"أرامكو تحسبها ليك سنوات خدمة …
سابك ما تحسبها خدمة … ( معلومة أكيدة ومضمونة و موثوقة جداً ) …
أعرف طلاب طلعو مع سابك بدون اختبار ولا مقابلة ولا أي شي … كلو واسطاااات"
معذرة اخوي لكن بعض معلوماتك مغلوطة عن سابك
انا من طلاب سابك ابتعاث داخلي وقبلت بدون واسطة ولا يحزنون
قبلت بتوفيق الله ثم إجتهادي وتعبي
واللي قالك انهم ما يحسبون سنوات خدمة تراه كذاب, العقد عندي وإذا حبيت ارفع لك صورة
تأكد من مصدر معلوماتك الله يحفظك
---------------------------------------------------------
برى الموضوع
اذا كنت متحير بين ارامكوا وسابك فأنا اقولك ان إبتعاث سابك (اتكلم عن الداخلي بحكم اني فيه) يعتبر اريح (ما قلت افضل) مليار مرة من ابتعاث ارامكوا
اذا كنت طالب تحب الدراسة وعقلك نظيف وشغوف للدراسة والفهم (داااااااااافووووووووور)… ارامكوا تحقق لك الإشباع هذا (واحد حياته الإجتماعية نوعاً ما ضعيفة ويقدم الدراسة والعلم على كل شي لست وانا اتستهزئ هنا) وبحكم السنة التحضيرية الخاصة بهم (راح يكرفونك كرف ما بعده كرف)
انا ما افرق عن طالب البترول العادي في دراستي في شي غير اني مبتعث من سابك يعني ادرس حالي حالك والحمد لله
(يعني اذا كنت تشوف دراسة البترول صعبة فدراسة ارامكوا شي ثاني)
مبتعث ارامكوا ياخذ سنة تحضيرية خاصة وصعبة
اما الإبتعاث الخارجي فما عندي خلفية عنه لكن اذا كنت من الدوافير (النوع الإكتسريم الخاص بأرامكوا) وقدمت عند سابك فستتميز بسهولة عند سابك عكس ارامكوا لأن طلاب ارامكوا كلهم دوافير (nerds) وسابك فيها دوافير وعقول نظيفة لكن ما ننكرف كرف ارامكوا
just my 2 cents
يعطيك العافية أخوي على مشاركة تجربتك ، موضوع مفيد جداً …
بس عندي كم سؤال على الطاير ( ويمكن أرجع بعد )
1- من ناحية البزنس ، إذا لك خبرة في هالموضوع وشي أفضل التخصصات الموجودة حسب رأيك - خصوصاً من ناحية الوظيفة - ؟!
2 - على حسب كلامك أنه أرامكو تكرفك بقووة ، انا ماعندي مشكلة في هالنقطة لكن وش راح يكون الفرق بيني وبين الطلاب الي ما انكرفوا ؟ مثل طلاب البترول وباقي الجامعات السعودية الي كرفهم أقل ؟ يعني هل أفضّل عليهم من ناحية الوظيفة والرواتب وغيرها ولا كلنا سوى ؟!
3- بالنسبة للدرجات في السنة التحضيرية هل هي مهمة ؟ أو بالأحرى هل الدكاترة متوقعين منك تحقيق نتايج عالية والا عارفين أن تحقيق نتايج عالية شبه مستحيل - حسب كلامك - ؟
)