فتحت هالموضوع عشان افيد الطلاب اللي عندهم استفسار عن برنامج الابتعاث لارامكو بما انه خلاص قرب التسجيل
راح أتكلم عن البرنامج من ناحية القبول.
طبعا القبول الناس مصعبينه مره وانه شبه تعجيزي اختبارهم كله كلام غير صحيح صح ان اختبارهم يميل للصعوبه شوي بس الهدف منه مو انك تجيب كامل لا انت مجرد ما تعدي الاختبار بحلك لعدد معين من الاسئله فانت باذن الله من المرشحين للقبول وعقب ما بدينا البرنامج قالوا لنا هالكلام وان الطلاب اللي جابوا كامل بالاختبار قليلين مره وينعدون ع الأصابع.
نجي للاختبار : الاختبار ماث وانقلش ٦٠ سؤال لكل قسم
مدته : أتذكر كان ٣ ساعات للماث وساعه ونص للانقلش
كيف تستعد له ؟
بالنسبه للماث مافي مصدر معين الصراحه ذاكر كانك تذاكر للتحصيلي وفي أسئلة قدرات هو يعني مكس بين الاثنين بالنسبه لسكان الشرقية كان في دورات يجهزونك للاختبار زي الأمثل والرواد مدري عن باقي المناطق ، اما الانقلش مدري والله شلون تستعد له اغلبنا دخل ع البركه عموما بموقعهم في امثله للأسئلة بتاضح لك الصوره اكثر.
وش هي معايير القبول؟
طبعا ما يصرحون فيها رسميا لكن على كلام البعض
اختبارهم > القدارات > المدرسة والتحصيلي وهذا اللي لاحظناه.
اكثر شيء يعتمدون عليه هو اختبارهم
زي ما قلتلكم القبول مب صعب ابد لكن وش الصعب الصعب انه يجيك التخصص اللي تبيه لان المنافسه قويه مره على بعض التخصصات وهم ياخذون عدد قليل يعني شد حيلك مره باختبارهم عشان تتدلع باختيار التخصص.
دفعتنا هالسنه ٢٠٩ عيال
وشيء بالستينات للبنات
كثيير ينقبلون وينسحبون ويروحون أماكن ثانيه زي سابك ولا كاوست فيحطون عدد انتظار واغلبيتهم ينقبلون.
وبالنسبة للي ما يبي ابتعاث خارجي ولا عنده ظروف في ابتعاث داخلي للبترول للعيال بس اهم شيء يصير تخصصك موجود بالبترول والحين صاروا متساهلين ما يقولون لا.
باقي المعلومات موجوده ع الموقع مدري اذا نسيت شيء بس أي سؤال انا حاضر
وبالتوفيق للجميع
وعليكم السلام ورحمة الله وبركاته
عندي استفسار حول اليه الابتعاث الداخلي هل هو على حسب التخصص المقبول فيه ام حسب جنس الشخص المتقدم وظروفه ام غير ذلك؟ وشكرا لفتح هذا الموضوع المفيد
الابتعاث الداخلي للعيال بس وللبترول البنات بس خارجي ويقولون لك لازم تعطينا عذر ليش تبي البترول بس غالبا يوافقون ما يدققون لو تعطيهم اي عذر وبالنسبه للتخصص اللي اقصده ان لازم تخصصك موجود بالبترول في تخصصات مو موجودة زي هندسة السلامة مثلا ، هذا ماله الا برا
طيب من ناحيه اختيار التخصص يعطوني مجال اختار تخصصات عند التسجيل فرضا اول تخصص ابيه طلع فل او ماجبت درجه بختبارهم تأهلني اختار هل اجباري يحطوني بالتخصص الثاني ولا يخيروني بين البقيه
بحاول ان شاء الله اذا لقيت وقت لكن الفتره ذي صعبه شوي عموما في كثير تكلموا عن البرنامج بتويتر وسناب و ع اليوتيوب فاذا طلعت بكرر كلامهم فقط وعموما اللي عنده سؤال يقدر يسأل بتويتر على هاشتاق #cpp18 حق دفعتنا وان شاء الله ما يقصرون واي سؤال هنا انا حاضر
التخصصات اللي تحطها بالموقع وقت التسجيل ما منها فايده وما تحدد تخصصك ، بعدين ان شاء الله اذا انقبلت راح يجيبونكم يوم ويعرفون عن التخصصات ويعطونكم ورقة فيها التخصصات وانت ترتب رغباتك تحط ٨ رغبات اذا ما توفرت الاولى يعطونك الثانيه وهكذا
السلام عليكم اولا
اخوي انا اختبرت الاختبار من اكثر من ثلاث اسابيع في ينبع واعرف ناس كثييير جاهم الرد اما رفض او قبول من اسبوع، الا انا من اول اصبر متى يرسلولي رد تاخرو بزياده.
هل هذا التاخير عادي ولا حطوني انتظار ولا ايش؟