السلام عليكم
أخواني ابي تعاونكم في جمع المعلومات الكافية في القارنة بين الشركتين؟ المواضيع واجد عن الشركتين بس كلها ليست واضحة بالكامل و اتمنا لو تجيبون على الأسأله التالية:
المميزات:
الراتب+ البدلات
التطوير:
كورسات خارج و داخل المملكة
الإدارة:
التعاملوماهي الافضل في نظرك؟
شاكرين و مقدرين لكم
هالبيرتون ادارتها في المملكة ماسكينها مصاروه
بيكرهيوس ادارتها امريكية
Enough Said…
انصحك ابعد عن هالبيرتون وخلك ببيكر هيوز لو انت مقرر تختار بينهم
بالتوفيق
انا اشتغل في هاليبورتون
بالنسبة للادارة والتعامل موعاجبني ولا الراتب مقارنة بين الشركات الثانية مثل شلمبرجير وبيكرهيوز
لكن الحمدلله على كل شي
وبيكرهيوز على حسب ماسمعت ان ادارتها ممتازة ورواتبها اعلى بكثير من هاليبورتون لان مرة قابلت واحد وقالي عن الرواتب وشفتها ان رواتبها اعلى وتطويرها افضل من هاليبورتون
فلو خيروني بين هالشركتين اختار بيكرهيوز
وانت لك الخيار
بالتوفيق يارب
هاليبيرتون حلوه… بس المشكله على كلام الناس ان كلها مصاريه والمصاريه زي ماتعرف يلعبون بالمكان لعب
انا اخوي اشتغل بهاليبورتون قبل وطلع من التعامل السيء من الادارة … والان هو في بيكر هيوز واموره تمام والحمدلله … لكن في اول سنة وشوية كان دايما يطلع للفيلد وكان متعب خصوصا في اوقات الشتا … كان يطلع من مرتين الى 3 بالشهر … لكن كان يطلع من كل جوب بالفيلد حول 5000 ريال غير الراتب والبدلات … الان هو تثبت وقام مايطلع للفيلد خلاص وترقى واموره طيبة … فيعني من تجربة اخوي لو انا بدالك اروح بيكر هيوز … بالتوفيق
ممكن طريقة التقديم لبيكر هيوز الله لايهينك
هل ينظرون للمعدل أو الخيرة أو الإثنين معا ؟
تقبل خالص تحياتي
أنا أذكر اني سويت مقابله مع بيكر هيوز و معدلي 2.2 و كنت حديث التخرج لكن ما ربك أراد انهم يقبلوني … فلذلك ما أعتقد انهم ينظرون للمعدل أو سنوات الخبره …
و بالنسبه لطريقه التقديم ما أذكر بالضبط كيف لكن أعتقد والله أعلم عن طريق موقعهم قدمت …
أتمنى للجميع التوفيق
طبقت الكوأب في بيكرهيوز وصراحه بيئة عمل ممتازه, وتخرجت الحين ومقدم عليهم اونلاين مرات كثيره ولسه ما جاني رد
بالمختصر بيكرهيوز احسن من هاليبرتن لان كل الي اشتغلت معهم في الكوأب كانو في هاليبرتون وطلعو منها وهم يسبوها كمان…
اسأل الله التوفيق للجميع
انا توني طالع من فونداشن والله يكتب في الخير
بس سوالي وش مميزاتهم: الراتب، البدلات، كم يعطون لما تطلع جوب، في تطوير؟
بيكرهيوز وش مميزاتهم: الراتب، البدلات، كم يعطون لما تطلع جوب، في تطوير؟
يا شباااب انا ما ادري ليه الناس طايرين في الشركات البتروليه ترااا والله الراتب مو كل شي ولا البدلات كل شي
وترا السالفه ااراء وقناعااات
كلامك صحيح اخوي بس الشركات البترولية تعطيك خبرة قوية في بداية مسيرتك.
الله يوفقك أخوي
ممكن تعطينا شرح مفصل عن الفاونديشن داي
و كيف اختبار الانجلش هل هو صعب؟ و كيف طريقة الاستعداد له؟
بالنسبه لهاليبورتن صح ان فيها مصاريه وكذا بس ما اشوف فيه مشاكل معهم بالعكس جدا ممتازين …
حاليا اشوف فيه توجه من الشركه بسعودة وظائف المهندسين … وفيه بالشركه جنسيات متعدده من كل مكان …
امريكا فنزولا كازاخستان اندونيسيا الجزائر ووو
وبالنسبه لبرنامجهم التدريبي يكون من 10 اشهر الى سنه حسب شطارتك
ويكون اول شهرين او ثلاث اشهر مركزه على الكورسات وكورسات اون لاين بسيطه ،، ومتطلب طلعتين ع الاقل للفيلد
بعدها تطلع مصر تاخذ كورسات لمدة 3-4 اسابيع وتكون مضغوطه والمعلومات كبيره … وراح تحدد مصيرك اما تعدي بدرجه لا تقل عن 80٪ او مع الباب …
واذا عديت الكورس ترجع السعوديه وتجلس تتعلم طريقة الشغل وتطلع مع مهندسين للفيلد وتتعلم كيف الشغل … المرحله هذي تاخذ 3-4 اشهر ع حسب الشخص وشطارته …
بعدها تطلع امريكا 3 اشهر تدريب … ويكون شي سهالات ورايق … بعد ماترجع تاخذ فتره بسيطه وبعدها تسوي بريك آوت وتصير رسميا فيلد انجينير …
الراتب الاول للفرش يكون كالتالي :
10،000 بيسك
35٪ بدل سكن = 3،500
800 بدل مواصلات
400 بدل اكل
البكج يطلع 14،700
بعد ماتخلص السنه يكون لك نسبه معينه من كل مهمه تطلع فيها للفيلد ويكون مردودك من الطلعه تقريبا 4500 تزيد او تنقص ع حسب المهمه وحجمها …
الدوام يكون في اول سنه في كل ايام الاسبوع ما عدا الجمعه … مع اجازه 30 يوم …
بعد السنه او البريك آوت يكون دوامك 4 اسابيع عمل مقابل اسبوعين اجازه
بالتوفيق للجميع
تسلم ياغالي على هالمعلومات المهمة لكن هل الراتب الذي ذكرته في الاخير يعطي بعد سنة التدريب أم منذ بداية تدريبك
الله يجزاك خير على المعلومات .
شكرا عالمعلومات يا شباب
هلا في احد حضر مقابلتهم في دبي او الكويت الي يسمونها بيكرهيوز اكسبيرينس؟ وكيف كانت ؟
اخوي ترانسفورمر
الراتب اللي ذكرته يمشي لك من اول يوم لك في هاليبورتن … يعني هذا راتبك وانت متدرب