السلام عليكم جميعا ورحمة والله وبركاته
عندي بكرة مقابلة مع شركة القريان للسكراب في قسم الاوبريشن .
أحد عنده اي معلومات عنها ؟ رواتبها ؟ طبيعة العمل؟
ما اذكر اني قدمت عليها صراحة بمكن كلموني عبر اللينكد ان .
1 Like
عليكم السلام
اذا مقابلتك فالدمام الصناعية الثانية فالدمام فاللي بيسوي معك المقابلة مدير الموارد البشرية شمري ومعاه السكرتيره تكتب ملاحظات
مقابلتي كانت على التدريب التعاوني عندهم وكانت سهلات بالانجليزي تكلم عن نفسك ومشروعك ,وليه معدلك نازل فالدبلوم وعالي فالبكالوريوس ووش تعرف عن الشركة وسالني اسالة بيسك عن الكهرباء بما ان تخصصي يندرج فالكهرباء زي وش قاونون اوم , حالة التيار في حال كانت الدائرة توازي او توالي, قوانين CDR , VDR , KVL وسألني وش الحساسات اللي ممكن موجودة على خط الانتاج (Ultra sonic, proximity) ولما خلصت المقابلة قال خلاص عديت مبروك
ومثل ماقلت المقابلة كانت للتطبيق عندهم ويمكن تختلف اذا كانت توظيف مادري
عموما اذا تخصصك ميكانيكا توقع 95% بتجيك اسالة تكنيكال راجع زين
1 Like
أنا سويت معاهم مقابله قبل فترة على بوزشن ديبوتي اوبريشن منجر، وافقوا و بعدها طلبوا اقدم اجازه من شغلي و أداوم يومين معهم و بعدها سوو لي مقابله ثانيه مع المدير العام و طلبوا اقدم اجازه مره ثانيه !
وضعهم ملخبط شويتين. المهم انهم قالو اوك موافقين و بنرسل لك العرض بعد شوي و بعد كم ساعه قالو نعتذر.
اللي شفته ان عملهم في أحواش فيها انواع السكراب من الأسلاك و الجنوط و القدور الا الكابل الكبيرة. يقطعونها و يييعونها.
1 Like
أخ زحلطن
انا مسوين ليي مقابلة ع نفس البوزشن
بعد كم يوم ردوا عليك عشان العرض ؟
وكيف وضع الشركة حسب معلوماتك ؟
يعطيك العافية أخوي abus3od كفيت ووفيت
اخوي the max
ردو بعد اسبوع او اسبوعين بس مثل ما قلت لك وضعهم ملخبط مو واضح هم وش يبون. اما بالنسبة للعرض انا قلت لهم من قبل المقابلة لما اتصلوا فيني كم الراتب علشان اشوف يستاهل احضر المقابلة او لا فقال لي انه حول 19,000 ما ادري ممكن قاله علشان احضر المقابلة بس.
و بعدها سويت المقابلات و مشيت معاهم لين قالوا اوك و بنرسل لك العرض. ثم بعدها ارسلوا اعتذار انك كنت المرشح الافضل لكن نعتذر منك و سنتواصل معك لاحقاً.
اذا انت فريش روح عندهم اذا عندك وظيفة و مرتاح فيها خلك احسن لك. لان دوامهم من 7ونص الى 5 ونص. و الظاهر ان فيه اسبوع او اسبوعين في الشهر تداوم يوم خميس.
1 Like