنشيب او فرصه عمل داخل الجامعه اثناء دراستك عشان لما تخرجت تكون مميز وتلفت الانتباه لك اكثر. وبالعكس قد تصل انك تكون مرغوب بشركات من برا السعودية بعد، بحكم انك شخص مميز وفريد من نوعه.
اعتذر عن الاطاله لكن حبيت اني أوضح لك بالتفصيل الممل.
بالتوفيق
كمبتعث سابق … انا اشوف كلامك صحيح … واحد من العيال دخل جامعة مستواها ضعيف وكان معدله 4/4 وعمل نقول لجامعة قوية والان معدله قريب من ال3 … قبل سنوات كانت الشركات ماتفرق بين خريجي الجامعات الامريكية …الان الوضع اختلف … اعرف موظفين HR انصدموا من مستوى بعض خريجي امريكا المتواضع … يمكن هذا من اسباب عطالة بعض خريجي جامعات الخارج.
عجبتني هذي المقاله للأستاذ بندر السفير والعيب ليس في تخصص الهندسة، فهو مطلوب في سوق العمل السعودي،
"بطالة الهندسة وهندسة البطالة
بندر السفير
من غير المنطقي أن يكون لدينا أكثر من 85% من المهندسين «غير سعوديين» وتوجد بطالة لمهندسين سعوديين! ومن غير المعقول أن تُشير الإحصائيات لحاجتنا إلى أكثر من 100 ألف مهندس سعودي خلال السنوات القليلة القادمة، وفي ذات الوقت لدينا آلاف المهندسين السعوديين العاطلين عن العمل!"
قريت الردود لكن ماشفت من اصحابها ، عشان ماأحد ياخذ الموضوع شخصي
لكن أجزم ان بعض الاشخاص يجيك يقول انا عاطل ويصيح وهو موظف لكن في وظيفه ماهي عاجبته أو انه جاله عرض ورفضه لأنه ماهو بمستواه بزعمه