وصلتني رسائل كثير بخصوص هذا الموضوع
رح أستعرض أهمها، لعلها تفيد من هو مهتم 
السلام عليكم ورحمة الله وبركاته
وأنا جالس أبحث في المنتدى عن مواضيع تخص الICS والSecurity تحديدًا، لقيت موضوعك هذا
تخصص الـ Computer Science … نصايحـكم!
ولاحظت إنك كنت تتبنى نفس الأفكار اللي أنا أتبناها الآن، فأنا مهتم كثيرًا بالـSecurity وأحب أن أقرأ أخبارهم رغم إني لا أفهم شيء في الTechnical aspect لهذه الأمور، وبما إن حسابك لحد الآن Active قلت أراسلك وأشوف …
حسب تواريخ المواضيع فإنت من دفعة 2013، أظن سنتين خبرة في التخصص كافية للإجابة على بعض أسئلتي فأنا من دفعة 2015
سؤالي لك الآن وش اللي توصلت له خلاص خوضك في غمار مواد التخصص؟ أدري الواحد ممكن يتغير ميوله وأفكاره مع مرور السنين وهذا طبيعي
لكن ما يخص موضوع الSecurity فيه أسئلة في بالي مثلاً :
1- وش وضع مستقبل التخصص في السعودية؟ هل عليه طلب من شركات مثل أرامكو وسابك والشركات الكبيرة عمومًا؟
2- هل أمور الاختراق ممتعة زي ما أنا أتصورها الآن أم الأمر ممل في حقيقة أمره؟ أو السؤال بطريقة أخرى، ما هي حقيقة الأمر؟
3- هل ندمت إنك التحقت بتخصص علوم الحاسب أم تشوف إنه من أفضل القرارات اللي اتخذتها بحياتك؟ بمعنى لو عاد بك الزمن مرة أخرى وكنت فريشمان هل راح تدخل التخصص مرة ثانية؟ وليش؟ “تحديدًا لهذا السبب”
4- كثير يقولون يمديك تتعلم البرمجة والهاكنق عن طريق النت، ومضيعة وقت إنك تتخصص تخصص الحاسب وهذا هدفك، أو مثلًا يكون هدفك إنك تصنع تطبيقات، فكلها أشياء تتعلمها عن طريق النت، وش رأيك؟
5- لو في الأخير قررت أني أدخل تخصص ثاني غير تخصصات الحاسب، فـ كشخص مهتم في أمن المعلومات وش تنصحني أسوي عشان أشبع ميولي في هذا الجانب؟ أنا أحب الحاسب كثيرًا لكن عندي ميولات ثانية فممكن إني ما أدخل الحاسب كنتيجة، عطني مثلًا مصادر أو خطوات اللي من خلالها أقدر أسوي هالشيء كـ Self-Study …
طبعًا لي أكثر من سنة أبحث من هنا وهناك وأسأل طلاب من التخصص وخريجين وموظفين ودكاترة
لكن قلت أشوف وجهة نظرك والأشياء اللي توصلت لها بعد ما درست جزء كبير من مواد التخصص
هذا اللي في بالي حاليًا وبالتوفيق
عليكم السلام ورحمة الله وبركاته
فعلًا مثل ما ذكرت، الميول يتغير مع مرور السنين، وحاليًا تركيزي على ال security قل لكن ما زال فيه اهتمام
سؤالي لك الآن وش اللي توصلت له خلاص خوضك في غمار مواد التخصص؟
علوم الحاسب علم كبير يفتّح عينك على أبواب كثيرة ممكن تجهلها في السابق،
الجامعة توفر لك موارد ممتازة لتعلم كل هالأبواب، برمجة، أنظمة تشغيل، كلستر، ذكاء اصطناعي، قواعد البيانات، تعلم الآلة، شبكات، حماية، وأمور كثيرة كثيرة جداً، حتما بعد سنتين بتكون شخص مختلف تمامًا خصوصًا لما تكون في مجتمع راقي زي مجتمع جامعة الملك فهد. أغلب الي موجودين ناس رهيبين تتعلم منهم ويحفزونك تصير مبدع أكثر
الجامعة تأهلك أنك تتخصص في أي مجال من مجالات الحاسب بعد ما تخلص الباكلريوس، حيكون عندك معرفة جدًا قوية في كل شي في الحاسب. بعدين وأنت وشطارتك، تلتحق في دورات، عشان تزيد معرفتك في مجالات معينة،
مع ذلك، إنهائك للباكلريوس حيعطيك مهارات جدًا ممتازة وقادر أنك تكون منتج في سوق العمل من غير ما تاخذ دورات، أهم شي أنك ما تفقد الشغف
بعد ما تلتحق لأول وظيفة غالبًا يتحدد فيها تخصصك والشركة حتدربك ع المهارات الي هي تحتاجها، وإلي انت أكيد عندك خلفية فيها، لكن تقدر تغير في أي وقت إذا حسيت أن الوضع ما جاز لك
1- وش وضع مستقبل التخصص في السعودية؟ هل عليه طلب من شركات مثل أرامكو وسابك والشركات الكبيرة عمومًا؟
إذا كنت تقصد علوم الحاسب، فيبدو لي أن مستقبله جدًا باهر، خصوصًا إذا دخلته عن رغبة وشغف، أرامكو كل سنة تبتعث طلاب فيه، وشخصيا ما أعرف أحد عاطل على الإطلاق،
أما إذا تقصد تخصص أمن المعلومات (والي هو فرع من علوم الحاسب)، فهو تخصص مطلوب، لكن ممكن فيه تخصصات عليها طلب أكثر، مثل: علوم البيانات، high performance computing والذكاء الصناعي، وقواعد البيانات، وطبعا تطوير الويب والتطبيقات
يبدو لي هالتخصصات عليها طلب جدًا كبير داخل السعودية
2- هل أمور الاختراق ممتعة زي ما أنا أتصورها الآن أم الأمر ممل في حقيقة أمره؟ أو السؤال بطريقة أخرى، ما هي حقيقة الأمر؟
أنا ما أدري كيف تتصوره، لكن أمن المعلومات والشبكات تخصص ممتع،
لكن لا تتوقع أنهم يعلمونك SQL injection أو Remote Buffer overflow.
في المقابل حتعرف كيف ممكن يحصلوا، وكيف ممكن تحمي نفسك منهم، أحيانا الدكتور ممكن يسوي دورة تتعلم فيها اختبار الاختراق وفي الغالب تكون مدفوعة، عموما أنا أشوف تخصصك في الحماية أفضل من تخصصك في الاختراق، داخل السعودية ع الأقل
3- هل ندمت إنك التحقت بتخصص علوم الحاسب أم تشوف إنه من أفضل القرارات اللي اتخذتها بحياتك؟ بمعنى لو عاد بك الزمن مرة أخرى وكنت فريشمان هل راح تدخل التخصص مرة ثانية؟ وليش؟ “تحديدًا لهذا السبب”
نعم، التحاقي بالتخصص من أفضل قرارات حياتي، ومستمتع جدًا فيه، خصوصًا لما يكون حولك طلاب رهيبين زي طلاب جامعتنا.
بعد تبحري في التخصص اكتشفت شغلات كثير زادتني رغبة أني أستمر وأتعلم أكثر
4- كثير يقولون يمديك تتعلم البرمجة والهاكنق عن طريق النت، ومضيعة وقت إنك تتخصص تخصص الحاسب وهذا هدفك، أو مثلًا يكون هدفك إنك تصنع تطبيقات، فكلها أشياء تتعلمها عن طريق النت، وش رأيك؟
يعني البرمجة ممكن تتعلمها من النت، لكن هل النتيجة مضمونة؟ غالبًأ لا.
في الجامعة مو بس تدرس كيف تبرمج، لا، تدرس كيف تبرمج بكفاءة عالية، ترتيب الأكواد ممكن يغير من سرعة البرنامج بشكل كبير
ممكن تتعلم كيف تبرمج، لكن في الغالب خريج الجامعة أفضل بكثير، هذا غير أن التخصص مو برمجة :)، هم كورسين برمجة، أو 3 إذا حسبت ال data structure، والباقي بحور وعوالم أخرى
بالنسبة للهاكنق، فـ لا،
تحتاج معرفة كبيرة في الشبكات والبرمجة وأنظمة التشغيل عشان تكون هكر محترف، أما إذا كنت تقصد الجماعة المعروفين في تويتر وغيره، فهم وين والهاكينق وين
فيه شهادات كثيرة في عالم الأمن، الحصول عليها مو سهل أبدًا، وما أتوقع التعلم عن طريق النت حيساعد، إلا قليلا ونادرا
5- لو في الأخير قررت أني أدخل تخصص ثاني غير تخصصات الحاسب، فـ كشخص مهتم في أمن المعلومات وش تنصحني أسوي عشان أشبع ميولي في هذا الجانب؟ أنا أحب الحاسب كثيرًا لكن عندي ميولات ثانية فممكن إني ما أدخل الحاسب كنتيجة، عطني مثلًا مصادر أو خطوات اللي من خلالها أقدر أسوي هالشيء كـ Self-Study …
حاول تاخذ الشهادات العالمية زي OSCP, CEH, CCNA, CISSP
دراسة مناهجها حيعطيك وزن كبير في السوق ومعرفة جدا ممتازة
بس حتتشتت كثير، والفائدة تكاد تكون معدومة والنتيجة غير مرضية، ركز ع شغفك أكثر
السلام عليكم ورحمة الله وبركاته
كيف حالك يبو ريان عساك طيب ان شاء الله ، والله انا كنت ادور وابحث في المنتدى ولقيت لك موضوع يشرح حالتي بالضبط ، يعني قلت اللي انا ابغاه بالضبببط في هذا الموضوع
تخصص الـ Computer Science … نصايحـكم!
ف انا جاي اخذ نصايحك ، تقريبا الحين انت سفمور او جونيور ف ان شاء الله عندك فكرة
انا كنت محتار جدا بين Software and Ics بس كلمت الدكتور ياسر العصيفير يمكن تعرفه معروف في مجال ال Seceurity and ethical hacking ونصحني اخش computer since ف انا ان شاء الله رايح بعد بكرة اغير تخصص ل computer sceince
طبعا انا الحين فريشمان ومعدلي تمام الحمد لله ، ياليت تعطيني رايك في الموضوع بالتفصيل وتقولي تجربتك كاملة وايش وصلت له ، لاني والله اعتبره موضوع مصيري في حياتي ومستقبلي
كيف شفت التخصص وهل بيفيد في pentration testing , وعطني اي شي ممكن يفيدني من نصائح .
يعطيك الف الف عافية وبإنتظاااركك
وعليكم السلام ورحمة الله وبركاته
الكمبيوتر سينس رح يتيح لك الفرصة انك تدرس مواد أكثر عن الحاسب (4) مواد حسب الخطة الرسمية، وممكن توصل إلى 6 أو 8 مواد تقريبا زي حالتي
طبعا مو كلها عن السيكيورتي، هو كورس واحد فقط، وتقدر تاخذه اذا كنت SWE
لكني مع ذلك أفضّل علوم الحاسب، لأنه مواده تكنكل أكثر، ومو بالضرورة تكون كلها مرتبطة مع بعض، لكن كونك تعرفها وعندك خلفية قوية عنها هذا الشي أكيد بيفيدك بطريقة ما بغض النظر عن مجال تخصصك
لو تسأل طلاب ال SWE حيقولوا لك أن مواد التخصص معظمها مو قد الطموح، إلى عليها الكلام هي:
SWE 316
SWE 363
ويمكن SWE 387
هذا الكلام عن الكورسات الكور، كورسات الاليكتف عندهم برضو فيها كم كورس جيد
الباقي يمكن ما يفيدك كثير، بالتالي ممكن تدخل علوم حاسب وتدرس هالمواد، ولا يزال عندك الفرصة انك تدرس مواد تيكنيكال أكثر،
أي استفسار حاضر، وطلاب ال SWE مرحب فيهم بأي مداخلة
