يا شباب الي عنده معلومات لا يبخل علينا ،،
انا ببدأ الكوب بعد كم يوم في الظهران ، وانا من اهل الرياض ، وما ادري عن وضع السكن بارامكو ؟ هل يعطون الطلاب ؟ وهل هي مشتركة مع طلاب ؟
الشيء الثاني ارسلوا لي ايميل وعبيت البيانات بموقع ارامكو ، وش باقي من إجراءات مطلوبة ؟؟
مايهم وين ساكن … دام انك من طلاب البترول والكواب بالظهران ارامكو مايعطوك سكن ولا حتى بدل سكن … لان اصلا 10 دقايق وتوصل مكان العمل من الجامعة
حبيبي , معليش سؤال شاطح … يوم رسلوا لك النموذج اللي تعبيه بالإيميل , هل فتح معاك؟ لإني حاولت وقالي رقم الهوية مو في السستم …
بالنسبة لك سجل حساب جديد
هذا الرابط الي تدخلون عليه اعتقد انه نفس الطريقة لمن سجلنا في موقعهم حق برنامج cpc لمن تخرجنا من الثانوية . بمعنى اخر اهو تقديم طلب فرصة تدريب (مع انهم السمستر الي فات ما ارسلوا لنا رابط نعبيه ولا شي )
وبالتوفيق
Ibrassa
أنا مو من البترول يا غالي ، عشان كذا سألت
alqatel
صار لي زيك ، بتحصل فوق بالازرق application wizard اضغط عليه
وحط اسم المستخدم وكلمة المرور اذا تذكرها اذا ما تذكر اضغط على استرجاع
ليت احد يفيدني بأسئلتي بأول مشاركة
إذا منت طالب بالبترول ايه لك سكن
لكن لو طالب مالك سكن ولا بدل سكن
دامك مب من البترول بيعطونك غرفه مشتركه في حي المنيره داخل الشركه, ولك الحق تختار الروميت
بيض الله وجيهكم والله يوفقكم ، ما قصرتو والله …
وبخصوص الإجراءات بعد ادخال البيانات برابط ارامكو وش باقي ؟؟
سؤال يا اخوان
هل تعطي أرامكو لطلاب الكوأب بدل سكن ؟
راح يرسلون لك رساله على الجوال عشان تروح لمكتب الزوار (عند مدخل الشركه بعد مركز تدريب itc وقبل مكتب التوظيف) عشان تطلع ال id (تصوير + تبصيم) وتستلم البطاقه مباشره, وبعدها تروح مكتب التوظيف وتسلمهم البطاقه والسجل الأكاديمي ويعطونك العقد توقعه.
بعد كذا يجيك ايميل بمكان اليوم التعريفي (يومين) وغالبا يكون في مركز معارض أرامكو, خلاله يعلمونكم كل شئ عن الشركه ويعرفونكم بشروط السلامه و أنظمة الشركه … الخ الخ. ويعطونك البطاقه ويعطونك فورم للسكن ويعبونه يوقعونه وبعدها تروح لحي المنيره وتسلمهم الفورم وتطلع غرفتك, ثاني يوم تروح مركز المعارض وهو اليوم التعريفي الثاني كله بربره في بربره بعدها يعطون كل واحد ورقه فيها معلومات العمل (الاداره و عنوانها واسم المشرف و رقمه).
وبالتوفيق واذا عندك اي استفسار تفضل 
لا, فقط سكن بشرط ان التدريب في الظهران و سكنك الاصلي بعيد (اعتقد ما يعطونك اذا انت من الظهران و الخبر و الدمام)
الله يعطيك الف عافية أخوي xCISx كفييت ووفييت …
يا جماعة متأكدين من كلامكم ؟ انا اعرف واحد معنا بالجامعة وساكن بالجامعة ومع ذلك اعطوه سكن
حتى في رمضان كنا نتجمع عنده ونطبخ بالفرن حقهم… يعني اتوقع تقدر تاخذ سكن
انا كنت كواب الظهران ،، عطونا سكن بعد ما ازعجناهم ،. حاولو معهم بيعطونكم
الدمعه تبي تنزل 
ايام يا فرنا العزيز, كنا 4 و عندنا غرفتين, من كثر التخبيص خربنا فرن, بس الحمدلله مب في غرفتي 
والله كانت أيام حلووه جدا