السلام عليكم، حبيت استيشركم بموضوع. الحمدلله وفقني الله . و جاني عرضين من جهتين وحدة من الBig 4 و الثاني الي هو برنامج الخريجين تبع صندوق الاستثمار PIF GDP .
سؤالي هو انه في رأيكم ماهو العرض الأفضل و الي يساعد في النمو الوظيفي لاحقا ؟.
و شكرا لكم…
ما شاء الله، مبروك وعقبال المراتب العليا
الف مبرروك
بس ماقلت لنا وش اسمم الشركة والعرض الي جاك علشان نقدر نقارن.
روح PIF
بتستفيد منه اكثر لانه برنامج مخصص للتدريب وصقل مهارات الخريج الجديد ومضمون انك بتجلس معهم طول البرنامج الي هي ١٠ شهور او سنة ماني متاكد
حتى بدون مانشوف راتب Big 4 بتلقى ان التدريب في PIF مقارب او اقل بشوي من Big 4.
اذا بدعت في PIF احتمال تتوظف عندهم او تروح لوحدة من الشركات التابعة لهم نيوم القدية البحر الاحمر الخ… والي هي رواتبهم اعلى بكثير من Big 4
PIF بدون تفكير…
محدثك موظف سابق باحد شركات البيق فور…
ساعات العمل مرهقة ولا يقابلها تعويض مادي يذكر… شركات البيق فور يعتمد انت باي مكتب، مثلاً خبرة مكتب الرياض ممكن تكون مختلفة جداً عن مكتب جدة، وبرضو نوعية العملاء اللي بتشتغل معهم ومديرك بالمشروع،، لانه بالبيق فور مالك مدير ثابت، ممكن الشهر هذا انت شغال مشروع مع مثلاً STC يكون عليك مدير المسؤول عن هذا العميل، وبعدها تروح مثلاً بنك الراجحي او سابك وبرضو مدير مختلف… ومثل ماتعرف فيه الصالح والطالح…
بينما اعتقد PIF راح يحطوك على برنامج تدريبي فمسار معين مثلا شؤون قانونية او التقارير المالية او ادارة الاستثمار، هنا انت راح تمسك لك خط معين وتعرف اتجاهك الوظيفي كيف حيكون…
بينما البيق فور ممكن كل مشروع شغل مختلف، صحيح حتكسب خبرات مختلفه بس مش حتتخصص بحاجه (انا افترض انك حتكون بالكنسلتنق) لانه اذا audit فالشغله معروفه…
بالنسبة للراتب والبدلات، PIF ماعرف بصراحة بس اتصور انهم افضل من البيق فور، وعموماً عندك العرضين ويمديك تقارن هالناحية.
موفق
1 Like
ممكن توضح لنا وش العرضين بالضبط باي قسم وايش التخصص عشان نساعدك
جربت تبحث في لنكدان عن مخرجات برنامج PIF وين توظفوا؟
بالنسبة لي لا أحبذ فكرة التدريب إلا إذا كانت المخرجات متميزة وسهل تحصل وظيفة بعدين في مكان أفضل من ال big 4
انك تدخل في بروسيس التوظيف مرة ثانية بعد 10 شهور وما زلت تعامل معاملة الفرش أشوفه شي الأفضل الواحد يتجنبه
كل التوفيق لك