السلام عليكم ورحمه الله وبركاته
اخواني انا من جامعه ناشئه … وجتني فرصه اني اطبق في ارامكو ولي الخيار يابقيق او الرياض
وانا الصراحه احترت … وحبيت استفيد منكم …
اول شي هل يوفرون لي سكن في الرياض وبقيق ؟ لاني سمعت انهم يوفرون فقط للي في الظهران
اما خارج الظهران يعطونه بدل سكن 1500 ريال ؟
وهل اذا تم توفير سكن في الرياض … يكون قريب من الشركه ؟
ثاني شي … من وجهه نظركم وش الافضل الرياض او بقيق … من ناحيه المكان والرفاهيه 
ثالث شي … هل ارامكو يشددون بالي يتأخر مثلاً الدوام من 7 وجيتهم الساعه 8
أخوي في الريااض ماافي سكن … أنا ان شاء الله متأكد من هالمعلوومة … أما بقيق مدري عنهم والله … لكن هل يعطونك بدل سكن الله أعلم … اسألهم أفضل لك …
أناا أفضل الريااض من ناحية الرفاهية …
من وجهه نظركم وش الافضل الرياض او بقيق … من ناحيه المكان والرفاهيه
ابقيق محافظة صغيرة هادئة تبعد عن الظهران حوالي 80 كم مافيها زحمة ولا هم يحزنون 
لا في الطرق ولا في المطاعم ولا في شي يعني الدعوة فلاوية
فيها بندة ومول واحد وهو بقيق مول أما المطاعم ففيها كودو وكينتاكي الأرنب الشابع
من ناحية الجو فهي احسن من الظهران بواجد من حيث الرطوبة لأنها بعيدة عن البحر
سير على عيال عمي اذا جالك مجال وحنا نقوم بواجب
.
.
saud89
افا الرياض مافيها سكن 
اخوي انت متأكد من كلامك 100 % ؟
طيب مالهم رقم تلفون اقدر اكلمهم واسالهم عن السكن او ما اقدر !
Chemist
الله يسلمك ماتقصر والله شكلي والله ابي اشد لبقيق
لكن هل بقيق برضو ما يعطون سكن ولا وش الوضع ؟
ياخوي اتوقع القرار يعتمد على نظرتك للتدريب ومكان سكنك
ارامكو الرياض فيها توزيع ( شمال الرياض عند المطار ) الفايده المتوقعه : سيئة
فيها مصفاه ( جنوووب الرياض ) الفايده المتوقعه : جيده
بقيق فيها معامل الفايده المتوقعه : جيده
بقيق مملة ماتصلح للعزاب ابدا بتطفش اذا لحالك
و الرياض مافيها سكن اكيد
^
^
طيب اخوي على الاقل الرياض يعطونك بدل سكن 1500 + بدل نقل 300 ؟
وشاكر لك
لكن هل بقيق برضو ما يعطون سكن ولا وش الوضع ؟
والله ماعندي علم انا اعرف بقيق كمحافظة فقط ان شاء الله بسأل عن السكن وبشوف 
الا يعطونك سكن في بقيق … مع روميت بعد
نصيحه : روح الرياض احسن لك
بقيق ممله جدا وما فيها خدمات هالمحافظه
لكن يحسب لها ان البلانت اللي فيها اكبر معمل في العالم
روح الرياض احسن ولا تترد خصوصا لو كان لك اصدقاء او جماعه هناك
ابعد عن بقيق لو حاب الوناسه … الا في حاله وحده اللي هي يكون لك قرايب في الخبر او الدمام لانها قريبه منهم مره
الريااض مايعطون بدل سكن و لا بدل نقل … يعطونك مكافأتك فقط الا عاد اذا بتكلمهم على الشغلة هذي مدري وش راح يكون ردهم …
ليش الفايدة المتوقعة من التوزيع سيئة ؟!! … ممكن تذكر لنا وش طبيعة عملهم ؟؟ وليه ذكرت انها سيئة ؟؟ حتى من ناحية الوظيفة ؟
ما اعرف عن الرياض لكن بالنسبة لبقيق اتوقع حتستفيد كتير … على فكرة بقيق تبعد عن الظهران 70 كيلو وفيه باصات من ارامكو كل ساعة تقريباً من الظهران إلى بقيق والعكس … المدينة اتوقع مملّة لكن لي فترة أداوم في بقيق من الظهران وأعتمد على باصات ارامكو ومافيش أي مشاكل … يمكن بس تعب الواحد يصحى بدري شوي لكن الباصات مريحة جدا وتقدر تنام طول الرحلة …
اعتقد الاخوان يقصدوا التوزيع سيئة لأنه مافيش شركات تستفيد من خبرتك لأنه محد يشتغل في المجاد دا … لكن بالنسبة للمصفاة موجود في كل المصانع تقريباً … ع العموم هو كواب فما بتفرق كثير معاك 
اتوقع ان ابقيق فيها سكن … لانه في حي كامل لارامكو وهو حي الفرحة
وبالنسبة للمدينة … ما هي ببعيدة عن الخبر والدمام والظهران … كلها حول ساعة الا ربع وانت واصل للجهة اللي تبيها … فاللي اقصده اذا لك اخويا تعرفهم في الخبر … اقدر تنزل لهم كل خميس وجمعة … ومثل ما قال اخوي في رده بالاعلى … الباصات مريحة وكل يوم رايحة وراجعة ما بين ابقيق والظهران