يمكن في البنوك الشركات يفضلون cpa لكن في شركات المراجعة يشجعون السعوديين انهم يحصلوا على socpa لانهم يبغون شركاء مستقبليين
socpa اختبارها بالعربي وهي عبارة عن معايير المحاسبة والمراجعة والزكاة والضريبة بالمملكة
cpa اختبارها بالانجليزي وهي عن gaap معايير امريكا
وكل الشهادتين خمس مواد
وفي برضه شهادة acca باللغة الانجليزية وهي تتبع المعاير العالمية ifrs وهي 14 مادة وتعتبر الاصعب حسب كلام البعض لكن هي الوحيدة اللي تقدر تدرسها وانت طالب قبل تحصل على شهادة جامعية واختبارها يكون في السعودية في الملحقية البريطانية وبعد ماتحصل على الشهادة واحدة من الجامعات البريطانية (لا اتذكر اسمها) تقدم عليها وقدم بحث عملته عن المحاسبة واذا البحث جيد يعطوك شهادة ماستر
cpa و acca تزيد فرصتك في العمل خارج المملكة اذا كان عندك رغبة بهذا الشيء
إضافة بسيطة للأخ abz، اختبار الcpa من أربع مواد و يغطي حالياً المعايير الدولية ifrs إضافة إلى المعايير الأمريكية gaap أما الacca فيمكن اختصارها إلى ستة مواد لحملة الcpa أو بحسب نوع الشهادات الجامعية أو المهنية التي يحملها مقدم الطلب. أعتقد أن شهادة الماجستير عن طريق الacca هي شهادة فخرية من جامعة أوكسفورد بروكس.
اشكر كل من شارك, انا تكلمت مع شخص اعرفه يشتغل بpwc وسألته عن الرواتب وعن الاوفر تايم, انا استخدمت ارقام abz طبعا من غير ذكر شي عن ديلويت قال قريب منها او اقل شوي, بعد قال انهم يعطون 500 بالشهر زياده للماستر, ومثلها 500 زياده للسي بي ايه! واكد انه مهم اخذ السوكبا للي يبي يتطور.
انا قدمت على ديلويت (اذا توظفت ابي ازعج abz كل يوم ) pwc و e&y وننتظر
شكرا لكل من شارك مره ثانية والله يتقبل صيامكم واعمالكم ويجزاكم عني كل خير
الحقيقة هذا شي انا ماني قادر افهمه, ياليت لو abz بحكم وظيفته الان انه يشرح لنا السبب او الاسباب اللي تخلي رواتب المحاسبين بالشكل القليل هذا؟؟
المحاسبة تخصص دقيق, والسيرتفيكيشن تبعها تخلص الروح وتتعب العقل بشكل كبير, قوانين جالس تتحدث بشكل دوري, وانظمة عالمية متداخله مع انظمة محلية, المحاسب يحتاج انه يجمع كم هائل من المعلومات والمعرفة ولازم انه يكون دقيق وبرضو يحط جهد ووقت ماهو بسيط في العمل وبعد هذا كله يصفى له على مبلغ مايتعدى 10,000 ريال شهريا؟؟ هل هذا قاعده يعني والا بس لأول سنتين والا ايش القصه؟
ما ننكر اهمية الخبرة اللي يحصلها الموظف من العمل مع البق 4 بس مسألة الراتب فيها نظر لانه بصراحه غير متناسب بتاتا مع الجهد المبذول!!
مكاتب المراجعة لا تقارن مع الامكانيات المالية للبنوك والشركات الكبيرة
والسوق السعودي لمكاتب المراجعة غير ناضج
كثير من الشركات تعتبر المراجعة مضيعة فلوس
خاصة ان اغلب الشركات في المملكة هي شركات افراد أو عائلية
لكن أيضًا شركات المراجعة فيهم شوية بخل
خاصة التكاليف الوحيدة لها هي الموظفيين واجهزة الكمبيوتر
بالنسبة لـbig 4 يمكن الراتب كامل مع البدلات يوصل 12 ألف قبل خصم التأمينات الاجتماعية
لكن انا اتوقع انه يكون مابين 10-11 ألف
في البنوك تلاقي راتب اعلى من 12 ألف
طبعا تقدر
أنا اخذت الكواب في ديلويت وعرضوا علي اني اوقع عقد في نهاية الكواب لكن انا ماحبيت اوقع الا بعد الدراسة حتى اخلي قدامي خيارات
اذا اخذت عندهم الكواب يزيد الراتب 500 ريال عندما ترجع للشركة كموظف رسمي
رواتب الكواب ديلويت 4500 و E&Y 4000 البقية ما اعرف بالظبط
اعلى راتب كواب هو 5000 غالبا يكون البنوك
اما بالنسبة لاسم Big 4 في السي في كمتدرب فانه يفرق حسب خبرتي الشخصية
لكن لازم يسألوك ليه ماوقعت مع ديلويت وليه تبغى تشتغل معانا
الاغلبية يتركوا السي في كلها ويسألوك عن الكواب
يعطيكم العافيه وما تدرون قد ايش استفدت من ردودكم <اكاونتنت صغنون بس عندي سؤال… هل الماستر يفيد المحاسب فعلا بالحياة العملية وبالحصول على الشهاداة المهنية (الcpa وغيرها)؟
حبيب قلبي abz اول شي عيدك مبارك قبل الناس والزحمة لك ولكل الشباب الاعضاء والزائرين والله يعوده عليكم بصحة وسلامة
بصراحة كذا انت لخبطتني, في رد لك قلت اساسي 7000 و3 رواتب بدل سكن و600 بدل نقل, كلها على بعضها يطلع بكج شهري (في حال انه بدل السكن يضاف مع الراتب الشهري والتأمينات تخصم من الراتب وبدل السكن فقط) (((7000*15)*0.91)\12)+600 = 8,562.5 ريال فكيف تقول بين 10 - 11 الف ؟؟
شوف ياسيدي, الجواب الاكيد تاخذه من abz بحكم انه موظف حالي, لكن بالنسبة للcpa في ولايات تسمح بدخول الاختبار بعدد ساعات اقل من 150 ساعه, لكن بعد 2015 كل الولايات لازم 150 ساعة, الان فيه كم ولاية تسمح ب120 ساعة منها كليفورنيا, كولورادو, مساتشوستس, ويمكن مين, اللنوي وقفوها على شهر 7 السنة هذه وصار لازم 150 ساعه, بس حط ببالك انه معاها شرط خبره, اغلب الولايات خبره سنتين, وبعض الولايات سنة بس لازم تكون مخلص 150 ساعة علشان يقبلون بخبره سنة (بعضهم يذكرو انه لازم ماستر يعني مو بس 150 ساعة لكن لازم يكون حاصل على الماستر سواء في المحاسبة او mba)
بالنسبة للcia مافي اشتراط ساعات بس الخبره لازم سنتين للبكلوريوس وسنة للماستر, cma نفس الشي
السوكبا spcpa ماعندي علم كامل لكن الظاهر مايشترطون عدد ساعات ومادري عن اشتراط خبره مع انه ماهوب مذكور شي عن الخبره في موقعهم.
لكن بالنسبة للcpa في ولايات تسمح بدخول الاختبار بعدد ساعات اقل من 150 ساعه, لكن بعد 2015 كل الولايات لازم 150 ساعة, الان فيه كم ولاية تسمح ب120 ساعة منها كليفورنيا, كولورادو, مساتشوستس, ويمكن مين, اللنوي وقفوها على شهر 7 السنة هذه وصار لازم 150 ساعه, بس حط ببالك انه معاها شرط خبره, اغلب الولايات خبره سنتين, وبعض الولايات سنة بس لازم تكون مخلص 150 ساعة علشان يقبلون بخبره سنة (بعضهم يذكرو انه لازم ماستر يعني مو بس 150 ساعة لكن لازم يكون حاصل على الماستر سواء في المحاسبة او mba)
كل عام و أنتم بخير. أريد أن أضيف تنويهاً مهماً على شروط الحصول على الCPA. الكثير من الولايات تطلب من المتقدم أن يكون لديه رقم ضمان اجتماعي SSN، أن تكون الخبرة في التدقيق تحت إشراف CPA، أن يكون المتقدم قد أخذ كورساً في الضرائب الفدرالية. و الأصعب أن الولايات تفرق بين شروط دخول الامتحان و شروط الحصول على الترخيص (إذا أخذ المتقدم الامتحانات خارج أمريكا، تلغى نتائج الامتحان بعد 3 سنوات إن لم يكن المتقدم قد حصل على ترخيص). قبل التقديم إلى أي ولاية عليك قراءة شروطها بعناية مع الأخذ بعين الاعتبار تغير شروط كل ولاية إلى الأصعب بين كل فترة و أخرى. أنا شخصياً لم أقرأ شروط الولاية بعناية (ولاية Illinois) لأفاجأ برفض طلبي لعدم أخذي أي كورس في الضرائب و استطعت تجاوز هذه العقبة لاحقاً و الحمد لله.
انا اتكلم عن راتب الشخص اللي عنده cpa لكن ماعنده خبرة اوديت من غير خصم التامينات
للمعلومية الراتب الاساسي في دبلويت لموظف جديد 7000-7500
7500 ياخذونها الموظفين اللي اخذوا الكواب في ديلويت
الماستر يفيد في cpa حتى تنطبق عليك بعض الشروط
اضافة للشروط اللي ذكروها الشباب بعض الولايات تشترط انك تكون عندك الجنسية الامريكية
والبعض يشترط ان تكون مقيم في الولاية
بالنسبة socpa تشترط عدد ساعات معينة في مواد المحاسبة
لكن هذا الشرط ينطبق على الاشخاص اللي تخصصهم غير المحاسبة مثل الادارة المالية
اذا عديت الاختبارات لازم يكون عندك خبرة سنتين حتى تكون مرخص (توقع على القوائم المالية)
بالنسبة للماستر حسب راي انها ما تفيد كثير في الحياة العملية لانها تنظر للمحاسبة من منظور اكاديمي والشهادات المهنية تنظر للمحاسبة من منظور عملي
