السلام عليكم
اذا ممكن احد عنده علم ت(تقريبا) كم راتب حاملي CFA بالسعودية
افرج تقريبا
وعليكم السلام ورحمه الله وبركاته
اللي اعرفه من شخص عنده الشهادة وخبرة 7 سنين البيسك 30,000 الف ريال ويعتبر قليل أيضا.
أتمنى أكون افدتك.
عدد الحاصلين على CFA في السعودية 346 شخص فقط (أنهى المستويات الثلاث + عنده خبرة عملية 4 سنوات).
العدد هذا قليل مع التوسّع في المجال المالي ودخول بنوك وشركات استثمارية للبلد وبداية صناعات مثل التقنية المالية، هذا يفتح فرص أكبر لحاملي الشهادة.
هذا مايجيب على سؤالك: كم متوسط الرواتب؟، لكن قلّة العدد وازدياد الفرص تمنح الحاصل عليها ميزة استثنائية في هذا الوقت، الشهادة عليها إقبال ومحتمل يزداد الحاصلين عليها خلال الكم سنة الجايين.
بالتوفيق.
1 Like
للرفع اللي عنده معلومة يساعدنا
عندنا واحد بالعمل اعرفه تخصصه ماليه وخبرته أقل من ١٠ سنوات ومو CFA يستلم أساسي ٢٧ فما بالك باللي معه الشهادة.
1 Like
ماشا الله والرد اللي فوقك واحد معه CFA ويتسلم اساسي ٣٠ الارقام متقاربة جدا من بعض مع اختلاف المؤهل! . هل تعتقد يعتمد عالجهة ؟!
واذا ممكن توضح وش جهتكم هل هي بنك او شركات استثمارية.
يختلف نطاق رواتب حملة CFA حسب مجال العمل. يصل في مجال الاستثمارات الى ٨٠ الف او اكثر عند خبرة ٢٠ سنة بالمجال.
اصحاب خبرة العشرة سنوات رواتبهم غالبا لا تقل عن ٤٠
أما في البنوك فسقفها اعلى (سواء CFA او غيره)
وعادة CFA تنفع لاصحاب الخبرة القليلة حتى تختصر عليه وقت. اما اصحاب الخبرات ما يحتاجون يثبتون شيء
متاكد
…
بإذن الله
انا مهندس وجاني فضول اعرف وش طبيعة العمل ؟
الشهادة الحصول عليها صعب وتعتبر على رأس هرم الشهادات المالية
القيادات المالية عندنا في الشركة أعمارهم أقل من 40 سنة وعندهم زي هذي الشهادات وأيضًا ACCA ورواتبهم لا تقل عن 50 ألف ريال
الله يبارك لهم بس ترى المجال مو سهل ومسؤولية كبيرة بس أكيد الي بيتعب بيلقى بعدين
غالب القيادات المالية عندهم زي هذي الشهادات بس هذا ما يعني ان الي عنده هذه الشهادات هو في القيادة
الخبرة تلعب دور كبير جدًا في النهاية
الله يوفق الجميع
1 Like
في مجال الاستثمارات وادارة المحافظ الاستثمارية والصناديق بشكل عام
وايضا البنوك في اقسام معينة فيه، زي الخزينة او التخطيط مثلا.
وابدا مو سهل الحصول عليها، ولا هي صعبة. تحتاج بس نفس طويل والتزام، تاخذ تقريبا ٣ سنوات او سنتين ونص
تختلف دايم الرواتب حسب مجال الشركة (بنوك، شركات مالية استثمارية (العائلية، والمرخصة من هيئة السوق المالية)، شركات المحاسبة، شركات الاستشارات، والشركات الصناعية)
قليل ما تجد صاحب منصب عالي جدا او تنفيذي في شركة ويكون حاصل على CFA، على عكس المدراء الماليين CFOs اللي معاهم CPA او SOCPA او ACCA، وبعضهم مناصبهم تلزمهم للحصول على المحاسبة القانونية.
لا يعني ان CFA ما تنفع للصعود في السلم الوظيفي، بل انها تسرع من وتيرته. لكن CFA اخذت سمعة اكبر من حقها. CFA ليست الا اثبات بمعرفة اساسيات الاستثمار، هذا بالنسبة لخريجي وممارسي المالية والاستثمار. (لا تتعمق الشهادة في الاستثمارات البديلة، او في الاقتصاد ولا حتى الاحصاء)
أما بالنسبة لغير المتخصصين بالمالية فهي ضرورية وتضمن لهم الدخول بهذا المجال.