من وجابي كعضو في هذا المنتدى والي ساعدني انه اقدم على وظائف كثيرة أحب اقول انه الوقت الحالي لحد يقدم استقالتة من وظيفتة او يفكر يطلع من عملة لانه معظم الشركات صارت تغير رائيها فجأة بسبب فيروس كورونا وتأثيرها على الوظائف.
انا في فبراير الي راح قدمة على شركة واتفقت معاها رسمياٌ على الراتب والمميزات وهي شركة من المصنعين الكبار في العالم لأجهزة التحكم والقياس وكنت استنى العقد للتوقيع واليوم ارسلو لي ايميل يقولون فيه انه تم تعليق الوظيفة الي عام 2021 وانه اذا لي شي بشركة من تعويض سفر او خلافه اقدر استرجعة.
لذا ارجو منكم في هذا الظروف الحذر والدعاء ليرفع الله عنا هذا الوباء.
وعليكم السلام
بارك الله فيك ويجزاك ربي كل خير
صدقت لحد يقدم استقالته الا اذا اخذت تاريخ مباشره ووقعت عقد رسمي موب بس عرض وظيفي
واحد من الزملاء وقع مع شركه واخوه قاله لا تقدم استقاله اصبر … بعد يوم او يومين اظن جاه اتصال من الشركه ان ماراح تقدر تباشر الان مع الوضع الي صاير بسبب الفايروس … انتبهو ي اخوان لان الشركات تاثرت كثير خصوصا ان الغالبيه العظمى منهم يداوم عن بعد .
احذر احذر اذا وقعت عقد رسمي كلم الشركه وتاكد منهم وخذ ايميل رسمي منهم .
ويا صاحب الموضوع الله يجعل كل تاخيره فيها خيره يارب وييسر امورك يارب
معلومتك ماهي دقيقة … كيف توقع عقد بدون اخلاء طرف … الوضع انه يجيك عرض وظيفي واذا قبلت فيه تقدم استقالتك ومن بعدها يجيك العقد وتوقع عليه !!
عموماً الوضع حالياً صعب واعتقد انه اغلب الشركات راح تاخر طلبات التوظيف لفترة معينة من الزمن ممكن تكون مثل ماقال الأخ في ٢٠٢١ … ولعل الله يحدث بعد ذلك أمرًا
تصدقون يا شباب انا سعيد بالكورونا وليس لابتلاء الناس والعياذ بالله بس لانه كشف مدي سوى الوضع الحالي من القدرة المادية للناس و ايضا مقارنة الوظائف التي يعمل بها الاجانب :
القدرة المادية:
مع زيادة عدد الكفاءات وغلق التوظيف والان منع تجول وحظر … اصبح لدينا مشكلة اكبر من الكورونا عارفين ليه لانه والله علي ما اقول شهيد في ناس عاطلين وانا منهم ياكل ويشرب بعد الله باستخدام كريم و مرسول الان بعد الحظر يا يموت جوع يا يتجهه هذا الشخص للسرقة و العنف والمصيبة الي فوق واصحاب القرار نايممن بالعسل
الدولة عندنا فرحانه قاعده تنزل رواتب الموظفين قبل الوقت المحدد عشان الناس تقدر تواجهه كورونا والي مثلي يروح يشرب من البحر . او يموت جوع او يتجه اتجاهات غير شريفة … والله شي يقهر بس شي كويس ليكشف مدي سؤاء تردي الوضع عندنا
الوظائف الي يعمل بها الاجانب:
انه الاجانب ماسكين جميع المناصب العليا بالشركات واذا جيت تتكلم قالو لك هذه عنده خبره وتعلم من جامعات قوية والان المتخرجين السعوديين الي عاطلين مستواهم اعلي من الموظفين الاجانب من حيث قوة الجامعة والرغبة الجاده عند السعودي لكي يفيد ويستفيد وفي النهاية نجد موضوع في منتدي جامعة قوية يقول لنا اصبروا وامسكوا بالوظائف بدل ما يكون انه الكورونا راح يكون سبب فيانه الشركات تفتح باب التوظيف لسد العجز وزيادة الانتاج … من اوقات الحظر ومنع التجول بسبب المرض
انا شخصيا متخرج بمرتبة شرف ومعي ماستر بالهندسة الكيميائية عاطل لي ما يقارب سنتين وتطلب مني الان انتظر اكثر بسبب كورونا … ومثلي رقم لا بئس فيه … انا ما ادري وين احنا متجهيين … اذا هذا صار وضع المهندس السعودي ويشتكي بالنت يا موظف ب اقل راتب بالعالم او عاطل ما حصل حتي وظيفة في بلده بلد البترول الاول بالعالم وشعب عدده عشرين مليون كذا الوضع ؟؟؟؟ لو صرنا 40 مليون ايش نسوي نتحارب علي الوظايف
والي يقهر اكثر عندك عشر مليون اجنبي ببلد متوظفين … ولكن في النهاية شكرا كورونا
نظاما لا يسمح لك بأن يكون لك عقدين عمل سارية المفعول في نفس الوقت. بمعنى يحق لك توقع عقد عمل مع شركة اخرى على أن يكون تاريخ المباشرة بعد انتهاء عقدك مع الشركة الحالية.
أما بخصوص التأمينات ففي فترة نظامية تقدر تداوم مع شركة اخرى لين يسقط اسمك من الشركة الاولى. أحيانا لك مستحقات عند الشركة الاولى وما استلمتها فصعب تتنازل عن حقك وتوقع.
مهما حاولنا فلن نشعر ولن يشعر اي شخص بما تشعر به ويشعر به الكثيرين من العاطلين … ولكن تأكد وثق بإن الله سبحانه وتعالى وحده هو الرازق الكريم …
في ٢٠١٦ وبعد زواجي بثلاثة اشهر تم فصلي من العمل … فلك ان تتخيل مقدار العجز الذي يشعر به الشخص في هذا الموقف … مافيه وظيفة ماقدمت عليها حتى حارس امن قدمت عليها ولايوجد عيب في عملهم ولكن ذكرتها لأوصف لك المرحلة اللتي وصلت لها !
عموماً جلست ٣ اشهر بالبيت في وضع مزري إلى ان أتى الفرج من الله وتوظفت في وظيفة لم اكن لأحلم بها لولا ألطاف الله وفضله.
ثق بالله فهو يرزق الطير بالسماء والسمك في قاع البحر … فأسأل
اللهم لك الحمد والشكر والله راضي وشاكر وحامد الله علي نقمة الصحة والعافيه
حاليا انا ما اتكلم عن مشكلة فردية احنا نتكلم عن ظاهرة سيئة جدا وخطيرة وهي
1- وجود عدد كبير من المهندسين عاطلين تجد ان يوم المهنه او لقاءات التوظيف يوم تجتمع مع المهندسين جميعهم محبطين والشركات تتفلسف عليهم بدون اي شي وبدون حياء … اصبح موظف ال الاتش ار يطقطق علي المتقدمين ويستهبل … مع الاسف شفت بعيني قمة الاستهتار بالمهندس
2- الان اصبح من الدرج الي يدخل كلية الهندسة اصبح الي يدخل كلية الهندسة يجيه احباط واهمال من الوضع المزري وسؤ الوضع
3- اصبح كل واحد يدور واسطة عشان ينقذ نفسه من قفص العطاله … مهندس يدور واسطة فساد فتخصص الهندسة كيف يعقل هذا …
4- من ناحية الموظف لو حصل وظيفة يكون راتبة اضعف راتب فضعف الرواتب للمهندس السعودي بعض الرواتب تصل اذا كان محظوظ 6000 و 7500 فل باكيج لتخصص الهندسة هل هذا يعقل بعض المهندسين الاجانب يصل راتبهم الي سبعين الف ريال سعودي في نفس الشركات التعبانه ذي الي تعطي اوفر ست وسبع الالاف
4- بيئة العمل السيئة من حيث السعودة الوهميه ومن حيث الاجانب يجعلوا المهندس السعودي كانه ما يفهم فيبعدوه عن العمل او فهم طريقة سير العمل الصحيحة وبالتالي يظل المهندس ما يتطور وبالتالي تقعد تحت رحمة الاجانب
الان اصبح الموضوع شي عادي انك تشوف مهندس عاطل لان الناس اعتادوا علي هذا الوضع فين بالسعودية اغني بلد بالعالم … ويصير الوضع كذا ؟؟؟
انا ولله الحمد راضي انا اتكلم عن الوضع العام وما وصلنا له واذا قعدنا كذا المشكلة تكبر الي ان تنفجر وتخرج عن السيطرة تماما
هذا واقع وليس كلام فاضي واميلات تم ارسالها لي شخصياً واليوم الصباح ارسل لي المدير حقي في الشركة انه الرواتب راح تنزل متاخر او ممكن مراح يتنزل الشهر هذا والي يبي سلفه يطلب …هذا بسبب الشركات الي نتعامل معاها لم يدفعو المستحقات الي عليهم.
اكيد في شركات جالسة تستفيد من الوباء زي شركات تصنيع المعقمات والكمامات وغيرها من المستلزمات لكن لما نجي نتكلم بشكل عام الضرر اكبر بمليون مرة من الفائدة فكل القطاعات والبطالة بيكون مستواها قياسي اذا استمر الوضع كما هو عليه. والدول جالسة تحاول تدعم القطاع الخاص واغلب الشركات تحاول تقلل الخسائر قدر الامكان حتى لو على حساب موظفيها فما بالك بغير موظفيها او المقدمين على الوظايف. ان شاء الله تنتهي الازمة قريب وتعود المياه لمجاريها
ايش هو الكلام الفاضي ؟؟؟ تقصد بطالة المهندسين انت ما تشوف الاعلام ما تقرا الصحف ما تروح لقاءات توظيف وتقابل المتخرجين ؟؟؟؟ ما تشوف معاناة الموظف المهندس السعودي وكيف مسوينه كانه عامل او فني وباقل راتب عشان يطفشونه من العمل ويكره اليوم الي فكر يدخل فيه كلية الهندسة؟؟؟
ما تعرف انه الدولة صرفت ملايين علي كل مبتعث وايضا علي التعليم الداخلي عشان ذول يتم الاعتماد عليهم والاستغاء عن الاجانب الي رواتبهم خرافيه … يعني احنا خسرانا بالتعليم وخسرنا بالبطالة الي وصلت لشي غير منطقي وغير مقبول … فلا يحدث في اي بلد بالعالم انه المهندس ولد البلد عاطل بينما الدولة تعتمد علي المهندس علي الاجنبي …
في عندنا مثل يقول ما يحس بالجمر الي الي واطيها ومثل اخر الي ايده بالموية موب مثل الي ايده بالنار … وانا ما ابي ادخل واسال كيف توظفت ومع بدايه الازمة الا انه عندك حرف واو قوي بس الله يوفقك … ولكن عيب عليك انك عشان سلمت من وضعنا تتكلم علينا ,
كورونا ذا يعتبر مثل القشة التي قسمت ظهر البعير … احنا اصلا قاعدين بالسنوات في بيوتنا لاسباب واهيه وغير منطقة وبدون كورونا الان مع كورونا والازمة العالميه الظاهر راح نتوظف اذا شيبنا …
وفي الاخير اسال الله انه يكون كلامي كلام فاضي وتطلع انت علي حق واحنا غلط علي الاقل يتم تعديل ذي المشكلة الي ما يصلح لدولة مثلنا خيرها علي جميع شعوب العالم يصير عندها كذا
انا بتكلم عن قطاع الشركات المتوسطة و الصغيرة لان الشركات الكبيره ارامكو و سابك و غيرها نسبه السعوده فيها جيده لكن بالنسبه للمتوسطه الصوره العامه هي رجل اعمال فتح شركه في مجال معين يروح يشوف بهالمجال مين الجنسيه المسيطره يقوم يستقدم طاقم كامل من المدير الى القهوجي من نفس الجنسية كلهم يجون بطياره وحده هههههه و المالك السعودي مكبر الوساده فالبيت و الوعد اخر السنه يشوف الميزانيه و الارباح و ياخذ نصيبه و يرجع يكمل النومه فيحس وقتها الموظفين الشركه شركتهم و لا يبغون اي جنسيه ثانيه تدخل معهم فالشركه و اذا بيوظفونك وظفوك عشان يحققون نسبة السعوده
