السلام عليكم
يااخوان ابي مشورتكم في شركه بكتل من ناحيه الاستقرار الوظيفي والمميزات الاخرى .
ياشباب ولا مشاركه !!!!
بكتل في الرياض ؟؟؟ تبع القطار
Up
اي نعم يا كااوي
والله يالغالي شوف انا من اهل الجبيل , حدود معرفتي ببكتل انها الشركة اللي بنت البنيه التحتيه للجبيل شركة عظيمه من ناحية الأسم والخبرة وحط تحت الخبرة الف خط , وهم عندهم ديبارتمنت في مبنى الهيئة في الطابق الثالث
من ناحية المميزات لا اعلم والله لكن اعتقد انها ليست بالسيئة لكن خبرتهم والله اعلم انها قوية, عموما شوف ابنصحك نصيحه من اخوي اذا انت في اول مشوارك خذها ولا تردد انت في اول سنينك الحين الخبرة اهم شيء لان بحكم الهروض والشركات بكره غيرك اللي في الشركات الكبيرة ممكن مع خبره كويسه عندك تقدم على الشركة اللي هو فيها او غيرها ويعطونك اوفر حلو , انا على سبيل المثال في شركة أسمها قوي جدا ومميزاتها المالية ولا احلى لكن مركون في مكتب وشغل بسيط ولا ترييينق ولا هم يحزنون وش استفدت ؟؟ الفلوس ؟ الفلوس تجي صدقني لا تنظر بين ارجولك فكر قدام وخمس سنوات وعشر
أعرفلك شخص في نفس الشركة اللي انها فيها اخذ خبره مع شركة تبع الكنترول سيستيم اسمها يوكيقاوا واشهر من نار على علم في البروسيس كنترول لكن مع راتب زهيد جدا لكن اخذ خبره خياليه وفهم التكنيكل من المصدر نفس وقدم على الشركة اللي انها فيها وعطوه عرض قوي جدا وفوق هذا هو لاعب مهم هناك والكل يحتاج لسبب واحد فقط لأنه فاهم وعنده خبره
الله يوفقك يالغالي وماعليش طولنا عليك لكن ودنا انك تختصر طرق واشياء جربناها
وش تخصصك اذا ممكن ؟ وهل اجريت مقابلة معهم؟
بالمناسبة اشوف مشروع القطار راح يكون فيه خبرة ممتازة خصوصا مع الشركات الاجنبية
هندسه كهربائيه.
لكن وش مميزاتهم.
Upppp
up
انا سبق و عملت مع الشركة في مشروع معادن الالمنيوم. شركة بكتل هي الاولى في العالم في مجالها
(epcm) و هي شركة تمتلك موظفين ذوي خبرة عالية و احترافيين و راح تكتسب الكثير منهم. الشركة هدفها الجودة و انجاز العمل بأسرع وقت يعني الشغل ما يوقف كرف لكن بيئة عمل احترافية و راح تكون تحت ضغط دائم في حال فهمت الشغل و توقع تسوي كل شي. رواتبها عاليه و كل على حسب خبرته و مكان المشروع. يعيب بكتل ان بعد نهاية المشروع و حتى ان كنت اوك راح يقولوا لك مع السلامة لكن راح تفتح لك آفاق في المعرفة و مجالات وظيفية متعددة ان شاء الله. بالتوفيق
1 Like