بسم الله الرحمن الرحيم
السلام عليكم ورحمه الله
كل عام وانتم بخير وادام الله علينا وعليكم الاعياد والافراح بخير وسرور
مدخل / القدرات قرب ومابقى الا شهر وشوي
اقف احتراما لكل طالب مجتهد وكل شخص يبحث عن حلول وطرق لاجتياز اختبار القدرات بيسر وسهوله وبدرجات عاليه
قليل من يفكر في مستقبله اليومين ذي
الموهم
يبدا الطالب يبحث من هنا وهناك ويسمع من هنا وهناك ويحتار ايش الصح وايش الاصح
وحبيت اني اساعد اخواني طلاب الثانوي بطرح تجربتي الخاصه في اجتياز اختبار القدرات بدرجه عاليه<< وش عنده الشايب
طبعا بعد دراسه وتحقيق واطلاع وتجربه
اكتشفت ان اختبار القدرات يحتاج له حاجه واحده فقط … الا وهي التدريب ثم التدريب
لو تلاحظو ان اغلب كتب القدرات في بدايتها عدد من الصفيحات للقوانين فقط … و200 صفحه تمارين لم توضع هباء
بل وضعت حتى تمسك مرسمه او قلم وتبدا تحل بنفسك
كيف؟
انا عن نفسي في اول اختبار قدرات دخلت زي الاعمى وجبت درجه سيئه ههههههه
وثاني اختبار اشتريت كتاب رام 1 وبدات اقرا فيه فقط … وكنت ادخل منتدى يزيد واقرا فقط
وجبت درجه في السبعينات
اخر اختبار دخلته … هذا الي استعديت له صح وعرفت كيف اجيب راسه خخخخخ
اليك عزيزي الطالب بالتوضيح التعليمات والارشادات لاجتياز اختبار القدرات
المقادير
1- كتاب رام 1
2 - كتاب قبول 1
3 - مراسم او اقلام
4- درزن اوراق
5- جهاز كمبيوتر وانترنت
اولا
ابدا بكتاب رام 1
الخطوات
1- اقرا القوانين وافهمها جيدا
2- امسك مرسمه او قلم وابدا حل المسائل مسئله مسئله ولاتنظر الى حلول الكتاب ابدا
وبعد حل عدد من المسائل روح شوف حلول الكتاب … ااذا كان حلك صحيح فكما هو … واذا حلك خطا تعلم من خطاك واعرف كيف تتجاوز خطاك
وهكذا الى ماتخلص كتاب رام 1 كاملا … لاتعدي مساله الا وانت حالها ولاتترك اي شي ابدا
ثانيا
امسك كتاب قبول 1 … واعتقد الان تغير اسمه الى كتاب قدرات 1 … للاستاذ فهد البابطين
الخطوات
امسك مرسمه او قلم وحل كل المسائل اللي فيه… واهم شي حل بنفسك بعدين روح شوف حلول الكتاب … وراح تلاحظ تحسن في طريقه حلك وسرعتك ولاتترك مساله الا وتحلها … وماراح ياخذ من وقتك شي كثير وراح يمر عليك بسهوله
ثالثا
افتح منتدى القدرات والتحصيلي وادخل قسم تجميع الاسئله للسنوات السابقه
الخطوات
امسك ورقه وقلم وحل كل الاسئله الموجوده ولاتنظر لحل السؤال الا بعد ماتحل بنفسك
وهذا رابط المنتدى http://www.test-q.com/
(( في هذي الخطوه انا ركزت على الكمي فقط))
(( لا انصح بمنتدى يزيد ابدا لان اغلب الحلول الموجوده فيه خاطئه ))
على العموم الشغله كلها اخذت مني اقل من شهر ولله الحمد
وتقريبا راح يكون عدد المسائل المحلوله حول 600 او 700 خخخ ماشاء الله
واهم شي اهم شي قبل اختبار القدرات بيوم او يومين لاتسوي اي شي ولاتذاكر اي شي … فلها واستانس واطلع مع خوياك وفلها واضحك … لان الراحه النفسيه مهمه
وروح اختبار القدرات كانك بتشرب شاي وتطلع مو بتختبر
وانصح بالتسجيل في الاختبار في وسط الاسبوع في الليل
والحمدلله بعد هذي التجربه جبت درجه عاليه ماكنت اتوقعها ولله الحمد فوق 85 ماشاء الله
وما انسى ابدا مساعده ونصائح الاخ فالح جزاه الله الف ومليون خير وقف معاي وقفه حلوه وله الفضل الكبير بعد الله سبحانه وتعالى 
ولاننسى ياخوان ان الدين فوق كل شي
يعني هذي الخطوات والارشادات بعد ماتصلح ذات نفسك في الدين
لان الله هو اللي يوفق وهو القادر على كل شي… فاعمل على رضاه دائما وابدا وابعد عن مايغضبه ويعصيه
ولاتنسون دعاء الوالدين وبرهما مهم جدا
هذا واسال الله لكم التوفيق والدرجات العاليه
لاتنسونا من صالح دعواتكم
اي استفسار او مساعد انا حاضر 
