السلام عليكم ورحمة الله وبركاته مساكم / صبحكم الله بالخير والمحبة
أما قبل
من أكثر المناظر المزعجة في المباني الأكاديمية آخر الترم ، و اللي - والله - تثير الحزن والاستغراب ، تشوف واحد طول بعرض و بكامل رجولته ، تتهطل دموعه ولا يقعد يصيح في مكاتب الدكاترة و هو يدور على درجة تؤهله لدرجة أحسن ، وبالتالي تساعده على معدل أفضل .
يا دكتور الله يخليك ، احتمال : ماآخذ أونر - ماألحق السكند - انطرد من الجامعة - آخذ انذار - ما ألحق على وظيفة !
يوريه الدكتور الكشف - الموثق يومياً - و يشوف له 5 غيابات " في صيف" أو 10 غيابات في الترم ، و يبدأ يرقع بأفلام قصدي أعذار ماتصلح ، و هو يدري أنه “سَحَب” أما لـ : نوم ، طلعة ، أو : مالي خلق !
طيب يابن الحلال ، وشو له تغيب ؟ الكلاس ورك يمثل في بعض الكورسات من 15% - 25 % من الدرجة النهائية ، والله حرام تنقص من الواحد عشان انه ما أخذ ساعة من وقته يتجهز لكويز وياخذ أو سحب على كلاس لعذر أبله !
إن كنت أبي أنصح أي طالب نصيحة لمشواره الجامعي ، فـ هي : على الأقل لا تغيب ! إذا فهمت من المدرس … فـخير وبركة، مافهمت تبني أساس لمذاكرتك بالغرفة أو عند مدرس ثاني … و هذا أشبه بالتحضير، مو تترك الكلاس. الشكوى لله … لو المدرس يغث أو الوقت بس ياالله … الواحد يتحمل ، كلها 5 سنوات بالنسبة للعمر قدام - إذا الله أحيانا - . لاتغيب … لاتغيب … لا تغيب … أقسم بالله ماتحس بغبنة الغياب الا وقت الكلاس وورك آخر الترم !
أتمنى إني ماثقلت عليكم بموضوعي في الختام ، كل المودة والحب لكمو جُمعة مباركة
على الهامش ( و تحت الكلمتين مليون خط ! ) : اللي كتب المقال عن مكتبة الجامعة في الجريدة ، ودك تمحطه لين يقول بس ! يقطع ابليسك حنا كورساتنا من الكتب بس و متوهقين ، شلون تبي منا نبحث بمراجع خارجية ؟!
الكلاس وورك أغلبه يروح في الكوزات للمواد العلمية وشوية من الهومووركات والغيابات تعتبر نقلجبل كومبيرد وذ كوزز
الغيابات تأثيرها الملحوظ فقط مع مواد العربي والاسلامي والانجليزي والرياضة واللابات فقط!!
من وجهة نظري دام عندك 9 غيابات حللهم وغبهم والنجاح بإذن الله ناجح وإن كانت فارقة فقط علامة حلال على الدكتور والعبرة بالكوزات وأصلن المفروض التحضير ما يخصمون عليه درجات من الكلاس وورك لأن يا دكتور الحضور الزامي للطلاب فلمن الطالب يحضر كل الكلاسات ليش ما شجعته وزدته درجات وعطيته بونص (الله يذكرك بالخير يا أ. خالد السليمان ) يعني يغيب تخصم ويحضر ما تخصم طيب ليش ما تكون يغيب ما تخصم يحضر تعطي بونص ؟؟
ماتوقعت هذا الرد منك ياأخ / واصل ، وانت مضرب علو الهمة بيننا ! … هل يكتفى بالنجاح بس ؟ والا عشان تخرجت - ماشاء الله - … صارت ماتهمك الـ 16 ساعة أكاديمية اللي الغياب يلاحظ فيها - حسب كلامك - ؟ واللاب كم يمثل من الكورسات العلمية ؟ أقل شي 20% 20% من اللاب + 15% من الكلاس وورك = 35% من الدرجة الكلية ( مجموع 3 إلى 4 قريدات !) < ماهي لعب والكوزات كيف تذاكر لها ؟ عن طريق فهم لو شي بسيط من عند الدكتور ، و بعدين تراجع في الغرفة / البيت . تحيتي لك أخي الفاضل
الله يعافيك عزيزي سيزار ما حاس مريرنا " خربنا" ولا جاب العيد بدرجاتنا إلا إنا نسأل : وش لنا ؟ في الحياة - عموماً - المفروض تعرف اللي عليك قبل اللي لك . و من هنا تعرف أولوياتك و وش اللي المفروض تهتم فيه .
أتمنى أخي الكريم إنك تشوف آخر فقرتين في موضوعي عن فائدة الحضور عموماً . وفقك الرب … وأعلى مقامك
النوم سلطان … مو بيدك لو انك تعبان وحطيت 20 منبه جمبك ماراح تقوم
انا اليوم حاط 3 منبهات ونايم من 12 الليل ماقمت الا 10 وكلاسي الساعه 9
قدر الله وماشاء فعل
" أو 10 غيابات في الترم ، و يبدأ يرقع بأفلام قصدي أعذار ماتصلح ، و هو يدري أنه “سَحَب” أما لـ : نوم ، طلعة ، أو : مالي خلق ! 
، مافهمت تبني أساس لمذاكرتك بالغرفة أو عند مدرس ثاني … و هذا أشبه بالتحضير 
، مو تترك الكلاس.
و جُمعة مباركة
