السلام عليكم …
انا خريج حديث ماستر IT Mgmt. من امريكا و حاصل على بكالريوس Computer Sci. من امريكا ايضاً و عندي خبره سابقه سنتين قبل البكالريوس و لكنها بعيده عن مجال الاي تي نهائيا
لي متخرج شهرين و نص من تخرجت قدمت اونلاين على كل الشركات تقريبا و اغلب و اشهر شركات التوظيف
من شركات التوظيف اللي قدمت عليها Bayt.com تقريبا 90 ابلكيشن
gulf talent , gulf monster, مهنتي , موقع akhtaboot , مهنتي, oilwell 7
قدمت على سابك و و ارامكو و معادن و الفلك و جميع شركات البترول اللي في الدمام, الخبر و الجبيل
قدمت على جميع شركات الاتصالات
قدمت على اغلب الشركات , المعروفه المحليه منها و العالميه
قدمت على القطاعات الصحيه بجميع انواعها
كل يوم ادخل موقع بطاله, و منتدى جامعة البترول و ارسل السي في حق اي وظيفه اشوفها معروضه تناسب مؤهلاتي
بدون مبالغه يمكن الوظايف اللي قدمتها عليها من ارسال السي في عن طريق الايميل او عن طريق المواقع يمكن وصل 600 او اكثر
طبعاُ كل تقديمات الوظيفه قدمتها اونلاين
المشكله؟؟
احس ان جاني اكتئاب و فقدت الامل , الى اليوم و لا شركه دقت علي جوال او ارسلت لي ايميل لا برفض و لا بطلب عمل مقابله , قمت اشك اني حاط ايميلي و رقم جوالي غلط بس كل يوم اشيك معلوماتي و اسوي ابديت للملفات حقتي في مواقع التوظيف اللي ذكرتهم.
السؤال الحين هل الوضع طبيعي الانتظار هالمده بدون اي اتصال و لا حس و لا خبر , او في طرق اخرى للتقديم على الوظائف يعني هل الافضل الذهاب لمقر الشركات و اعطائهم السي في (مع ان الاغلب يقول روح قدم عالموقع), او انه في شركات المفترض اني اقدم عليها و ما قدمت , اقصد شركات متخصصه في تقنية المعلومات اللي هو مجال تخصصي؟ , او السي في حقي مو ذاك الزود مع ان كل اللي شافوه قالوا انه زين و مرتب
أخوي لا تخاف وضعك طبيعي…هالفترة هذي فترة برود في التوظيف و الكل ملاحظ استنى شوي و خيرك قدامك إن شاءالله…
في شركة في الخبر اسمها wipro مكانها برج التميمي أعرف انهم يطلبون تخصصك
و شركة إسمها البلاد العربية برضو في الخبر بس مادري وينها بالضبط تطلب IT كثير لأن كل اصحابي خريجي أمريكا الـ MIS توظفوا فيها
يعطيك العافيه اخوي KFUPM BOY
بخصوص wipro قدمت عليهم اونلاين من فتره و ما جاني رد , و شركة البلاد العربيه اعرف شبابMIS تخرجوا من امريكا و بعد يشتغلون فيها بس طريقتهم كانت بأتصال من الهند يعني هم اللي كلموا الهند علشان يتوظفون ما ادري اذا اللي تعرفهم نفس الطريقه او لا, و انا شكلي بحصل الرقم و بدق عليهم و بشوف, لأن موقعهم اونلاين ما فيه وظايف في الوقت الحالي.
حتى لو انك خريج امريكا او موزمبيق! جماعتنا هنا لازالوا يفكرون بـ 50 سنة ورى!
خريجي الماستر في الغالب لما يقدمون ع وظائف يتعبون كثير و ينظر لهم بـ فوقية! ليه؟؟
قلت لي ليه:
1- لأن اللي بتقدم له الطلب خريج ثانوي او جامعة -مع احترامي- فالنظرة تكون مش ولابد!
2- الشركات تنظر للفلوس! يعني يقول ليه ادفع اكثر لماستر دام البكالوريوس يقدر يسويه بأقل!
راح تلاحظ حاجة يرددونها اسمها “ما نحتاج ماستر”!
3- المدراء و التنفيذين يخافون ع مناصبهم !! ما دروا ان لو دامت لعيرك ما اتصلت اليك!
اخوي -بدون تحطيم ولكن كلام واقعي- من 4 - 6 شهور بعد التخرج هذا average!
اقولها لك من خبرة
ع العموم انت اتصل بالشركات و روح لهم و أبد اهتمامك ان شاء الله تتوظف و تأكد ان المسألة ارزاق … الله يوفقك
بس انا ليش اقول اني فقدت الامل لاني مقدم على شركات و وظايف بالهبل حتى شركات ام ريالين قدمت عليها , و اتوقع اني حطمت الرقم القياسي في عدد الوظايف اللي مقدم عليها
و ما ابي اتوظف بهالوقت ابي عالاقل اتصال من اي شركه يسوي لي جو و تغيير لنفسيتي … و انا ادري أن الفضاوه و الفراغ هم اللي جايبين لي هالوسوسه و الهوجاس
صحيح و أنا حاليا صار لي 6 شهور أكثر الي أقابلهم عندهم فكرة الفوقية و خايفين أنك تاخذ مكانهم يوم من الأيام خصوصا الهنود و الأجانب و صار مواقف آخرها يوم الاربعاء الماضي في بنك ساب الهندي ما عرف يقول لي حجة إلا أني over qualified و أنه خايف أني أسحب عليه بعد شهر أو شهرين لوظيفة أفضل …
حبيبي
بالذات الـ it … ما فيه جهة حكومية أو شبه حكومية أو خاصة إلا و عندها إدارة أو قسم مختص بالـ it
كل ما عليك تتطلق رجلينك طال عمرك و تتوجه لهذي الإدارات وحدة ورا الثانية تعرض نفسك و تسوق لنفسك عندهم
قبلها جهز لك سيرة ذاتية من اللي يحبها قلبك و ليتك يوم كنت في أمريكا توجهت لشركات تساعدك في صياغة السيرة الذاتية جرب تبحث عنها أو اسأل موقع بيت يمكن عندهم هذي الخدمة
اسأل عن مدير إدارة تقنية المعلومات في أي جهة حكومية أو شبه حكومية أو خاصة و سوق لنفسك عنده
كذلك هناك شركات متخصصة مثل شركة العلم و هي شركة مملوكة بالكامل لصندوق الاستثمارات الحكومي ( أعتقد كذا اسمه ) و لديها مشروع ضخم لتحويل كافة المعاملات الحكومية إلى إلكترونية و الاستفادة من بيع المعلومات المصرح بها للمستفيدين على سبيل المثال شركة تستفسر عن إقامة عامل فشركة العلم تقدم الخدمة ميسرة إلكترونيا و لكنها في المقابل تاخذ رسم
السلام عليكم
الشركه الي بالهند اسمها كارتك او كار تكنولجي Kaar Technologies هي شركه انترنشنل متخصصه بمجال الSAP تتعامل هنا مع البلاد العربيه
هذا موقعهم
www.kaar.in
تقدر تقدم منه وتقدر تخذ ارقام الاتصال الي بالهند وتستفسر
شكراُ لتفاعلكم اخواني في الموضوع و الله ان الواحد ينحرج منكم جاتني اكثر من رساله خاصه تعطيني توصيات و و معلومات ممتازه علشان بعض الوظايف فاقول للجميع شكراُ لكم.
بالنسبه لشركة التصنيع قدمت عليها من شهرين بالضبط على وظيفه IT و اتابع وظايفهم بشكل مستمر هي و غيرها من الشركات و شركة kaar قدمت عليها من اسبوع
بالنسبه لشهادة ITIL انا اللحين قاعد اشتعل عليها و قاعد ادرسها و خلصت نص المنهج و ان شاء الله اقل من شهر ادخل الاختبار, و هذي الشهاده CAPM راح اطلع عليها و اشوف وضعها.
